არაღიარებული აფხაზური ოპოზიცია საქართველოსთან ვაჭრობის წინააღმდეგ

არაღიარებული აფხაზური ოპოზიცია საქართველოსთან ვაჭრობის წინააღმდეგ

access_time2021-03-12 18:00:18

სტატია მომზადებულია „apsny.ru“ -ზე დაყრდნობით. მასში გამოთქმულ მოსაზრებები და ტერმინები ეკუთვნის მასალის ავტორს და არ გამოხატავს „კომერსანტის“ შეხედულებებს.

 


სოხუმში ოპოზიციურად განწყობილი ომის ვეტერანების პოლიტიკური გაერთიანების „არუაა“-ს კრება ჩატარდა. განხილვის ერთ-ერთი თემა იყო საქართველოსთან სავაჭრო-ეკონომიკური ურთიერთობების აღდგენის შესაძლებლობა, რაზეც ხელისუფლების წარმომადგენლები  ბოლო პერიოდში სულ უფრო ხშირად საუბრობენ.

 

ოპოზიციონერი-ვეტერანები მიიჩნევენ, რომ საქართველოსთან ვაჭრობის ოფიციალურ დონეზე დაშვება და საზღვრების გახსნა დაუშვებელი და აფხაზეთისთვის დამღუპველია.

„არუაა“-ს ლიდერის ტიმურ გულიას თქმით, ეს წითელი ხაზია, რომლის გადაკვეთაც  სახელმწიფო ღალატის ტოლფასია.

 

„ნუთუ ძნელი გასაგებია, რომ დღეს ჩვენს წინაამღდეგ ჰიბრიდული ომი მიმდინარეობს და ჩვენი საზღვრების გახსნა საქართველოსთან ვაჭრობისთვის, ჩვენი სახელმწიფოს დასრულების დასაწყისი იქნება? ხომ გასაგებია, რომ პოლიტიკური საკითხების გადაწყვეტის გარეშე ეს მხოლოდ საქართველოს მხრიდან ექსპანსიაა და მეტი არაფერია?“ - განაცხადა გულიამ.

 

მისი თქმით, მოლაპარაკებები თბილისთან აუცილებელია და ეს პროცესი ჟენევაში მიმდინარეობას, ხოლო ენგურჰესის საკითხზე კონსულტაციები ომის შემდეგ არ შეჩერებულა.


 

„ეს სრულიად საკმარისია. ნებისმიერი სხვა მოლაპარაკებები, სხვა დონეზე და სხვა ფორმატში ჩვენი აზრით, ეროვნული ინტერესების ღალატია. ჩვენთვის ეს წითელი ხაზია, რომლის გადაკვეთის შემდეგ ნებისმიერი აფხაზი პოლიტიკოსი მოღალატე ხდება. საქართველოსთან ვაჭრობა და იქიდან წამოსული საქონლისთვის მწვანე შუქის ანთება სავაჭრო ექსპანსიას, თბილისის პოლიტიკური გავლენის ზრდას და საბოლოო ჯამში ომის შედეგების რევიზიას ნიშნავს“, - მიიჩნევს ტიმურ გულია.

 

ოპოზიციური მოძრაობის ლიდერი ასევე გალის რაიონის მოსახლეობის პასპორტიზაციის საკითხს შეეხო.

 

„გალში მოსახლეობის 98% საქართველოს მოქალაქეა, შესაბამისად აფხაზეთის პასპორტების ისინი ვერ მიიღებენ. თუ საქართველო ჩვენს დამოუკიდებლობას აღიარებს მაშინ შესაძლებელი იქნება ამ საკითხის განხილვა, მაგრამ არა დღეს. ყველას ვინც ამ საკითხის წამოწევას ცდილობს ვაფრთხილებთ, ყველასთან მივალთ და პასუხს მოგთხოვთ“ - თქვა „არუაა“ს- ლიდერმა.

 

ის ასევე ილორის ეკლესიაში პატრიოტთა ალიანსის ლიდერების ჩამოყვანის საკითხს შეეხო.

 

„როგორ შეიძლება იმის ახსნა, რომ საქართველოს პარლამენტის დეპუტატს პრეზიდენტის თანაშემწე ფარულად ხვდება? ჩვენ პროკურატურას ამ საქმის გამოძიებას მოვთხოვთ“ - განაცხადა ტიმურ გულიამ.

 

ოპოზიციონერმა ასევე ენგურჰესის საკითხიც წამოწია.

 

„ჩვენ ვიცით, რომ მთავრობა ენგურჰესისთვის ინვესტორს ეძებს. ყველა შემთხვევაში პირობები არსებულზე უარესი არ უნდა იყოს. ჩვენ ენგურჰესზე გამომუშავებული ელექტროენერგიის 40% გვეკუთვნის და ამის გადახედვა დაუშვებელია. ნებისმიერ სხვა გადაწყვეტილება სახელმწიფო ღალატად ჩაითლება“, - გააფრთხილა გულიამ აფხაზეთის მთავრობა.






"ჯერჯერობით კონსესუსს ვერ მივაღწიეთ" - ლუდის ინდუსტრია ხელისუფლებისგან შეღავათებს ითხოვს

access_time2021-05-14 15:00:48
ლუდის სექტორსა და სახელმწიფოს შორის რიგ საკითხებზე შეთანხმების მიღწევა ამ დრომდე ვერ ხერხდება. კორონავირუსის პანდემიის პირობებში ინდუსტრია მთავრობისგან დახმარებას ითხოვდა, თუმცა უშედეგოდ. სექტორის მხრიდან წაყენებულ მოთხოვნებს შორის აქციზის გადახედვა და დღგ-ს გადავადება პრიორიტეტულ საკითხებად სახელდებოდა.   როგორც კომპანია „ზედაზენის“ დირექტორი, კახაბერ კოტრიკაძე აცხადებს, სექტორს მძიმე ტვირთად დააწვა ახლად ამოქმედებული რეგულაციებიც.   „სახელმწიფოს...

საარსებო მინიმუმი გაიზარდა და ახლა 202,8 ლარია — საქსტატი

საარსებო მინიმუმი გაიზარდა და ახლა 202,8 ლარია — საქსტატი
access_time2021-05-14 12:00:55
აპრილში საარსებო მინიმუმი წლიურად 3,2 ლარით გაიზარდა და შრომისუნარიანი ასაკის მამაკაცის არსებობისთვის საჭირო მინიმალური თანხის ოდენობამ 202,8 ლარი შეადგინა. ამის შესახებ ინფორმაციას საქსტატი ავრცელებს.   2021 წლის აპრილის თვეში საშუალო მომხმარებლის საარსებო მინიმუმი წლიურად 2,8 ლარით გაიზარდა და 179,6 ლარი შეადგინა. წინა თვესთან შედარებით, არსებობისთვის საჭირო მინიმალური თანხის ოდენობა კი შრომისუნარიანი მამაკაცისთვის 1,8 ლარით, ხოლო საშუალო მომხმარებლისთვის 1,5 ლარით არის...

#სპონსორიაკროკობეთი - 1 000 000 ქართული სპორტის მხარდასაჭერად!

  #სპონსორიაკროკობეთი - 1 000 000 ქართული სპორტის მხარდასაჭერად!
access_time2021-05-14 10:55:53
13 მაისს, სასტუმრო „თბილისი მარიოტში“ კროკობეთის პრეზენტაცია გაიმართა. კომპანია ბოლო 2 წლის განმავლობაში 10 საფეხბურთო და 1 საკალათბურთო გუნდს, 2 ინვიდიდუალური სპორტის სახეობის წარმომადგენელს, საქართველოს BMW-ს კლუბს, საქართველოს დრაგ რეისინგისა და დრიფტის სერიებს ასპონსორებს, ღონისძიებას კი თითოეული გუნდის წარმომადგენელი და სპორტსმენი ესწრებოდა, რომლებმაც საზეიმო ვითარებაში მემორანდუმს მოაწერეს...

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა
access_time2021-05-14 12:30:00
2021 წლის იანვარ-აპრილში, საქართველოდან მსოფლიოს 55 ქვეყანაში 28,3 მლნ-მდე ბოთლი (0,75 ლ) ღვინოა ექსპორტირებული, რაც 15%-ით აღემატება 2020 წლის ანალოგიური პერიოდის მაჩვენებელს. ინფორმაციას ღვინის ეროვნული სააგენტო ავრცელებს. „ექსპორტირებული ღვინის ღირებულება 65 მლნ-მდე აშშ დოლარია, ზრდამ, გასული წლის ამავე პერიოდთან შედარებით, 7%-ს მიაღწია. ექსპორტი გაიზარდა ქართული ღვინის სტრატეგიულ ბაზრებზე: პოლონეთი - 2% (1,841,192 ბოთლი), ჩინეთი - 19%...

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა
access_time2021-05-14 13:00:50
კოოპერატიული ბინათმშენებლობის დაუსრულებლობით დაზარალებულ პირთა დაკმაყოფილების მიზნით განხორციელებული სხვადასხვა პროექტის ფარგლებში 2016 წლის წლის 9 მარტიდან 2021 წლის 10 მაისის მონაცემებით ჯამში დაკმაყოფილებულ იქნა 1276 პირი. ამის შესახებ „კომერსანტს“ თბილისის მერიაში განუცხადეს. მოწოდებული ინოფრმაციის მიხედვით უკვე დასრულებული ალტერნატიული საცხოვრებელი ფართით - ბინით  99 პირი დაკმაყოფილდა, ხოლო დაზარალებულ პირთათვის გადაცემულ მიწის ნაკვეთებზე და ამავე მიწის ნაკვეთებზე ინტერესთა...


მსგავსი სიახლეები

up