არჩილ თალაკვაძე - საგანგებო მდგომარეობის დროს გვქონდა საკმაოდ მაღალი ჯარიმები, რომლებიც ახლა პროპორციულად ვეღარ ჩაითვლება

არჩილ თალაკვაძე - საგანგებო მდგომარეობის დროს გვქონდა საკმაოდ მაღალი ჯარიმები, რომლებიც ახლა პროპორციულად ვეღარ ჩაითვლება

access_time2020-06-01 21:20:24

საქართველოს პარლამენტის თავმჯდომარე არჩილ თალაკვაძე ჯანდაცვისა და იურიდიული კომიტეტის თავმჯდომარეებს მიმართა, დაჩქარებულ რეჟიმში დაიწყონ მუშაობა, რათა კორონავირუსის პანდემიის პირობებში მოქმედი წესების ადმინისტრირებისთვის საკანონმდებლო ცვლილებები შეიმუშაონ.

 

როგორც თალაკვაძემ აღნიშნა, დაავადებათა კონტროლის ცენტრის ხელმძღვანელმა, ამირან გამყრელიძემ საჯაროდ ისაუბრა, რომ არაერთი შემთხვევა ფიქსირდება, სადაც მოქალაქეები არ იცავენ იმ რეკომენდაციებსა და წესებს, რაც არის მოწოდებული ჯანდაცვის სამსახურების მხრიდან.

 

„მინდა, ჯანდაცვისა და იურიდიული კომიტეტის თავმჯდომარეებს ვთხოვო, დაჩქარებულ რეჟიმში დაიწყონ მუშაობა და რაც შეიძლება მოკლე დროში შეიმუშაონ საკანონმდებლო ცვლილებები, რომლებიც უკავშირდება ამ წესების ადმინისტრირებას. კერძოდ, თქვენ გახსოვთ, რომ საგანგებო მდგომარეობის დროს გვქონდა საკმაოდ მაღალი ჯარიმები დაწესებული, რომლებიც უკვე საგანგებო მდგომარეობის ამოწურვის შემდეგ ვეღარ ჩაითვლება პროპორციულად. ყოველდღიური, ხშირი, ინდივიდუალური გამოყენებისთვის, საჭიროა უფრო რაციონალური ჯარიმების შემოტანა, საჭიროა ახალი ზომების განსაზღვრა, რათა შესაბამის სამსახურებს უკვე ყოველდღიურ რეჟიმში მიეცეთ საშუალება, რომ ასეთ დარღვევებზე რეაგირება მოახდინონ“,- განაცხადა თალაკვაძემ.

 

პარლამენტის თავმჯდომარის თქმით, ჯარიმების ოდენობა უნდა იყოს გონივრული და მას პრევენციული ეფექტი უნდა ჰქონდეს.

 


„ჯარიმების ოდენობები უნდა იყოს გონივრული, უნდა ჰქონდეს მას პრევენციული ეფექტი და ამავე დროს, ის მოქალაქეებს დამატებით სოციალურ პრობლემებს არ უნდა უქმნიდეს. ამიტომ, გთხოვთ ბატონო ანრი, ასევე ბატონ დიმიტრი ხუნდაძეს, რომ ჯანდაცვის სამინისტროსთან და მთავრობასთან ერთად დროულად დაამუშაოთ ცვლილებები და რაც შეიძლება დაჩქარებული ტემპში მივიღოთ ეს ცვლილებები, რომ მთავრობას მიეცეს ადმინისტრირების შესაძლებლობა ასეთ დარღვევებზე. კიდევ ერთხელ ვუსვამ ხაზს, ეს დარღვევები არ არის მხოლოდ დარღვევები, რომელიც ერთ მოქალაქეს უკავშირდება, ვინც შეიძლება ეს წესები დაარღვიოს. ასეთი ტიპის დარღვევები წესების და რეკომენდაციების უკავშირდება სხვა ბევრი მოქალაქის ჯანმრთელობას, სიცოცხლეს და ნებისმიერ ცალკეულ შემთხვევაში ქმნის მცირე ეპიდემიოლოგიური გართულებების საფრთხეს, რაც, მათ შორის, ბოლო ერთი კვირის განმავლობაში გვქონდა სახეზე.

 

მნიშვნელოვანი იქნება, რომ ამის ადმინისტრირების კუთხით ჩვენ შევქმნათ მაქსიმალურად სამართლიანი და ამავე დროს ეფექტური საკანონმდებლო რეგულაციები. გთხოვთ, რომ ამ მიმართულებით დროულად დაამუშაოთ საკანონმდებლო ინიციატივები, რომ უახლოეს სხდომებზე ჩვენ გვქონდეს მისი მიღების საშუალება. გამოყენებული იყოს ასეთი ზომები უკვე ამ წესების ადმინისტრირებისთვის, იქნება ეს საზოგადოებრივ ტრანსპორტში, თავშეყრის ადგილებში თუ სხვა საჯარო აქტივობებში“,- აღნიშნა თალაკვაძემ.

 

თალაკვაძის თქმით, სისტემური შეზღუდვების მოხსნის ფონზე, ინდივიდუალურად წესების დაცვა ხდება უფრო მნიშვნელოვანი, ვიდრე ეს იყო წარსულში, როდესაც კარანტინის და საგანგებო მდგომარეობის ვითარება მოქმედებდა.

 

„დღეს საუბრობდა დაავადებათა კონტროლის ცენტრის ხელმძღვანელი, მაგალითად, მათ შორის, პარკებში, სადაც არის ბევრი ადამიანი შეკრებილი, ბოლო დღეებში იქაც ხშირად ადამიანები პირბადეს არ იყენებენ.

 

მე კიდევ ერთხელ მინდა ვთხოვო ჩვენს მოქალაქეებს, რომ ინდივიდუალური დაცვის საშუალებები, პირბადე განსაკუთრებით, დღეს ხდება განსაკუთრებით მნიშვნელოვანი. როდესაც სახელმწიფომ სისტემური შეზღუდვები მოხსნა, ჩვენ უნდა გვესმოდეს, რომ ამ სისტემური შეზღუდვების მოხსნის ფონზე, ინდივიდუალურად წესების დაცვა ხდება ორმაგად და სამმაგად უფრო მნიშვნელოვანი, ვიდრე ეს იყო წარსულში, როდესაც კარანტინის და საგანგებო მდგომარეობის ვითარება მოქმედებდა“,- განაცხადა არჩილ თალაკვაძემ.

 

წყარო პირველი არხი





აკვაპარკი Gino Paradise-ი დღეს იხსნება

აკვაპარკი Gino Paradise-ი დღეს იხსნება
access_time2020-07-09 10:48:13
ქვეყანაში პირველი მსხვილი აკვაპარკი Gino Paradise-ი დღეს იხსნება. ამის შესახებ კომპანიამ საკუთარ ფეისბუქ გვერდზე დაწერა.„მოვიდა ნანატრი დრო! გავიარეთ ყველანაირი შემოწმება და დღეს, 9 ივლისს ვიხსნებით! დიდი ხნის განშორების შემდეგ, მოუთმენლად ველოდებით თქვენთან შეხვედრას მზის მცხუნვარე სხივებისგან გაგრილება, ჩვენს გრილ, ჩუხჩუხა აუზებში დღეიდან შეგიძლიათ! მზე, აუზები, სრრიალ-ბზზრიალა ტობოგანები, წყლის ატრაქციები, უგემრიელესი კოქტეილები - ესაა ყველაფერი, რაც ნანატრი...

ახალი სატარიფო გეგმა ენერგეტიკაში ინვესტიციებს გაზრდის

ახალი სატარიფო გეგმა ენერგეტიკაში ინვესტიციებს  გაზრდის
access_time2020-07-09 10:00:31
საქართველოს მთავრობამ მცირე და საშუალო ჰიდროელექტროსადგურების განვითარებისთვის განახლებადი ენერგიის წყაროების მხარდაჭერის ახალი მექანიზმი დაამტკიცა. მხარდაჭერის სქემა მოიცავს შემდეგ კომპონენტებს: მხარდაჭერის პერიოდს და პრემიალურ ტარიფს. საქართველოს მთავრობის დადგენილების მიხედვით მხარდაჭერის პერიოდი განისაზღვრება სადგურის ექსპლუატაციაში შესვლისა და წარმოების ლიცენზიის (კანონმდებლობით ასეთი საჭიროების შემთხვევაში) გაცემიდან ათი წლის ვადით, წელიწადში 8 თვის...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-08 21:30:06
დღის Top-10 საინტერესო ამბავი 1.აშშ-ს ეს დამოკიდებულება ცოტა გადაჭარბებულია -ბიზნესი ამერიკის კონგრესის განცხადებაზე კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“ ხელმძღვანელი ირაკლი იაშვილი „კომერსანტთან“...

ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება
access_time2020-07-08 20:00:35
ევროპამ კორონავირუსის პანდემია დაძლია, კარანტინი მოხსნა და საზღვრების გახსნისთვის ემზადება.მიზანია ნორმალური ცხოვრების აღდგენა და გაჩერებული ეკონომიკის ამოქმედება. ჩამოშლის სტადია შეჩერებულია, ეკონომიკური აქტიურობა აღდგენას იწყებს, თუმცა ეკონომისტები ფულის თვლას იწყებენ იმაზე, თუ ასწლეულის უმსხვილესი კრიზისიდან გამოსვლისთვის  რა თანხები იქნება საჭირო. ოპტიმისტები  რამდენიმე მიზეზის გამო უმცირესობაში...


მსგავსი სიახლეები

up