„არ მოვინდომეთ ხუდონი, ნენსკრა, ნამახვანი - ამას ხედავენ საერთაშორისო ინვესტორები“

„არ მოვინდომეთ ხუდონი, ნენსკრა, ნამახვანი - ამას ხედავენ საერთაშორისო ინვესტორები“

access_time2021-09-23 22:00:00

ენერგეტიკოსი დავით მირცხულავა „ბიზნესპარტნიორთან“ ნამახვანჰესის პროექტის ჩავარდნას აფასებს და აცხადებს, რომ აშკარაა ქართულ ჰიდროენერგეტიკაზე სისტემური შეტევა მიმდინარეობს.



„ეს კი განსაკუთრებით იმ დროს ხდება, როდესაც მსოფლიო ენერგეტიკაში რადიკალური, რევოლუციური ცვლილებები მიმდინარეობს, რასაც „მე-4 ენერგეტიკული გადასვლა“ ჰქვია.რეალურად,ამ გადასვლით წიაღისეული საწვავის გამოყენება უახლოეს 10 წელიწადში მინიმუმამდე იქნება შემცირებული. აღარაფერს ვიტყვი 2050 წლის „ნახშირბადნეიტრალურ“ მიზნებზე მთელ მსოფლიოში. ასეთი პერსპექტივით ჩვენ კი გვაქვს ბუნებრივი სიკეთე - ჰიდროპოტენციალი, რომელსაც უამრავი მიზეზის გამო, კატეგორიულად არ ვიყენებთ ბოლო 30 წელია.



მხოლოდ საქართველოში ისმის ისეთი სიცრუე, რომ ჰიდროენერგეტიკა გუშინდელი დღეა ენერგეტიკის, გადახედეთ ევროპაში 2021 წელში ჩატარებულ თუ დაგეგმილ კონგრესებს თუ კონფერენციებს ჰიდროენერგეტიკაზე და ადვილად მიხვდებით ,რომ ეს ასე არაა,ჰიდროენერგეტიკის ახალ პერსექტივებზე მის გაზრდილ როლზე „მე-4 ენერგეტიკული გადასვლის პერიოდში“ მსოფლიოს წამყვან ქვეყნებში უამრავ პუბლიკაციას ნახავთ სახელმწიფოს ლიდერების,პოლიტიკოსების,მეცნიერების, თუმცა ჩვენთან მავანს და მავანს ეს ნაკლებად აინტერესებს,“-განმარტავს მირცხულავა.



როგორც ენერგეტიკოსი აცხადებს,სისტემური პრობლემაა ის, რომ საქართველოში ისეთ ინვესტიციებზე ენერგეტიკაში, რომელიც რეალურად დადებით გავლენას ახდენს ქვეყნის მაკროეკონომიკაზე, მუდმივად ხორციელდება ასეთი მასიური სისტემური შეტევა.



„ხუდონის ინვესტორი,რომელიც ბრიტანეთიდან (წარმომავლობით ინდუსი) იყო არ მოვინდომეთ,იგივე მოხდა „ნენსკრაჰესზე“, სადაც სამხრეთ კორეული ინვესტიცია უნდა განხორციელებულიყო,შემდეგ-„ნამახვანის“ სიტუაცია დადგა. ამ შემთხვევაში პროექტის ძირეული განხილვების პროცესიც არ წავიდა.



გახსოვთ გაზაფხულზე ეკონომიკის სამინისტროს მიერ ყველა არსებული საპროექტო ტექნიკური და გარემოსდაცვითი დოკუმენტაცია გაიხსნა, ექსპერტებს გადაეცა განსახილველად,ყველას შეეძლო გამოეთქვა თავისი მოსაზრება, კრიტიკული შეფასება.მართალი გითხრათ,ამ თემაზე სამწუხაროდ ექსპერტების მხრიდან დოკუმენტურად დაწერილი და წარმოდგენილი განხილვისათვის მასალა არ მინახავს და რამდენადაც ცნობილია, არც ეკონომიკის სამინისტროში შესულა ასეთი დოკუმენტი. მოკლედ, ძალიან მძიმე სიტუაციაა კამპანია „არა ჰესებს“ ძალიან აქტიურად მიმდინარეობს.




ყველა რეგიონში თუ ხეობაში,არის და იქმნება ჯგუფები,რომლებიც ჰესებს ეწინააღმდეგება. რეალურად,საქართველოს მთელ ტერიტორიაზე,თითოეული გამონაკლისის გარდა,ჰიდროენერგეტიკული მშენებლობა შეჩერებულია,“-აცხადებს მირცხულავა.



მისივე განცხადებით,არა აქვს მნიშვნელობა საქმე ეხება მიკრო, მცირე,თუ საშუალო სიმძლავრის ჰესებს. ენერგეტიკოსი განმარტავს, რომ შექმნილ სიტუაციაში ქვეყანაში ვერც ქარის და მზის ენერგიების განვითარება მოხდება,ასეთ პროექტებზეც საქართველოში უამრავი შეტევა ხორციელდება და ამას პერმანეტული ხასიათი აქვს.მზის და ქარის ენერგეტიკის განვითარებას სარეზერვო სიმძლავრეები სჭირდება, რომლის უიაფესი წყარო ისევ ჰიდროენერგეტიკაა, თუმცა, ამასაც არავინ ითვალისწინებს.



„2022 წელს ელექტროენერგიის წლიური მოხმარება დაახლოებით 14.7 მლრ.კვტ.საათამდე მივა, რით ვაპირებთ დაფარვას, იმპორტით?დღეს საქართველო ელექტროენერგიის მცირე ექსპორტს ახდენს ზაფხულში და ზოგიერთს ილუზია ექმნება ,რომ ჩვენ ზაფხულში ენერგიის სიჭარბე გვაქვს, რაც არ არის სწორი და ზაფხულის დიდ ნაწილშიც უკვე დეფიციტურია და მეტად გახდება. სამომავლოდ თუ ასე გაგრძელდა და არაფერი ავაშენეთ ისე გაიზრდება მოხმარება, რომ მის დაფარვას ჩვენი სისტემა ვეღარ შეძლებს.



გადავხედოთ ფასებსაც, ელექტროენერგიის ფასები იზრდება ყველა ჩვენს მეზობელ ქვეყანაში, რადგან საწვავი ძვირდება, ალბათ ყველა თვალყურს ადევნებდა სენსაციურ ცნობას „სპოტზე“ ფასებმა ევროპაში ბუნებრივ გაზზე რეკორდულ 920 აშშ დოლარს გადააჭარბა 1000მ3 -ზე.



ყველას შეუძლია ნახოს გაზის ფასები ევროპაში. შეიძლება დღეს ის სპეკულაციურია, მაგრამ ეს ტარიფები, ხომ მაღლა მიდის ეს აშკარაა,“ ტრენდი ასეთია,ჩვენ ხომ გაზის იმპორტიორი ქვეყანა ვართ,“-აცხადებს მირცხულავა.



ენერგეტიკოსის შეფასებით, „ნამახვანჰესის“ ინვესტორის გუშინდელი გადაწყვეტილება ქვეყნის საინვესტიციო იმიჯზე სახარბიელოდ ნამდვილად არ იმოქმედებს.



„უნდა ვაღიაროთ, რომ საქართველოში ისეთი მასშტაბის ინვესტორები, როგორიცაა Enka, ძალიან იშვიათად შემოდიან. საერთოდ, მცირე და საშუალო სადგურებზე ძალიან დიდი პრობლემებია საინვესტიციო კუთხით, საინვესტიციო კლიმატსაც სახარბიელოს ვერ დავარმევთ,ყველა ხედავს ამას, ხედავენ ის საერთაშორისო საფინანსო ინსტიტუტებიც, კერძო ფონდები, რომელიც ამ დარგს აფინანსებენ და ცდილობენ დააფინანსონ ბოლო 7-8 წელია, თუნდაც, შემიძლია გაგახსენოთ, უდიდესი ამერიკული ფონდი „ცერბერუსი“.



ცალკე თემაა, საერთაშორისო არბიტრაჟამდე ამ საკითხის მისვლა რისი ძალიან დიდი ალბათობაა. ამ სამივე დიდ ჰიდროსადგურზე არბიტრაჟში დავა ან წაგება, ძალიან დააზარალებს ქვეყანას, მის ეკონომიკას,“-აცხადებს მირცხულავა.



შეგახსენებთ, ნამახვანჰესის ინვესტორი კომპანია ENKA Renewables-ი საქართველოს მთავრობასთან დადებულ ხელშეკრულებას წყვეტს,შედეგად, ის $800 მილიონიან ჰიდროელექტროსადგურის მშენებლობაზე უარს ამბობს.



business-partner.ge






„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე

„საპენსიო საკითხებზე პოლიტიკოსებმა კომერციული ბანკის სახით, „განტევების ვაცი“ იპოვეს და ყველა მასზე ცდილობს ხელის შეწმენდას“ - გიორგი კაპანაძე
access_time2021-10-21 16:00:47
„ახალგაზრდა ფინანსისტთა და ბიზნესმენთა ასოციაციამ“ (აფბა) მიმართვა გაავრცელა და  საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსგან და...

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

თბილისში ამერიკული ჰოსპიტალი გაიხსნა

თბილისში ამერიკული ჰოსპიტალი გაიხსნა
access_time2021-10-21 15:00:35
American Intercontinental Healthcare Group-ის ოპერატორობით თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიიც აშშ-ის საერთაშორისო განვითარების საფინანსო კორპორაციის მხარდაჭერით საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება.    ჯანდაცვის სექტორისთვის სტრატეგიული ობიექტი წარმოდგენილია 183 საწოლით და სხვადასხვა მიმართულების განყოფილებით, რომელიც...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...


მსგავსი სიახლეები

up