არაბთა გაერთიანებულ საამიროებში წვიმა წელიწადში მხოლოდ რამდენიმე დღე მოდის. ამიტომ ადგილობრივი მეცნიერები, წვიმის სიხშირის გაზრდის მიზნით, ღრუბლების „დათესვის“ მეთოდს იყენებენ. ამის შესახებ ევრონიუსი წერს.
თვითმფრინავები ღრუბლებს ისეთ რეაგენტებს აწვდიან, როგორიცაა მარილის ჰიგიროსკოპიული ნანონაწილაკები. ისინი ღრუბლის შიგნით წყლის წვეთებს იზიდავენ, რომლებიც ერთმანეთს ერწყმიან, დიდ წვეთებს წარმოქმნიან და მერე მიწაზე ეცემიან.
სინოპტიკოსი აჰმად ალ კამალი ამბობს, რომ ღრუბლების „თესვის“ მეთოდის გამოყენებისას სიფრთხილეა აუცილებელი. „ძალიან მნიშვნელოვანია დროის სწორად შერჩევა. პილოტები ღრუბელთან მაშინ უნდა იყვნენ, სანამ ის „სიმწიფეს“ მიაღწევს“. ისეთ ღრუბელთან უნდა მივიდნენ, რომელსაც ვერტიკალური განვითარების ფორმა აქვს. ასეთ დროს „თესვა“ წარმატებული იქნება,“ განმარტავს ის.
მეტეოროლოგი და ღრუბლების დათესვის ექსპერტი სუფიან ფარას თქმით, ნალექის გაძლიერების ოპერაციებმა და ღრუბლებში რეაგენტების დათესვამ წვიმის რაოდენობა შეიძლება 10-15%-ით გაზარდოს.
„ხელსაყრელ პირობებში ამ მაჩვენებელმა შეიძლება 25%-ს მიაღწიოს. ეს არ არის ცოტა. გაითვალისწინეთ, რომ ყოველი კუბური კილომეტრი დაახლოებით 500 ტონა წყალს შეიცავს. არაბეთის გაერთიანებულ საამიროებში ღრუბლების დათესვაზე ერთი საათის მუშაობისთვის ღრუბლებიდან 100 000 კუბურ მეტრამდე წყლის ამოღება შეგვიძლია“, აცხადებს სუფიან ფარა.
მოამზადა მაკა ბიბილაშვილმა