ნატურალური რძის წარმოება დღგ-სგან გათავისუფლებას ითხოვს

ნატურალური რძის წარმოება დღგ-სგან გათავისუფლებას ითხოვს

access_time2019-05-16 10:00:36


„ჩვენს ქვეყანაში, ნატურალური რძის წარმოებაზე არანაირი სუბსიდირება არ არსებობს. თუ ამ დარგის გადასახადისგან გათავისუფლება მოხდება, ამით სახელმწიფო ფერმერებს განვითარებაში ხელს შეუწყობს. ამას ვითხოვთ დიდი ხანია, მაგრამ ჯერჯერობით შედეგს ვერ მივაღწიეთ,“ - განაცხადა ლაშა პაპაშვილმა “კომერსანტთან“.


ბიზნესმენმა რძის წარმოების დღგ-სგან გათავისუფლების საკითხზე პრემიერ-მინისტრთან ბიზნეს ასოციაციის შეხვედრის დროსაც ისაუბრა. ლაშა პაპაშვილს იმედი აქვს, რომ უახლოეს მომავალში აღნიშნული ცვლილება პარლამენტის მხრიდანაც მხარდაჭერილი იქნება და რძის მწარმოებლებს დამატებითი ღირებულების გადასახადი აღარ შეეხებათ.



რძის წარმოების დარგში არსებული პრობლემებზე „კომერსანტი“ ასოციაცია „მომავლის ფერმერის“ ხელმძღვანელს რუსუდან გიგაშვილს ესაუბრა. მისი თქმით, ეს დარგი ძალიან სენსიტიურია და საჭიროებს სახელმწიფოს მხრიდან ისეთი სახის მინიმალურ მხარდაჭერას, როგორიცაა დღგ-სგან გათავისუფლება.


„ ეს დარგი ითხოვს დღგ - სგან გათავისუფლებას, იმიტომ რომ აქ არის ძალიან ბევრი პრობლემა, თუნდაც საერთოდ არ იყოს გრძელვადიანი. ეს ადამიანები არ ითხოვენ სუბსიდირებას, ითხოვენ უბრალოდ, რომ დღგ-ს გარეშე აწარმოონ ბიზნესი. ვფიქრობ, რომ ეს ძალიან ბევრ გზას გაუხსნის რძის წარმოების დარგს. პირველ რიგში ეს იქნება ძალიან კარგი მოტივატორი, გაიზრდება ნედლი რძე და იქნება მეტი წარმადობა იმ ფონზე, როცა ქვეყანა რძის ფხვნილზეა გადასული. დღესდღეობით მსხვილი მწარმოებლები მთლიანად ფხვნილით ანაცვლებენ ნატურალურ რძეს იმიტომ, რომ ბევრად მომგებიანია და ნაკლები თავის ტკივილი აქვთ. რძის პროდუქტების დღგ-სგან გათავისუფლებით გაიაფდება პირველადი პროდუქტი.



როცა სოფლის მეურნეობის დარგი, რომელიც ყველაზე სენსიტიურია ითხოვს სახელმწიფოსგან ამ ტიპის მხარდაჭერას და სახელმწიფო ასე კატეგორიულადაა წინააღმდეგი, ე.ი. სადღაც, რაღაც პრობლემები დგას. ალბათ, როგორც მეფრინველეობაში, აქაც არიან ფხვნილის იმპორტიორები, რომელზეც დგას ძალიან დიდი საწარმოები და დიდი ლობი, რომელთა სახელებს არ დავასახელებ. ეს სიკეთე ბიზნესზე დადებითად რომ აისახება, ფაქტია. მაგრამ მეორე, პირდაპირი სიკეთე არის ადამიანის ჯანმრთელობა,  რომელიც ძალიან გრძელვადიანი ინვესტიცია იქნება. თუ დღეს ჩვენ ფხვნილების და ტრანსცხიმებისგან მიღებულ პროდუქტს ვიღებთ, რომელიც გარკვეული დაავადებებისკენ მიდრეკილს გვხდის, ნატურალური რძე ბევრი დაავადების მკურნალია. აქედან გამომდინარე, რძის მწარმოებლების დღგ-სგან გათავისუფლება ძალიან დიდი ინვესტიცია იქნება, თუკი სახელმწიფო ამას კომპლექსურად მიუდგება, მაგრამ ამას ვერ ვხედავთ - პრემიერი მხარს უჭერს ინიციატივას, პარლამენტში იბლოკება, მერე ისევ პრემიერს უბრუნდება საკითხი.  თუ გვინდა, რომ ეს დარგი გადავარჩინოთ, მაშინ კონკრეტული ქმედებები უნდა მოვაყოლოთ. ეს დარგი იმდენად საჭიროა, რომ ბევრ ევროპულ ქვეყანაში სუბსიდირებულია, ჩვენ კი მას ხელოვნურად ვკლავთ,  ეს ძალიან ცუდია.“ -  აღნიშნავს რუსუდან გიგაშვილი.


 

რძის პროდუქტების დღგ-სგან გათავისუფლების საკითხის პარლამენტში გატანას პრემიერი თითქმის 9 თვეა ცდილობს. ბოლოს საკითხი განსახილველად ფინანსთა მინისტრის მოადგილემ ლაშა ხუციშვილმა აგრარულ საკითხთა კომიტეტის სხდომაზე გამოიტანა, თუმცა კენჭისყრის შედეგად, კომიტეტმა აღნიშნულ კანონპროექტს მხარი არ დაუჭირა.


მარიამ მორგოშია






ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი გადაწყვეტილებების მიღებაში ადანაშაულებს

ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი  გადაწყვეტილებების მიღებაში ადანაშაულებს
access_time2020-06-03 13:00:40
2 ივნისს თბილისის საქალაქო სასამართლოს მიერ გავრცელებულ განცხადებას, რომელიც თავის მხრივ, კომპანია „ლიდერფუდის“ დამფუძნებლის, დავით ზეიკიძის ადვოკატ არჩილ კბილაშვილის მიერ 29 მაისს გამართულ პრეს-კონფერენციას მოჰყვა, ადვოკატი საპასუხო განცხადებით გამოეხმაურა. კბილაშვილის განცხადებას უცვლელად გთავაზობთ: „ჩემს მიერ 29 მაისს ჩატარებულ პრეს-კონფერენციას გამოხმაურება მოჰყვა, როგორც მოწინააღმდეგე მხარის, ასევე თბილისის საქალაქო სასამართლოს მხრიდან. უწინარეს ყოვლისა,...

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს
access_time2020-06-03 12:13:46
საქართველოს ბიზნეს ასოციაცია მხარს უჭერს თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს - ამის შესახებ  საქართველოს ბიზნეს ასოციაციის აღმასრულებელი დირექტორი, ლევან ვეფხვაძე საუბრობს.  მისი ინფორმაციით, უკანასკნელ პერიოდში საქართველოს ბიზნეს ასოციაციამ არაერთხელ მიაწოდა საზოგადოებას ინფორმაცია იმ მანკიერი პრაქტიკის შესახებ, რომელიც თან ახლავს თხევადი გაზის...

„8 ივნისს მხოლოდ ის სასტუმროები იხსნებიან, ვინც საქართველოს ხელისუფლებასთან საერთო ენა გამონახა“

„8 ივნისს მხოლოდ ის სასტუმროები იხსნებიან, ვინც საქართველოს ხელისუფლებასთან საერთო ენა გამონახა“
access_time2020-06-03 14:00:55
პრემიერ-მინისტრის გიორგი გახარია განცხადებით, 8 ივნისიდან გაიხსნება ის სასტუმროები, რომლებსაც გავლილი ექნება ჯანდაცვის სამინისტროს შესაბამისი უწყების შემოწმება და ამაზე კონკრეტული ნებართვა ექნება. სასტუმრო „კოლხიდას“ მფლობელი ხათუნა ლაგაზიძე „კომერსანტთან“ საუბრისას აცხადებს, რომ ორი კვირის განმავლობაში, უშედეგოდ ელოდებიან შემოწმებას, რათა გახსნის ლიცენზია მიიღონ....

ვალუტის გადამცვლელი პუნქტები მუშაობას 8 ივნისიდან განაახლებენ

ვალუტის გადამცვლელი პუნქტები მუშაობას 8 ივნისიდან განაახლებენ
access_time2020-06-03 10:53:08
საქართველოს მთავრობის დადგენილების მიხედვით, 2020 წლის 8 ივნისიდან საქართველოს მთელ ტერიტორიაზე ვალუტის გადამცვლელი პუნქტები ჩვეულ სამუშაო რეჟიმს დაუბრუნდებიან. ეროვნული ბანკი მოუწოდებს ვალუტის გადამცვლელ პუნქტებს მკაცრად დაიცვან პროფესიონალთა რეკომენდაციები და რჩევები.ერთობლივი ქმედებებით, ჩვენ სწრაფად შევძლებთ ვირუსის დამარცხებას და საქმიანობის ჩვეულ რეჟიმში დაბრუნებას.

რა გავლენა იქონია საცხოვრებელი უძრავი ქონების შეძენით დაინტერესებული პირების გადაწყვეტილებასა და ქცევაზე პანდემიამ

რა გავლენა იქონია საცხოვრებელი უძრავი ქონების შეძენით დაინტერესებული პირების გადაწყვეტილებასა და ქცევაზე პანდემიამ
access_time2020-06-03 09:50:46
 უძრავი ქონების სერვისებისა და მარკეტინგული საკონსულტაციო კომპანია „არეა ჯგუფი“ კვლევას აქვეყნებს „უძრავი ქონების მომხმარებელთა მოლოდინებისა და ქცევის შესახებ COVID 19-ის გავრცელებამდე და მის შემდგომ“, რომლის მიხედვითაც მომხმარებლების 78%-ისთვის პანდემია შემაფერხებელი ფაქტორი აღმოჩნდა.   რაოდენობრივი კვლევა ჩატარდა უძრავი ქონების შეძენით...


მსგავსი სიახლეები

up