„არანაირი მოლაპარაკება არ დაწყებულა „ფრონტერასა“ და მთავრობას შორის. მათ გააკეთეს მხოლოდ განცხადება,ამასთან აგრძელებენ დეზინფორმაციის გავრცელებას ჩვენს საქმიანობაზე,“ ამის შესახებ „კომერსანტს“ ამერიკული კომპანია „ფრონტერას“ გენერალურმა დირექტორმა ზაზა მამულაიშვილმა განუცხადა.
მისი განცხადებით, ეკონომიკის მინისტრის მხრიდან, ცოტა ხნის წინ გაჟღერებული ინფორმაცია, რომ მოლაპარაკებისთვის მზად არიან, სიმართლეს არ შეესაბამება.
„ ეს ცინიკური განცხადება ეკონომიკის მინისტრის, თითქოს
სამასი ამერიკული კომპანია ოპერირებს , ცრუ ინფორმაციიაა. სინამდვილეში 10 კომპანიას თუ იპოვით საქართველოში, რომელსაც ოფისი ამერიკაში
აქვს. თითქოს ამერიკული ინვესტიციისთვის კარი ფართოდ ღიაა, თუმცა, ეს ასე არ არის. ძალიან
უცნაური ფორმით გააჟღერა ეკონომიკის სამინისტრომ, რომ „ფრონტერასთან“ შეხვედრისთვის
მზადაა. თითქოს წინადადება უნდა გამოეგზავნათ, მაგრამ არ გამოგზავნეს. ბოლო ორ თვეში
15-მდე წერილი გვაქვს გაგზავნილი შეხვედრის თხოვნით და უარს გვეუბნებოდნენ. სამინისტრო
კვლავ აგრძელებს დეზინფორმაციის გავრცელებას ჩვენზე და ჩვენს საქმიანობაზე - თითქოს
არ გვაქვს უფლება, რომ 27 ივლისსის შემდეგ მუშაობა გავაგრძელოთ, თუმცა ასე არ არის
, საარბიტრაჟო სასამართლოს გადაწყვეტილებით ამის სრული უფლება გავქვს.
მოვუწოდებთ მთავრობას, რომ ეს დეზინფორმაცია შეწყდეს. ასეთი ქმედებები საინვესტიციო გარემოს აუარესებს ქვეყანაში. სანამ ამერიკული ინვესტიციები იზღუდება, რუსული ჩინური და აზერბაიჯანული ინვესტიციები უკეთეს პიორბებში იმყოფებიან. ავიღოთ „როსნეფტი“ რომლის ქმედებებზეც სახელმწიფო თვალს ხუჭავს, ან ფოთში ჩინური კომპანია, რომელსაც 150 მილიონის ინვესტიცია უნდა განეხორციელებინა, თუმცა ასე არ გააკეთა - ასეთი კომპანიები სახელმწიფოს სასათბურე პირობებში ჰყავს,“- განმარტავს ზაზა მამულაიშვილი.
როგორც ცნობილია, რამდენიმე დღის წინ გაჟღერდა, რომ ხელისუფლება კომპანია Frontera-სთან დათმობაზე მიდის. ეკონომიკის მინისტრი მოადგილე კომპანიასთან კომპრომისულ თანამშრომლობაზე საუბრობს.
„მზად ვართ კონკრეტული საკითხები გავიაროთ კომპანიასთან და ვეცადოთ, გამოვნახოთ იმგვარი კომპრომისი, რომ შესაძლებელი იყოს კომპანია Frontera-ს მიერ არსებულ საბადოებზე გარკვეული პირობებით მუშაობის გაგრძელება, რა თქმა უნდა, მისი მხრიდან შესაბამისი გარანტიის მიღებით. ამასთან დაკავშირებით, ჩვენ მოვუწოდებთ კომპანია „ფრონტერას“, რომ შეხვედრა შედგეს, რათა ეს საკითხები განვიხილოთ ,“ - განაცხადა ეკონომიკისა და მდგრადი განვითარების მინისტრის მოადგილე დავით თვალაბეიშვილმა.
საერთაშორისო არბიტრაჟში საქართველოსა და კომპანია „ფრონტერას“ შორის დავა ორი თვის წინ დასრულდა. ქართული მხარე აცხადებს, რომ ყველა მთავარ საკითხთან დაკავშირებით, სასამართლომ პოზიტიური გადაწყვეტილება მიიღო. თვალაბეიშვილი ამბობს, რომ გადაწყვეტილების მიღების შემდეგ დარჩა გარკვეული კითხვები, როგორც კომპანია „ფრონტერას“, ასევე ჩვენი ამერიკელი პარტნიორების მხრიდან.
მარიამ მორგოშია