„არასწორი გადაწყვეტილებების მიერ მოტანილ მავნე ეფექტებთან ბრძოლა უფრო ძვირი უჯდება სახელმწიფოს“ - რა საფრთხეები არსებობს ახალ საპენსიო სისტემაში

„არასწორი გადაწყვეტილებების მიერ მოტანილ მავნე ეფექტებთან ბრძოლა უფრო ძვირი უჯდება სახელმწიფოს“ - რა საფრთხეები არსებობს ახალ საპენსიო სისტემაში

access_time2018-12-16 10:00:15

„საერთაშორისო გამოცდილებაზე დაყრდნობით შეგვიძლია ვთქვათ,რომ შემოთავაზებული საპენსიო რეფორმა მიმართულია უფრო მეტად ასაკობრივი უთანასწორობის გაღრმავებისკენ. მხოლოდ იმ ადამიანებს ექნებათ გარკვეული ასაკის მიღწევის შემდეგ შედარებით ადეკვატური პენსია, ვისაც  უკვე აქვს მაღალი შემოსავალი.  სისტემას არავითარი დამაბალანსებელი და გადამანაწილებელი მექანიზმი არ გააჩნია,“ -  რადიო კომერსანტის გადაცემა „ეკონომისტის დრო ლევან ქისტაურთან ერთად“ European.ge მთავარმა რედაქტორმა, ალექსანდრა აროშვილმა  დაგროვებითი საპენსიო რეფორმის შესახებ ისაუბრა.

„ჩვენი ქვეყნის ზოგადი ეკონომიკური და სოციალური ფონი საკმაოდ მძიმეა და ეს ვითარება ბოლო ორი ათწლეულია სტაბილურობას ინარჩუნებს. პენსია ერთ-ერთი სენსიტიური სოციალური საკითხია. განსაკუთრებით მაშინ, თუ გავითვალისწინებთ იმას,რომ 800 ათასამდე პენსიონერი გვყავს და დასაქმებულთა რიცხვით თითქმის ამდენივეა. ეს დიდ პრობლემას უქმნის თავად პენსიის ზრდის პოტენციალს.

მართალია საბაზისო პენსია არ ითვალისწინებს სტაჟს და ამის მიხედვით ნამატს, თუმცა იგი ძალიან მნიშვნელოვანია იმ ოჯახებისთვის,რომელთა ხანდაზმული წევრებიც იღებენ პენსიას. პენსიას უფრო დიდი გავლენა აქვს სიღარიბეზე,ვიდრე სოციალურ გასამცემლებს, როგორიც არის მაგალითად, შემწეობა. კვლევის „ქრონიკული სიღარიბე და საშემოსავლო უთანაბრობა“ არსებობს ჩანაწერი, მონაცემებით,რომლის მიხედვითაც, თუ შინამეურნეობების შემოსავლებს გამოაკლდება ხანდაზმულების პენსია, სიღარიბე 20%-ით გაიზრდება. ეს ნიშნავს იმას, რომ ამ 180 ლარსაც დიდი მნიშვნელობა აქვს და თავის დროზე,როცა 100 ლარამდე გაიზარდა, სიღარიბე მნიშვნელოვნად შემცირდა. მიუხედავად ამისა, პენსია მაინც მწირია და საარსებო მინიმუმს ოდნავ აღემატება. თავად, ეს საარსებო მინიმუმიც არაადეკვატურია, მითუმეტეს პენსიონერებისთვის,რომელთაც უფრო მეტი საჭიროებები აქვთ.

მნიშვნელოვანია საბაზისო პენსიის გაძლიერება, პირველ რიგში, ისეთი სისტემა უნდა ჩამოვაყალიბოთ, რომელიც დასაქებულზე მიბმული იქნება და თან გააძლიერებს საბაზისო პენსიას. ეს მნიშვნელოვანია ჩვენი ქვეყნის კონტექსტისთვის. საპენსიო სისტემის მთავარი ინდიკატორი დაფარვის მასშტაბია. უნდა იყოს მასში ჩართული მოსახლეობის უმრავლესობა.  ჩვენ შეიძლება ჩავრთოთ სავალდებულობის პრინციპით 745 ათასი დამსაქმებელი, მაგრამ მათი ჩართვა ვერ გამოასწორებს ამ პრობლემას. თუ მოსახლეობის ნაწილს ექნება არასტაბილური და დაბალი შემოსავალი, ისინი არ იქნებიან ამ სისტემის სრულყოფილად მოსარგებლენი.


საერთაშორისო გამოცდილებაზე დაყრდნობით ვიცით ქვეყნები,რომელთაც სისტემის არაეფექტურობის გამო, დამატებით მოუწიათ ტრადიციულ საპენსიო სისტემის სქემაზე გადასვლა, რამაც დამატებითი ხარჯები გამოიწვია. ამასთანავე, კერძო საპენსიო სისტემას ბევრად უფრო დიდი ადმინისტრაციული ხარჯი აქვს, ვიდრე ტრადიციულს. თან ამ ქვეყნებში, ფისკალური წნეხი არსად არ შემცირებულა, პირიქით ყველგან გაზრდილია. არასწორი გადაწყვეტილებების მიერ მოტანილ მავნე ეფექტებთან ბრძოლა უფრო ძვირი უჯდება სახელმწიფოს,“ - ამბობს ალექსანდრა აროშვილი.

 

 


თეგები:
პენსია



„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო

„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო
access_time2021-05-07 19:26:49
ჯანდაცვის მსოფლიო ორგანიზაციამ ჩინური წარმოების „სინოფარმის“ ვაქცინას ავტორიზაცია მიანიჭა. როგორც მიმდინარე ბრიფინგზე ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეიესუსმა განაცხადა, შესაბამისი გადაწყვეტილება ჯანდაცვის მსოფლიო ორგანიზაციის ექსპერტთა ჯგუფმა დღეს გამართულ სხდომაზე მიიღო. „ვაქცინები რჩება სასიცოცხლო მნიშვნელობის იარაღად, თუმცა ახლა პანდემიის დასასრულებლად ვაქცინის მოცულობა, დისტრიბუცია საზოგადოებრივი ჯანდაცვის ზომების თანმიმდევრული და...

ბაქოში ევროპის ჩემპიონატის თასი ჩაიტანეს

ბაქოში ევროპის ჩემპიონატის თასი ჩაიტანეს
access_time2021-05-07 17:50:48
თასი, რომელიც ევროპის საფეხბურთო ჩემპიონატის EURO 2020-ის გამარჯვებულს გადაეცემა, უკვე ბაქოშია. აზერბაიჯანის დედაქალაქში მატჩები EURO 2020 თასის რაუნდის ფარგლებში მიმდინარე წლის 11 ივნისიდან 11 ივლისის ჩათვლით ჩატარდება. ევროპის ჩემპიონატის თასი, რომელიც ბაქოში 7-დან 9 მაისამდე იქნება გამოფენილი, დღეს აზერბაიჯანის პრეზიდენტს, ილჰამ ალიევს გადასცეს. მოგვიანებით კი EURO 2020-ის ჯილდო ქალაქის სხვადასხვა ლოკაციაზე მიიტანეს. სპეციალური ფოტოსესია მოეწყო გობუსტანის სახელმწიფო...

ტექნიკის ბაზრის შემცირების პროცესი დაიწყო - BEKO

ტექნიკის ბაზრის შემცირების პროცესი დაიწყო - BEKO
access_time2021-05-08 14:00:42
საყოფაცხოვრებო ტექნიკის მაღაზიათა ქსელი Beko-ს გენერალური დირექტორი მეჰმედ მელექი „ბიზნესპარტნიორთან“ აცხადებს, რომ საქართველოში ტექნიკის ბაზრის შემცირების პროცესი დაწყებულია. მისი განცხადებით, შედარებით მცირე და საშუალო კომპანიები ბაზრიდან გადიან, საბოლოოდ, კი ბაზარზე ფინანსურად ძლიერი 5-6 კომპანია დარჩება. „ოპერირებას გააგრძელებს ის მსხვილი კომპანიები, რომლებიც საერთაშორისო ბრენდების ექსკლუზიური იმპორტიორები არიან. 2020 წელს ტექნიკის ბაზარი...

7 მაისი - რეგიონში ქართული ლარი და თურქული ლირა გამყარდა

7 მაისი - რეგიონში ქართული ლარი და თურქული ლირა გამყარდა
access_time2021-05-07 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 7 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 7 მაისის ვაჭრობის შედეგად (რომლის ოფიციალური კურსი 8 მაისისაა) ეროვნული ვალუტა აშშ დოლართან...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-05-07 21:00:24
დღის TOP 10 საინტერესო ამბავი: 1.„რეფინანსირების განაკვეთის გაზრდით შესაძლოა საფრთხე საბანკო პორტფელებსაც შეექმნას“ ეროვნულმა ბანკმა რამდენიმე დღის წინ რეფინანსირების განაკვეთის 1 პროცენტული პუნქტით, 9.5%-მდე გაზრდის გადაწყვეტილება მიიღო, რაც უკანასკნელი წლების განმავლობაში რეფინანსირების...


მსგავსი სიახლეები

up