სამშენებლო სექტორთან ერთად შეღავათები ტექნიკის სფეროსაც უნდა შეეხოს - ტექნიკის მაღაზიები საბანკო რეგულაციების შერბილებას ითხოვენ

სამშენებლო სექტორთან ერთად შეღავათები ტექნიკის სფეროსაც უნდა შეეხოს - ტექნიკის მაღაზიები საბანკო რეგულაციების შერბილებას ითხოვენ

access_time2019-07-03 10:00:14

„საბანკო რეგულაციები საყოფაცხოვრებო ტექნიკის სფეროსთვის არ შემსუბუქებულა და არც ინფორმაციას ვფლობთ რომ, იგეგმება რამე ცვლილება. ის, რომ სამშენებლო სფეროში გაკეთდა შეღავათები ესეც დადებითი მოვლენაა, რადგან თუ ეს სექტორი აინაზღაურებს დანაკარგებს და არ იქნება კლება, ეს სხვა სფეროებზეც აისახება, მათ შორის ტექნიკის სფეროზეც“ - ასე აფასებს საბანკო რეგულაციების მოსალოდნელ შერბილებას  „ტექნობუმის“ დირექტორი ანზორ ქოქოლაძე.



როგორც ცნობილია,  კომერციული ბანკები ლარში იპოთეკური სესხებისათვის ახალი პროდუქტების შემუშავებას იწყებენ. კერძოდ, ლარით იპოთეკური სესხების გაცემის შემთხვევაში მინიმუმ 20%-იანი თანამონაწილეობის პირობებში, კომერციული ბანკები მსესხებლის გადახდისუნარიანობას შიდა მოდელებით შეაფასებენ.



იგეგმება თუ არა სამშენებლო სფეროს შემდეგ საყოფაცხოვრებო ტექნიკის სეგმენტში საბანკო რეგულაციების შერბილება და რა მდგომარეობაა ტექნიკის მაღაზიებში გაყიდვების კუთხით, ამასთან დაკავშირებით „კომერსანტი“ „ტექნობუმსა“ და „ბეკოს“ დაუკავშირდა, როგორც „ტექნობუმის“ დირექტორი ანზორ ქოქოლაძე აცხადებს, სამშენებლოს სექტორში იპოთეკური სესხების კუთით რეგულაციების შერბილება გარკვეულწილად უნდა აისახოს მათ სფეროზეც, თუმცა პირდაპირ ტექნიკის განვადებებზე რეგულაციების შემსუბუქების შესახებ არც კონკრეტული ინფორმაცია აქვთ და არც მოლოდინი.



„უახლოეს თვეებში რასაც ვუყურებ და რა განცხადებებიც კეთდება ხელისუფლებისა და ეროვნული  ბანკის მხრიდან, არ მრჩება შთაბეჭდილება, რომ რამე კონკრეტული ნაბიჯები იგეგმებოდეს ტექნიკის სფეროში რეგულაციების შერბილების თვალსაზრისით.




წინა წლის ანალოგიურ თვეებთან შედარებით, ბუნებრივია, ვარდნა არის. იანვარი-თებერვალი 40-50 პროცენტიანი ვარდნა იყო წინა წლის ანალოგიურ პერიოდთან შედარებით, მომდევნო თვეებში დაახლოებით 30 პროცენტიანი ვარდნაა დავინახეთ.  ჩვენ ვცდილობთ სხვა მეთოდებით დავაკომპენსიროთე ეს დანაკარგები, ერთი მხრივ მუდმივად გვაქვს მწარმოებლებთან მოლაპარაკებები, რომ მომხიბვლელი ფასები შევთავაზოთ მომხმარებელს, ონლაინ გაყიდვების მეშვეობით დავხვეწეთ ეს პროცესი და საქართველოს ნებისმიერ წერტილში უფასო მიტანის სერვისს ვთავაზობთ კლიენტებს. შიდა განვადებების პროექტი გაგვეწელა და იქით კვირიდან ვიწყებთ. იმედი გვაქვს, რომ გარკვეულწილად ესეც მოახდენს გავლენას,“ - აცხადებს „ტექნობუმის“ დირექტორი ანზორ ქოქოლაძე.  



საბანკო რეგულაციების შემდეგ კომპანია „ბეკო“ აქციებისა და ფასდაკლებების მეშვეობით გაყიდვებში გაუმჯობესებას ხედავს, თუმცა კომპანიის დირექტორი მიიჩნევს, რომ სამშენებლო სექტორთან ერთად საბანკო შეღავაეთები ტექნიკის სფეროსაც უნდა შეეხოს.



 „ჩვენ  რეგულაციის შემსუბუქება არ შეგვხებია და ტექნიკის სფეროში არაფერი არ გამარტივებულა.  ტექნიკის  განვადებაზე გარკვეული შეღავათი რომ შეეტანათ, რა თქმა უნდა, უფრო კარგი შედეგები გვექნებოდა, მაგრამ აპრილი, მაისი და ივნისი  აქციებისა და ფასდაკლებების მეშვეობიოთ საკმაოდ კარგად დავხურეთ. შარშანდელი წლის მეორე კვარტალთან შედარებით 24-დან 28 პროცენტამდე ზრდა გვაქვს ამ წლის მეორე კვარტალში. ვფიქრობ, რომ არამარტო სამშენებლო სფეროს,  არამედ ტექნიკისა და ავეჯის სფეროს უნდა შეეხოს ეს შემსუბუქება, ადამიანი სახლს რომ იყიდის ხომ უნდა შეავსოს ავეჯით და ტექნიკით. ეს სფეროები ერთმანეთთან ჯაჭვივითაა მიბმული.



უკვე სამი თვეა ველოდები გარკვეულ შერბილებას, გვქონდა შეხვედრა ბიზნესომბუდსმენის აპარატში და ველოდებით ეკონომიკისა და ფინანსთა სამინისტროსგან რეგულაციების შემსუბუქებაზე ინფორმაციას.“ - აცხადებს “ბეკო“-ს გენერალური დირექტორი მეჰმედ მელექი

 

2018 წლის 7 მაისიდან ეროვნული ბანკის რეგულაციების ძალაში შესვლის შემდეგ ბანკები სესხებს შემოსავლების დაადსტურების გარეშე ვეღარ გასცემენ. 2019 წლის 1 იანვრიდან საქართველოს საფინანსო ბაზრისთვის “პასუხსიმგებლიანი დაკრედიტების” მოთხოვნები ამოქმედდა.



მარიამ მორგოშია






„ლიბერთი ბანკსა“ და „ევექსი კლინიკებს“ შორის ურთიერთთანამშრომლობის მემორანდუმი გაფორმდა

„ლიბერთი ბანკსა“ და „ევექსი კლინიკებს“ შორის ურთიერთთანამშრომლობის მემორანდუმი გაფორმდა
access_time2020-01-21 12:25:09
დღეიდან, ლიბერთის სოციალური ბარათის მფლობელები, მთელი საქართველოს მასშტაბით ევექსი კლინიკების ქსელში ამბულატორიულ და სტომატოლოგიურ მომსახურებას 50%-მდე ფასდაკლებით მიიღებენ. ლიბერთის და ევექსი კლინიკების ერთობლივი სოციალური პასუხისმგებლობის უპრეცენდენტო მასშტაბის პროექტის ფარგლებში, სოციალური ბარათის მფლობელები, მათ შორის პენსიის მიმღები პირები, ამბულატორიულ და სტომატოლოგიურ სერვისებზე სპეციალურად მათთვის შემუშავებული, ყველაზე მაღალი ფასდაკლებით...

ახალი ვირუსი ჩინეთში - ემუქრება თუ არა საქართველოს საფრთხე

ახალი ვირუსი ჩინეთში - ემუქრება თუ არა საქართველოს საფრთხე
access_time2020-01-21 14:25:29
დგას თუ არა მსოფლიო ახალი ეპიდემიის წინაშე?- ჩინეთში კორონა ვირუსით 2 ადამიანი გარდაიცვალა, სამი კი მძიმე მდგომარეობაშია.მიუხედავად იმისა, რომ  ჯანდაცვის მსოფლიო ორგანიზაცია ვირუსის გამო საერთასორისო ვაჭრობისა და მიმოსვლის აკრძალვას საჭიროდ არ მიიჩნევს, 22 იანვარს ორგანიზაციის წევრები იკრიბებიან და საკითხზე იმსჯელებენ. საქართველო-ჩინეთს შორის ხშირი ავიარეისები სრულდება,თუმცა,  პროვინციასთან, სადაც ...

კომერციული ბანკების მოგება 48.5 მლნ ლარით გაიზარდა

კომერციული ბანკების მოგება 48.5 მლნ ლარით გაიზარდა
access_time2020-01-21 12:25:30
2019 წლის დეკემბერში კომერციული ბანკების წმინდა მოგებამ 132,019 მლნ ლარი შეადგინა, რაც წინა თვესთან შედარებით, 48,462 მლნ ლარით, ხოლო წინა წლის ანალოგიურ პერიოდთან შედარებით 12,916 მლნ ლარით მეტია.კერძოდ, ეროვნული ბანკის ვებ-გვერდზე გამოქვეყნებული სტატისტიკის მიხედვით, 2018 წლის დეკემბერში ბანკების წმინდა მოგება/ზარალი 119,103 მლნ ლარი, ხოლო 2019 წლის ნოემბერში - 83,557 მლნ იყო. ამასთან, გასული წლის დეკემბერში, ბანკების შემოსავლებმა 452,796 მილიონი ლარი, ხოლო ხარჯებმა...

თემურ ბასილია: „კაზინოების ინკოგნიტო ბარათი უკვე პრაქტიკულად ფულის გათეთრებაა“

თემურ ბასილია: „კაზინოების ინკოგნიტო ბარათი უკვე პრაქტიკულად ფულის გათეთრებაა“
access_time2020-01-21 10:45:48
„კაზინოების ინკოგნიტო ბარათები სერიოზულ საფრთხეს წარმოშობს ფულის გათეთრების მიმართებაში და ამიტომაც, მისი გამოყენება დაუშვებლად მიმაჩნია“-ამის შესახებ „კომერსანტს“ აშშ-ში მცხოვრებმა ფინანსისტმა, აშშ-ის საგადასახადო სამსახურის მიერ ლიცენზირებულმა ექსპერტმა თემურ ბასილიამ განუცხადა. მისი ინფორმაციით, ეს ეხება არა მხოლოდ კაზინოსთან დაკავშირებულ ბარათებს, არამედ ყველა...

ქართული მიკროავტობუსების მწარმოებელი ქარხნის მშენებლობის ბედი გაურკვევლია

ქართული მიკროავტობუსების მწარმოებელი ქარხნის მშენებლობის ბედი გაურკვევლია
access_time2020-01-21 13:20:34
რამდენიმე თვის წინ კახა კალაძემ თბილისში მიკროავტობუსების წარმოების შესაძლო დაწყება დააანონსა.  „კომერსანტი“ დაინტერესდა რა ეტაპზე პროექტი, რომელშიც დედაქალაქის მერის ინფორმაციით, ინვესტორი  $30 მილიონის  ჩადებას გეგმავდა. როგორც ცნობილია ქარხნის მშენებლობასთან დაკავშირებით ინვესტორთან მოლაპარაკებებს „თბილისის მიკროავტობუსი“ აწარმოებს. დღეს კომპანიაში აცხადებენ, რომ მიმდინარეობს პროექტზე მუშაობა. „კომერსანტის“ კითხვაზე -ვისთან მიმდინარეობს...


მსგავსი სიახლეები

up