საქართველოს კონკურენციის სააგენტომ დაასრულა რითეილ ბაზრის მონიტორინგი და შესაბამისი რეკომენდაციები გამოაქვეყნა. ბაზარზე არსებული მდგომარეობისა და სადისტრიბუციო კომპანიების გამოწვევებზე საქართველოს დისტრიბუტორთა ბიზნეს ასოციაციის“ პრეზიდენტი, ივა ჭყონია პირველი არხის გადაცემაში ბიზნესპარტნიორი საუბრობს.
საქართველოს დისტრიბუტორთა ასოციაციის შექმნა ემსახურებოდა იმას,რომ შექმნილიყო გარკვეული რეგულაციები და ჩარჩო,რომელიც დაარეგულირებდა ორ კერძო სუბიექტს შორის ურთიერთობას. ის რეგულაცია,რომელზეც ჩვენ ახლა ვსაუბრობთ, ათობით წლის წინ მიიღეს ამერიკაში, იგი გვხვდება დიდ ბრიტანეთში, ირლანდიასა და ცენტრალურ აზიაში.
მიზანი ამ რეგულაციისა იყო ორ კერძო სუბიექტს შორის ურთიერთობის დარეგულირება, რადგან ძალაუფლება და ფული არის მხოლოდ ერთ მხარეს გადახრილი და ნებისმიერ დროს შეუძლიათ ბოროტად გამოიყენონ იგი, მითუმეტეს საქართველოში,სადაც სასამართლო არ არსებობს, ან სანამ სასამართლო გაიმართება, იქამდე იშლება კომპანია“-აცხადებს ჭყონია.
მისი ინფორმაციით,აუცილებელია არსებობდეს თანხის გადახდის ზედა ზღვარი, არის ასევე შემთხვევები,როცა დათქმულ ვადაში არ ხდება თანხების ჩარიცხვა. კომპანიებს არ აქვთ იმის საშუალება, გაარკვიონ, რამდენად სწორად ხდება რეალიზებული თანხის ჩარიცხვა. ასევე გაურკვეველია ე.წ შესვლის საფასური. როგორც ჭყონია განმარტავს, მნიშვნელოვანია,რომ რეგულაციაზე მუშაობა საერთაშორისო ექსპერტების ჩართულობით განხორციელდეს. არბიტრაჟთან დაკავშირებით რითეილ სექტორი ხმას არ იღებს, მათთვის დღევანდელი სასამართლო არის ფუფუნება.
„ამ კრიზისის პირობებში ჩვენი სექტორის საჭიროება გამოიკვეთა. მნიშვნელოვანია,რომ დახლზე იყოს მცირე და საშუალო ბიზნესის მოთამაშეებისა და მწარმოებელი კომპანიების პროდუქცია, იმისთვის რომ ავიცილოთ თაციდან მონოპოლია. 16 კომპანიიდან, რომელიმეს პრობლემა რომ შეექმნას და თანხები ვერ გადაუხადოს, ათობით კომპანია მიჰყვება მათ და საქართველოს ეკონომიკას სერიოზული პრობლემები შეექმნება,- ამბობს ივა ჭყონია.