საბანკო სექტორში განთავსებული არასაბანკო დეპოზიტების მოცულობამ 2022 წლის პირველი ივლისისათვის 38.27 მლრდ ლარი შეადგინა, რაც 1.11 მლრდ ლარით, ანუ 3.00%-ით მეტია პირველი ივნისისათვის არსებულ მაჩვენებელზე (გაცვლითი კურსის ეფექტის გარეშე 3.75%-ით მეტი). 

დეპოზიტების ლარიზაციის კოეფიციენტმა მიმდინარე წლის პირველი ივლისისათვის 42.07 პროცენტი შეადგინა. უცხოური ვალუტით განთავსებულ დეპოზიტებში აშშ დოლარის წილმა 83.47%, ხოლო ევროს წილმა 15.09% შეადგინა.

2022 წლის 6 თვის მონაცემებით, არასაბანკო დეპოზიტების მოცულობით ლიდერი თიბისი ბანკია, მეორე ადგილს ვადიანი და მოთხოვნამდე დეპოზიტების მაღალი მაჩვენებლით საქართველოს ბანკი იკავებს. ჯამში მხოლოდ ამ ორ ბანკს არასაბანკო დეპოზიტების საერთო მოცულობის თითქმის 42% უჭირავს.

არასაბანკო დეპოზიტების მოცულობით Top5 ბანკის მაჩვენებლები ასეთია:

თიბისი ბანკი - 5,213,542,696 ლარის ვადიანი დეპოზიტები, 5,569,002,586 ლარის მოთხოვნამდე დეპოზიტები;

საქართველოს ბანკი - 3,643,100,416 ლარის ვადიანი დეპოზიტები, 2,685,086,645 ლარის მოთხოვნამდე დეპოზიტები;

ლიბერთი ბანკი - 1,179,448,704 ლარის ვადიანი დეპოზიტები, 363,896,834 ლარის მოთხოვნამდე დეპოზიტები;

ბაზისბანკი — 930,231,652 ლარის ვადიანი დეპოზიტები, 325,748,847 ლარის მოთხოვნამდე დეპოზიტები;

პროკრედიტ ბანკი - 329,207,062 ლარის ვადიანი დეპოზიტები, 357,574,473 ლარის მოთხოვნამდე დეპოზიტები.