რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“

access_time2019-10-22 15:30:11

„თუ ბიძინა ივანიშვილი პატიობს შეცდომას, ჩვენ რა პრობლემა გვაქვს.  დღეს ასე იტყვის, ხვალ ისე, მთავარია ის იყოს კმაყოფილი.“ - ასე აფასებს მაია ცქიტიშვილის „შეცდომას“ FDI-ს მაჩვენებლებთან დაკავშირებით ექსპერტი გია ხუხაშვილი.


ვიცე-პრემიერმა მაია ცქიტიშვილმა „აბრეშუმის გზის ფორუმზე“ განაცხადა, რომ 2018 წელს საქართველომ “ერთ-ერთი ყველაზე დიდი მოცულობის პირდაპირი უცხოური ინვესტიცია (FDI) მიიღო”, თუმცა ეს განცხადება სიმართლეს არ შეესაბამებოდა, რადგანაც 2018 წელს FDI 35%-ით შემცირდა და 2013 წლის შემდგომ ყველაზე მცირე იყო.

 

“მე თუ არ ვცდები, ჩვენ წელს გვაქვს 35%-იანი კლება. შესაძლოა შევცდი, მაგრამ ამ შემთხვევაში მე მახსოვს, რომ ჩვენი ინვესტიციების დინამიკა არის ძალიან პოზიტიური. ჩვენ თუ ვსაუბრობთ იმაზე, რომ ჩვენ ბოლო პერიოდში ნამდვილად გვქონდა კლება ინვესტიციების ნაწილში, თუმცა დარწმუნებული ვარ იმაში, რომ ეს არის კლება, რომელიც არის კონკრეტულ ვადებთან დაკავშირებული. ასევე ამას ჰქონდა ახსნა - კონკრეტული საინვესტიციო პროექტების დასრულების ფაზასთან დაკავშირებით; იყო დინამიკის ფაქტორიც, მაგრამ მთლიანობაში, ინვესტიციების დინამიკა არის პოზიტიური და მხოლოდ ჩვენგან არა, ფორუმის სხვა მონაწილეებისგანაც მოისმენდით ამას“, - ამბობს მაია ცქიტიშვილი.


გია ხუხაშვილი უმაღლესი რანგის პირების მსგავს შეცდომებს გასაკვირად არ მიიჩნევს და აცხადებს, რომ ურთიერთსაწინააღმდეგო განცხადებები არც ინფრასტრუქტურის ამ მინისტრისგან არ არის სიახლე.


„ჩვენთან მსგავსი შეცდომები ხშირად ხდება.  ჩვენ არ გვიკვირს უკვე ჩვენი მინისტრების არაკომპეტენტურობა, ეს უკვე პრეცედენტი კი არაა, არამედ სისტემაშია გადასული. დღესაც რომ ნახოთ ინსფრასტრუქტურის მინისტრის განცხადებები, საკმაოდ წინააღმდეგობრივია, როდესაც ის აცხადებს, რომ პარლამენტში ანაკლიასთან დაკავშირებით ის არ მივა დებატებზე და ამას ეძახის პერფორმანსს. ის ამას აკეთებს იმ ფონზე, როდესაც ერთი კვირის წინ ტელედებატებში იწვევდა ხაზარაძეს ამ თემასთან დაკავშირებით. ამ ტიპის განცხადებები და მერე იმის თქმა, რომ ეს შეცდომა იყო, არაფერს არ ნიშნავს. ეს უკვე სისტემური პრობლემაა, ეს არ არის ერთეული პრობლემა. გამომდინარე იქიდან, რომ ჩვენთან მმართველობითი სისტემა აგებულია მანკიერ პრინციპებზე, არც ერთ მინისტრს არ აქვს განცდა, რომ ის თავის სიტყვებზე პასუხისმგებელია. გადაწყვეტილება მიიღება სხვაგან და  ეს ყველამ კარგად ვიცით. შესაბამისად, მინისტრის პასუხისმგებლობის საკითხი მისი არაკომპეტენტურობის გამო კი არ დგინდება, არამედ ერთი ადამიანის კეთილგანწყობით.  ასეთი მიდგომა ეკონომიკის მიმართ არ ვიცი სად წაგვიყვანს.  ფაქტია, რომ საკმაოდ რთული ვითარებაა ამ კუთხით, დრამატიზებასაც არ დავიწყებ,  მაგრამ სტაგნაციის პირობებში ვცხოვრობთ და  ეს არ ეხება მხოლოდ ეკონომიკას, ერთ ადგილზე ვართ გაყინულები, თანამედროვე სამყაროში უკუსვლის პროცესში ვართ.“- აცხადებს გია ხუხაშვილი.

 

საქსტატის მონაცემებით, 2018 წელს საქართველოში $1.265 მილიარდი დოლარის მოცულობის პირდაპირი უცხოური ინვესტიცია შემოვიდა, რაც 2017 წელთან შედარებით 35%-ით ნაკლები იყო.

 

შემცირებას საქსტატი რამდენიმე ძირითადი მიზეზით, მათ შორის უმსხვილესი ინფრასტრუქტურული პროექტის - შაჰ დენიზის მილსადენის მშენებლობის დასრულებით ხსნის.

 

წლების მიხედვით, 2018 წელს 2013 წლის შემდგომ ყველაზე დაბალი ინვესტიციების ნაკადი აღინიშნა. სრული სტატისტიკა ასეთია:

 

2018 წელი - $1.265 მილიარდი დოლარი;

2017 წელი - $1.962 მილიარდი დოლარი;

2016 წელი - $1.650 მილიარდი დოლარი;

2015 წელი - $1.729 მილიარდი დოლარი;

2014 წელი - $1.837 მილიარდი დოლარი;

2013 წელი - $1.039 მილიარდი დოლარი.

 

„საქსტატის“ ინფორმაციით, ინვესტიციების კლება 2019 წელსაც შენარჩუნდა. წინასწარი მონაცემებით, 2019 წლის პირველ ნახევარში FDI $473 მილიონი იყო, რაც წინა წლის ანალოგიურ პერიოდში არსებულ $727 მილიონთან შედარებით 35%-ით ნაკლებია.

 

მარიამ მორგოშია




ნათია თურნავა: ლარის გამყარება სწორი ეკონომიკური პოლიტიკის შედეგია, ეს არაა თავისთავად მოტანილი პოზიტივი

ნათია თურნავა: ლარის გამყარება სწორი ეკონომიკური პოლიტიკის შედეგია, ეს არაა თავისთავად მოტანილი პოზიტივი
access_time2020-06-07 10:00:14
საქართველოში ეკონომიკის ვარდნა გლობალური კრიზისით და პანდემიით არის გამოწვეული. ლარის გამყარება კი ჩვენი სწორი და კორდინირებული პოლიტიკით. ეს არის ეკონომიკური პოლიტიკს შედეგი და ეს არაა თავისთავად მოტანილი პოზიტივი, - ამის შესახებ ეკონომიკის მინისტრმა ნათია თურნავამ ტელეკომპანია „იმედის“ ეთერში გადაცემა „ქრონიკაში“...

ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ

ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ
access_time2020-06-06 21:27:10
„გვექნება ძალიან გამჭვირვალე, მკაფიო კრიტერიუმები და პირველ რიგში იმ ქვეყნებიდან დავიწყებთ ტურისტების მიღებას, რომლებიც ამ კრიტერიუმებს უპასუხებენ“, - ამის შესახებ ეკონომიკის მინისტრმა ნათია თურნავამ „ქრონიკაში“...

იაპონია საქართველოს სამედიცინო დანადგარებით დაეხმარება

იაპონია საქართველოს სამედიცინო დანადგარებით დაეხმარება
access_time2020-06-06 17:31:53
დღეს იაპონიის მთავრობამ მიიღო გადაწყვეტილება საქართველოს აღმოუჩინოს მხარდაჭერა სამედიცინო დანადგარებით. დეტალები დაზუსტდება ორმხრივი შეთანხმების შედეგად. ამჟამად მიმდინარეობს სამუშაო პროცესი იაპონიისა და საქართველოს მთავრობებს შორის რათა დროულად მოეწეროს ხელი ორმხრივ შეთანხმებას. საქართველოს მოსახლეობა გაერთიანებულია ახალი კორონავირუსის საფრთხის წინაშე და შედეგიც შთამბეჭდავია. იაპონიის მთავრობამ გადაწყვიტა საქართველოს აღმოუჩინოს სამედიცინო მხარდაჭერა მსოფლიოში ახალი კორონა ვირუსის...

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ
access_time2020-06-06 16:00:33
...

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
access_time2020-06-06 13:00:27
ლიბერთი აგრძელებს ზრუნვას სოციალური პასუხისმგებლობის...


მსგავსი სიახლეები

up