"არ შემიძლია, კმაყოფილება არ გამოვხატო, რომ პროტესტი არ წარიმართა ისეთი დესტრუქციული ფორმით, როგორც დაანონსებული იყო" - ნათია თურნავა

access_time2021-02-06 18:10:50

არ შემიძლია, კმაყოფილება არ გამოვხატო, რომ პროტესტი არ წარიმართა ისეთი დესტრუქციული ფორმით, როგორც დაანონსებული იყო, – ასე შეაფასა ეკონომიკისა და მდგრადი განვითარების მინისტრმა სარესტორნო ბიზნესის გადაწყვეტილება, რომლის თანახმად დღეს თვითნებურად არ განაახლებენ მუშაობას.

საქართველოს პირველ არხთან საუბრისას ნათია თურნავამ აღნიშნა, რომ დღეს ბიზნესის წარმომადგენლების მიერ პარლამენტთან გამართული საპროტესტო აქცია ადამიანების კონსტიტუციურ უფლებას წარმოადგენს.

„არ შემიძლია, კმაყოფილება არ გამოვხატო, რომ პროტესტი არ წარიმართა ისეთი დესტრუქციული ფორმით, როგორც იყო დაანონსებული, რომ თითქოს რესტორნები მაინც გაიხსნებოდნენ და იმუშავებდნენ. ეს იქნებოდა სერიოზული კანონდარღვევა და ამას თავის პასუხისმგებლობა გარდაუვლად მოჰყვებოდა. დღეს რაც არის, ეს არის სრული კონსტიტუციური უფლება ამ ადამიანების, ვინც ჩართულები არიან ბიზნესებში და გამოხატავენ პროტესტს, მაგრამ მე მინდა ასევე ხელისუფლების პოზიციაც გაიგონ, გაგებით მოეკიდონ. ჩვენ ყველაფერს ვაკეთებთ, რომ ორი ამოცანა დავაბალანსოთ. ეს არის ადამიანების ჯანმრთელობა და სიცოცხლე და ეს არის ბიზნესის და ეკონომიკის ინტერესები“, – განაცხადა ნათია თურნავამ.

ეკონომიკის მინისტრმა საკოორდინაციო საბჭოს გადაწყვეტილებაზეც ისაუბრა, რომლის თანახმად 8 და 15 თებერვლიდან გარკვეული შეზღუდვები იხსნება.


„ძალიან კარგად მესმის, რომ ჩვენ დღესდღეობით არ გვაქვს შესაძლებლობა, სრულყოფილად აღვადგინოთ ყველა ბიზნესის საქმიანობა ისე, როგორც ეს იყო 2019 წელს, ანუ პანდემიამდე. რა თქმა უნდა, ბიზნესებს ახსოვთ 2018-2019 წლები, რომელიც ტურისტული ინდუსტრიისთვის საუკეთესო იყო. შარშან  და წელს მთლიანად მსოფლიოს ტურისტულ ინდუსტრიას გლობალურად გაუჭირდა. აქედან გამომდინარე, რა თქმა უნდა, ჩნდება პროტესტი, მაგრამ ვფიქრობ, აუცილებლად უნდა დაინახონ, რამდენად დიდ ძალისხმევას ვწევთ ჩვენ, მთავრობა, რათა შეძლებისდაგვარად არ დავაზარალოთ ეპიდვითარება და თან ვამუშაოთ ბიზნესი.

იცით, რომ 15 თებერვლიდან უკვე მთელი საქართველოს მასშტაბით ღია სივრცეებში სარესტორნე ინდუსტრიას ვხსნით, სასტუმროები ყველგან მუშაობენ, გარდა ზამთრის კურორტებისა. საკმაოდ მკაცრი რეკომენდაცია იყო ამაზე, რომ არ გაგვეხსნა ზამთრის კურორტები, რადგან იქ ეპიდაფეთქების დიდი ალბათობა არსებობდა. გარდა ამისა, 8 თებერვალს დაიწყება რესტორნების ახალი შერჩევა, ვინც მიიღებს სესხის სუბსიდირებას. ასევე, ამ პროგრამაში, „აწარმოე საქართველოს ფარგლებში“ ჩვენ ჩავრთეთ ფიტნეს დარბაზები, სპორტული მოედნების მფლობელები, აუზების მფლობელები, ასევე კერძო საბავშვო ბაღები. რა თქმა უნდა ეს არ არის ის, რომ მთლიანად გავანეიტრალოთ ნეგატიური ზემოქმედება. ამიტომ ჩვენ დიდი იმედი გვაქვს, რომ მომდევნო კვირებში არ გაუარესდება ეპიდემიოლოგიური მდგომარეობა“, – განაცხადა ნათია თურნავამ.

1tv.ge





მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up