არჩილ თაბაგარი: სასამართლომ „ღვინის ქახანა #1-ის“ საქმეში ახალი მტკიცებულებები ჩართო

არჩილ თაბაგარი: სასამართლომ „ღვინის ქახანა #1-ის“ საქმეში ახალი მტკიცებულებები ჩართო

access_time2019-10-11 14:00:53

“ ღრმად ვარ დარწმუნებული  და მაქვს იმედი რომ სასამართლო მიიღებს ობიექტურ გადაწყვეტილებას. საქმის განხილვა გაგრძელდება 24 ოქტომბერს, 16:00 საათზე,“ - ამის შესახებ „ღვინის ქარხანა N1-ის“ ადვოკატმა, არჩილ თაბაგარმა  „ღვინის ქარხანა #1-ის“ საქმეზე საუბრისას განაცხადა.


შეგახსენებთ, რომ „ღვინის ქარხანა #1-ის“  ტერიტორია 2015 წლიდან  სასამართლო დავის საგანია და 10 ოქტომბერს, თბილისის სააპელაციო სასამრთლოში აღნინშულ საქმეზე სასამართლოს მთავარი მოსმენა გაიმართა.


არჩილ თაბაგრის თქმით, სასამართლომ დღევანდელ მოსმენაზე გაიზიარა დამოუკიდებელი ექსპერტების, აკადემიური წრის წარმომადგენლების-თბილისის სახელმწიფო უნივერსიტეტის პროფესორების მიერ მომზადებული სამართლებრივი დასკვნა, რომელიც სარჩელს  საფუძველს  უკარგავს.


„დღეს ძალიან მნიშვნელოვანი სხდომა იყო. ახალ მტკიცებულებებზე ვისაუბრე. სასამართლომ გაიზიარა ჩვენი პოზიცია ახალი მტკიცებულებებთან დაკავშირებით და ჩართო ისინი საქმეში, რაც ძალიან მისასალმებელია და დადებითი. ახალი მტკიცებულებები წარმოაჩენს მთლიანად სარჩელის უსაფუძვლობას. ამხელს მოსარჩელეს ტყუილში, აბსოლუტურად უკარგავს სარჩელს საფუძველს.ეს ყველაფერი  მისასალმებელია .  ამასთან, სასამართლომ გაიზიარა და ჩართო საქმეში დამოუკიდებელი ექსპერტების მიერ მომზადებული სამართლებრივი დასკვნა. ის იქნება შეფასებული გადაწყვეტილების მიღების სტადიაზე.  დღეს ჩატარდა ახსნა-განმარტება. მე ძალიან ღმრად ვარ დარწმუნებული  და მაქვს იმედი რომ სასამართლო მიიღებს ობიექტურ გადაწყვეტილებას. საქმის განხილვა გაგრძელდება 24 ოქტომბერს, 16:00 საათზე. ეს იქნება მტკიცებულებების გამოკვლევის ეტაპი“,-ამბობს არჩილ თაბაგარი. მისივე თქმით, „სავანე ღვინის #1 ქარხნის“ სარჩელის დაკმაყოფილება შეუძლებელია.



არჩილ თაბაგარის განცხადებით, სარჩელის დაკმაყოფილების პერსპექტივა გამორიცხულია იმდენად, რამდენადაც დამოუკიდებელი სპეციალისტები, რომლებიც ამ  საქმეში ჩაერთვნენ, როგორც დამოუკიდებელი ექსპერტები გამორიცხავენ ამას! „ესენი არიან თბილისის სახელმწიფო უნივერსიტეტის პროფესორები, ბატონი ირაკლი ბურდული და გიორგი რუსიაშვილი. მათი მომზადებულია ეს დასკვნა, გაანალიზებული და სამართლებრივი დასკვნით გამოტანილი. ეს რომც არ იყოს ასე, შეუძლებელია ეს სარჩელი დაკმაყოფილდეს მარტივი მოცემულობის გამო. სარჩელი ეფუძნება იმას, რომ 2004 წელს კომპანია“ სავანე ღვინის #1 ქარხანამ“ რომელსაც არჩილ კბილაშვილი იცავს დღეს, დაკარგა ქონება გიორგი მგალობლიშვილის მიერ ქონების მითვისების გამო. ესაა პიროვნება, რომელიც მიეცა სისხლის სამართლის პასუხისგებაში ქონების მითვისების ბრალდებით, თავის დროზე არჩილ კბილაშვილი იცავდა, რამდენად პარადოქსულიც არ უნდა იყოს გიორგი მგალობლიშვილს 2013 წელს ამოძრავებდა მსჯავრისგან თავის არიდება.  ამას შეძლებდა მხოლოდ გზით, თუ დაზარალებული კომპანია იტყოდა რომ მას არ მიუყენებია ზიანი, რაც მან გააკეთა. „სავანე ღვინის #1 ქარხნა“ მას ფარად აქვს აფარებული. რეალურად ის ფლობს საკონტროლო აქციებს. როდესაც ეს გაინაღდა, მსჯავრი აირიდა სისხლის სამართლებრივი, მერე წამოვიდა, შეინიღბა კომპანიით, რომლის დამფუძნებელიც თვითან არის. „სავანე ღვინის #1 ქარხნამ“ იჩივლა, თითქოსდა დაზარალებულია და გიორგი მგალობლიშილმა დააზარალა! ისინი იმას ვერ უშვებდნენ, რომ ეს მტკიცებულება ჩაგვივარდებოდა ხელში! ამიტომ ვერ დაკმაყოფილდება ეს სარჩელი!“,-ამბობს არჩილ თაბაგარი.


ცნობისათვის, გუშინ თბილისის სააპელაციო სასამართლოში „ღვინის ქარხანა #1-ის“ სასამართლო სხდომა გაიმართა. “ღვინის ქარხანა #1-ის“ საქმეზე სასამართლო დავა 2015 წლიდან დაიწყო. ქონების უკან დაბრუნებას ის ხალხი ითხოვდა, ვინც ტერიტორიას 2004 წლამდე ფლობდა და დაკარგა, ამის შემდეგ ღვინის უძველესმა ქარხანამ ათამდე მესაკუთრე გამოიცვალა. თბილისში, პეტრიაშვილის ქუჩაზემდებარე ღვინის ქარხნის ისტორიული შენობა დღევანდელმა მესაკუთრეებმა საქართველოში მოქმედი ორი ყველაზე მსხვილი კომერციული ბანკისაგან გამოისყიდეს. 2014 წლის დეკემბერში ღვინის ქარხნის შემძენების – შპს “არტ ღვინოს” – მიმართ თბილისის საქალაქო სასამართლოში დაიწყო სამოქალაქო დავა. მოსარჩელე – სააქციო საზოგადოება “სავანე ღვინის #1 ქარხანა”. მისი წარმომადგენლად აღნიშნულ დავაში საქართველოს ყოფილი მთავარი პროკურორი არჩილ კბილაშვილი ჩაერთო. „ღვინის ქარხანა #1ის“ მესაკუთრეების მიერ ორ ინსტანციაში მოგებული სასამართლო პროცესების შემდეგ საქმე კვლავ დაბრუნდა სააპელაციო სასამართლოში, დავაში წლები გადის და ამ დროისთვის საქართველოს პირველი ღვინის ქარხანა დაყადაღებულია.



კომერსანტი







„დემოკრატიის ინდექსი“ უმრავლესობის იმ წევრების შესახებ საინტერესო გარემოებებზე საუბრობს, რომელთაც პროპორციულ სისტემას მხარი არ დაუჭირეს

„დემოკრატიის ინდექსი“ უმრავლესობის იმ წევრების შესახებ საინტერესო გარემოებებზე საუბრობს, რომელთაც პროპორციულ სისტემას მხარი არ დაუჭირეს
access_time2019-11-17 22:40:06
„დემოკრატიის ინდექსი საქართველო“ პარლამენტის იმ დეპუტატების შესახებ ავრცელებს განცხადებას, რომლებმაც პროპორციულ საარჩევნო სისტემაზე გადასვლასთან დაკავშირებით მომზადებულ საკონსტიტუციო ცვლილებებს მხარი არ დაუჭირეს. როგორც განცხადებაშია ნათქვამი, მმართველი ხელისუფლების მიერ საჯაროდ გაცემული დაპირების შეუსრულებლობაზე პასუხისმგებლობა ეკისრება, როგორც პარტია „ქართული ოცნების“ თავმჯდომარეს, ბიძინა...

აქციის მონაწილეების მიერ „ქართული ოცნების“ ოფისთან წარწერის: „წადი“ გაკეთებას, პოლიციასთან შეხლა-შემოხლა მოჰყვა

აქციის მონაწილეების მიერ „ქართული ოცნების“ ოფისთან წარწერის: „წადი“ გაკეთებას, პოლიციასთან შეხლა-შემოხლა მოჰყვა
access_time2019-11-17 19:45:19
“ქართული ოცნების” ცენტრალურ ოფისთან მოძრაობა “შეცვალეს” წევრებსა და პოლიციას შორის შეხლა-შემოხლა მოხდა. მიზეზი აქციის მონაწილეების სურვილი იყო, პარტიის...

ვაჟა სირაძე - პოლიციის ძალები იქნებიან ყველა ადგილზე, სადაც აქციის მონაწილეები გადაინაცვლებენ

ვაჟა სირაძე - პოლიციის ძალები იქნებიან ყველა ადგილზე, სადაც აქციის მონაწილეები გადაინაცვლებენ
access_time2019-11-17 19:41:13
პარტია „ქართული ოცნება-დემოკრატიული საქართველოს“ ცენტრალური ოფისისკენ პარლამენტთან მიმდინარე აქციის მონაწილეთა ერთი ნაწილი გაემართა.   „ოცნების“ ოფისთან მობილიზებულია საპატრულო პოლიციისა და კრიმინალური პოლიციის დანაყოფები. როგორც საქართველოს შინაგან საქმეთა სამინისტროს საპატრულო პოლიციის დეპარტამენტის უფროსმა ვაჟა სირაძემ  ჟურნალისტებს განუცხადა, პრევენციის მიზნით, პოლიციის ძალები არიან და იქნებიან ყველა იმ ადგილზე, სადაც აქციის მონაწილეები...

Zolotaia Korona ისევ ლიდერობს - როგორია ფულადი გზავნილების ქართული ბაზარი

Zolotaia Korona ისევ ლიდერობს - როგორია ფულადი გზავნილების ქართული ბაზარი
access_time2019-11-17 18:00:11
საქართველოში სწრაფი ფულადი გზავილების მიხედვით რუსეთი ისევ ლიდერია. კერძოდ, 2019 წლის ოქტომბერში მთლიანი ჩარიცხვების 18-22%, ხოლო გადარიცხვების 40-43% Zolotaia Korona-ზე მოდის.   აღსანიშნავია, რომ 2012 წლის შემოდგომამდე, წლების განმავლობაში, ფულადი გზავნილების სისტემებში ლიდერის პოზიცია Intel Express-ს და Unistream-ს ეკავა. თუმცა, უკვე 2012 წლის შემოდგომიდან დღემდე, პირველობას Zolotaia Korona ინარჩუნებს.   რაც შეეხება საქართველოს ფულადი გზავნილების...

„ქართული ოცნების“ ცენტრალურ ოფისში მმართველი პარტიის ლიდერების ნაწილი იმყოფება

„ქართული ოცნების“ ცენტრალურ ოფისში მმართველი პარტიის ლიდერების ნაწილი იმყოფება
access_time2019-11-17 15:25:27
...


მსგავსი სიახლეები

up