არაბრენდირებული საწვავი  დაახლოებით 20-25 თეთრით გაძვირდა

არაბრენდირებული საწვავი დაახლოებით 20-25 თეთრით გაძვირდა

access_time2020-07-07 10:50:33

ივნისის დასაწყისიდან დღემდე, ერთი ბარელი ნავთობის ფასი დაახლოებით, 40 დოლარი ღირს და აღნიშნულ ფასს სტაბილურად ინარჩუნებს.6 ივლისის მონაცემებით, ერთი ბარელი WTI-ის ტიპის ნავთობი 40.69 დოლარი ღირს, ხოლო ბრენტის ტიპის - 43.31 დოლარი.


ივნისის დასაწყისში ნავთობის ფასის ზრდამ ადგილობრივ ბაზარზე საწვავის ფასის კორექტირება გამოიწვია, რაც არაბრენდირებულ ბენზინგასამართ სადგურებზე მყისიერად აისახა, ბრენდირებულები კი შედარებით სტაბილურ ფასებს ინარჩუნებენ, თუმცა აქაც შეინიშნება მცირედი ზრდა.


ნავთობიმპორტიორთა კავშირის თავმჯდომარე ვანო მთვრალაშვილი „ბიზნესპრესნიუსთან“ საუბარში განმარტავს, რომ თუ მარტის თვეში პანდემიამ ფასების საშუალოდ, 70-80 თეთრით შემცირება გამოიწვია, რეგულაციების მოხსნისა და ნავთობზე ფასების ზრდის შედეგად, დღეს, არაბრენდირებულ ბენზინგასამართ სადგურებზე ის საშუალოდ, 20-25 თეთრით გაძვირდა.


„პანდემიის პერიოდში ნავთობის ფასები ისტორიულად ყველაზე დაბალ ნიშნულზე დაეცა 20 მაისის შემდეგ კი საერთაშორისო ბაზარზე ეტაპობრივად დაიწყო ნავთობის ფასების მატება. დღეს, მარტის თვის შემდეგ ფაქტობრივად, ყველაზე მაღალი ფასები გვაქვს.


რაც შეეხება იმას, თუ ადგილობრივ ბაზარზე ფასების კუთხით რა ხდება. ყველამ ვიცით, რომ პანდემიიდან გამომდინარე საქართველოში საწვავის ფასები მაქსიმალურად იყო შემცირებული - საშუალოდ, 70-80 თეთრით, მაგრამ შემდეგ იწყება ასეთი პროცესები: ნავთობზე მოთხოვნა მცირედით, მაგრამ მაინც იზრდება, ოპეკი პლუსის შეთანხმება ნავთობის მოპოვების კვოტებთან დაკავშირებით ძალაში შედის და ამ ყველაფრის გავლენით ნავთობის ფასები იწყებს მატებას.


ამ პროცესების შედეგად კი ქართულ ბაზარზე არაბრენდირებულ ბენზინგასამართი სადგურების პროდუქტზე, ფასები საშუალოდ, გაზრდილია 20-25 თეთრით. საერთაშორისო ბაზრებზე არსებული მდგომარეობა მოქმედებს როგორც არაბრენდირებულ, ისე ბრენდირებულ ბენზინგასამართ სადგურებზეც“,- განმარტა ვანო მთვრალაშვილმა.


მისივე განმარტებით, ნავთობის ფასის ზრდა ან შემცირება მყისიერად აისახება ბრენდირებულ ბენზინგასამართ სადგურებზე, რადგან მათ პროდუქტის მარაგები არ გააჩნიათ. დღევანდელი მდგომარეობით მათ პროდუქტზე ფასების მატებაც სწორედ ამით არის განპირობებული.



„საერთაშორისო ბაზარზე მნიშვნელოვნად მოიმატა ფასმა და სავარაუდოდ, საქართველოშიც ოდნავ გაიზრდება“, - განმარტავს კომპანია „სოკარ ჯორჯია პეტროლეუმი“-ს დირექტორი ლევან გიორგაძე.


რაც შეეხება ბრენდირებულ ბენზინგასამართ სადგურებზე არსებულ ფასებს, საწვავის სახეობების მიხედვით, 6 ივლისის მონაცემებით, მათი ღირებულება ასეთია:


· რეგულარი - „ლუკოილი“ – 1.77 ლარი; „სოკარი“ და „რომპეტროლი“ – 1.83; „ვისოლი“ -1.86; გალფი“ – 1.92 ლარი.

· პრემიუმი - „ლუკოილი“ - 1.88 ლარი; „სოკარი“ – 1.95 ლარი; „რომპეტროლი“ – 1.98; „ვისოლი“ და „გალფი“ – 1.99 ლარი.

· სუპერი - „ლუკოილი“ – 2.10; „სოკარი“ და „გალფი“ – 2.14; „ვისოლი“ და „რომპეტროლი“ – 2.17 ლარი.

· დიზელი - „სოკარი“ – 1.87; „ვისოლი“ – 1.97.

· ევრო დიზელი - „ლუკოილი“ – 1.89 ლარი; „გალფი“ და „რომპეტროლი“ – 1.94 ლარი; „სოკარი“ – 1.95; „ვისოლი“ – 2.02.

· ბუნებრივი აირი (CNG) –„სოკარი“ – 1.30; „ვისოლი“ – 1.34 ლარი და „გალფი“ – 1.39 ლარი.


ბრენდული ბენზინგასამართი სადგურები მომხმარებლებს ფასდაკლებებს სთავაზობენ, რაც ხშირად, ზოგად ფასთან მნიშვნელოვან სხვაობას იძლევა-ხოლმე. 6 ივლისის მონაცემებით, აღნიშნული ფასები ასე გამოიყურება:


· რეგულარი -„ლუკოილი“ – 1.69 ლარი;„რომპეტროლი“ – 1.71; „სოკარი“ – 1.74; „ვისოლი“ – 1.76; „გალფი“ – 1.82 ლარი.

· პრემიუმი - „ლუკოილი“ – 1.78; „სოკარი“ და „რომპეტროლი“ – 1.86; „ვისოლი“ და „გალფი“ – 1.89 ლარი.

· სუპერი- „ლუკოილი“ – 2.00 ლარი; „გალფი“ – 2.04; „სოკარი“ და „რომპეტროლი“ – 2.05; „ვისოლი“ – 2.07.

· დიზელი - „სოკარი“ 1.78; „ვისოლი“ – 1.87.

· ევრო დიზელი - „ლუკოილი“ – 1.79 ლარი; „რომპეტროლი“ – 1.82; „გალფი“ – 1.84; „სოკარი“ – 1.86 ლარი; „ვისოლი“ – 1.92 ლარი.

· ბუნებრივი აირი (CNG) – „სოკარი“ – 1.25; „ვისოლი“ და “გალფი“ – 1.29 ლარი.


bpn.ge


თეგები:
საწვავი



„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა

„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა
access_time2020-10-28 18:45:59
საქართველოს საავტომობილო გზების დეპარტამენტი „სან პეტროლიუმ ჯორჯიას“ ზესტაფონის მუნიციპალიტეტის სოფელ ძირულაში მდებარე არასასოფლო-სამეურნეო დანიშნულების 1476.00 კვ.მ მიწის ნაკვეთს და მასზე მდგომ შენობა-ნაგებობას იძულებით ჩამოართმევს.   ეკონომიკის მინისტრმა გზების დეპარტამენტს ექსპროპრიაციის უფლება უკვე მიანიჭა. ბრძანება "საკანონმდებლო მაცნეზე" გამოქვეყნდა. დოკუმენტიდან ირკვევა, რომ „დასახელებული უძრავი ქონების ნებაყოფლობით გამოსყიდვაზე დეპარტამენტსა და მესაკუთრეს...

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა
access_time2020-10-28 18:10:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 28 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-28 21:00:16
დღის Top 10 საინტერესო ამბავი:   1. „ქართული ოცნების“ ეკონომიკური საქმიანობის TOP 20 ნეგატიური შედეგი „კომერსანტმა“ გადაწყვიტა შემოგთავაზოთ „ქართული ოცნების“ ეკონომიკური საქმიანობის ნეგატიური შედეგები, რომლებმაც ქვეყანის განვითარება  შეაფერხა   2. საქართველოს ეროვნული ბანკი მონეტარული პოლიტიკის განაკვეთს უცვლელად, 8.0...

ცხინვალის არაღიარებულ რესპუბლიკაში საავადმყოფოები ინფიცირებულთა მზარდ რაოდენობას ვეღარ იტევს

ცხინვალის არაღიარებულ რესპუბლიკაში საავადმყოფოები ინფიცირებულთა მზარდ რაოდენობას ვეღარ იტევს
access_time2020-10-28 20:00:37
გასულ დღე-ღამეში ცხინვალის არაღიარებულ რესპუბლიკაში კიდევ 64 ადამიანი დაინფიცირდა - ეს ძალიან ბევრია ცხინვალისთვის, სადაც 30 000 ადამიანი ცხოვრობს.   15 სექტემბერს რუსეთს და ე.წ. სამხრეთს ოსეთს შორის საზღვარი გაიხსნა და ამის შემდეგ რესპუბლიკაში ინფიცირების...

მსოფლიო ავიაციაში სამუშაო ადგილები 40%-ით შემცირდება

მსოფლიო ავიაციაში სამუშაო ადგილები 40%-ით შემცირდება
access_time2020-10-28 17:30:17
IATA-ს შეფასებით, 2021 წელს სასურველი საოპერაციო შედეგების მისაღებად და ფინანსური რესურსების შემცირების გასანეიტრალებლად, საჭირო იქნება, ხარჯების კიდევ 30%-ით შემცირება.   ”კრიზისის პირობებში ყოველდღიურად სამუშაო ადგილების დაკარგვის და ეკონომიკური შეფერხების ალბათობა იზრდება. თუ კი სახელმწიფოები სწრაფად არ იმოქმედებენ ავიაციაში 1.3 მლნ სამუშაო ადგილი საფრთხის ქვეშ დადგება. ამას კი დომინოს ეფექტი ექნება, რაც საავიაციო სექტორში დამატებით 3.5 მლნ სამუშაო ადგილს შეუქმნის...


მსგავსი სიახლეები

up