„არ მიკვირს რეგიონში ყველაზე მეტად ლარი რომ უფასურდება, რადგან მარტო ტურისტებზე ვართ დამოკიდებული“- კახა ოქრიაშვილი

„არ მიკვირს რეგიონში ყველაზე მეტად ლარი რომ უფასურდება, რადგან მარტო ტურისტებზე ვართ დამოკიდებული“- კახა ოქრიაშვილი

access_time2020-03-27 12:30:12

„მე არ მიკვირს რეგიონში ყველაზე მეტად ლარი რომ უფასურდება იმიტომ, რომ ჩვენი ეკონომიკა განსხვავებულია, მარტო ტურისტებზე, ვართ დამოკიდებული“, - ასე აფასებს მმართველი გუნდის წევრი კახა ოქრიაშვილი ეროვნული ვალუტის რეკორდულ გაუფასურებას.  „პსპ“-ს დამფუძნებელი „კომერსანტთან“ იმ მიზეზებზე საუბრობს, თუ რატომ აისახება კორონავირუსის უარყოფითი ეფექტი რეგიონში ყველაზე მკვეთრად ლარის კურსზე. 


„ჩვენი ეკონომიკა დამოკიდებულია ტურიზმზე, ასეთ ტურისტულ ნაკადთან ახლოსაც არ არის სომხეთი, აზერბაიჯანი და თუნდაც რუსეთი. ქვეყანაში ბევრს არაფერს ვაწარმოებთ იგივე მეზობელი სომხეთი, ძალიან ბევრ უბრალო პროდუქტს აწარმოებს, დაწყებული ფეხსაცმლით, ჩირით დამთავრებული და წარმატებით ყიდის რუსეთის და სხვა ქვეყნის ბაზრებზე, მათ შორის ჩვენთანაც. ჩვენ მომსახურების ექსპორტი გვქონდა რომელიც სრულად გაჩერდა, ამ დროისთვის ტურისტების რაოდენობა არის ნული. ტურისტებს შემოჰქონდათ 3 მლრდ. დოლარი და უცებ ეს რიცხვი განულდა“-აცხადებს ოქრიაშვილი. 


დეპუტატის განცხადებით, სამომავლოდ ქვეყანამ უნდა გავითვალისწინოს, რომ   მრავალწახნაგოვანი ეკონომიკა ჰქონდეს.ამის მაგალითად მას სოფლის მეურნეობის გადამუშავება მოჰყავს, რაც ოქრიაშვილის თქმით,  ქვეყნის უსაფრთხოების მნიშვნელოვანი გარანტი იქნება. 


„ უნდა შევუწყოთ ხელი იმას, რომ საქართველოში ბევრი საექსპორტო არტიკლი გაჩნდეს და ტურისტზე არ ვიყოთ დამოკიდებული.იგივე ფარმაციის ნაწილში ტესტები დაგვჭირდა, რატომ არ უნდა ვაწარმოოთ ჩვენ?“, ამბობს ოქრიაშვილი.



დარგობრივი ეკონომიკისა და ეკონომიკური პოლიტიკის კომიტეტის წევრი იმ ნაბიჯებზე ამახვილებს ყურადღებას, რა ნაბიჯებიც პრობლემის მოსაგვარებლად უნდა გადაიდგას.


„ახლა უმნიშვნელოვანესია ადამიანების ჯანმრთელობა. ამის შემდეგ კი ქვეყანაში ძალიან ბევრი რამ არის გასაკეთებელი. ჩვენ უნდა მივაღწიოთ იმას, რომ ეკონომიკა არ იყოს დამოკიდებული მხოლოდ ტურიზმზე, 10 ჯერ იყო წამოწყებული იმპორტის ჩანაცვლების პროგრამა, ნაციონალური მოძრობის დროს მახსოვს 100 საწარმოს პროექტი, რომელიც ჩავარდა, „ქართული ოცნების“ დროსაც იყო იმპორტის ჩანაცვლების პროგრამა, რომელიც არ განხორციელდა, შეიძლება აქა-იქ რაღაც გაკეთდა, მაგრამ პროგრამას ვერ დავარქმევთ, მივიღეთ მხოლოდ ცალკეული საწარმოები. ამოქმედდა პროგრამა „აწარმოე საქართველოში“, ამან კარგი ბიძგი მისცა ბიზნესს, მაგრამ ეს უნდა გაგრძელდეს ისე, რომ ექსპორტის მწარმოებელი პროდუქციის კერები გაჩნდეს. ამისთვის უნდა კეთდებოდეს ყველაფერი ქვეყანაში. ეს მხოლოდ  კახა ოქრიაშვილის ძალისხმევით ვერ მოხერხდება, ყველა უნდა ჩაერთოს პროცესში, ერთად უნდა გაკეთდეს ეს გეგმა, ასე ვხედავ მე იმ პრობლემების მოგვარების გზებს, რომლის წინაშეც ვდგვართ დღეს“, - განაცხადა კახა ოქრიაშვილმა.

 

ბაჩო ადამია




საქართველოში კორონავირუსის 4780 ახალი შემთხვევიდან 1863 - თბილისში, 664 - აჭარაში, 648 - იმერეთში დაფიქსირდა

საქართველოში კორონავირუსის 4780 ახალი შემთხვევიდან 1863 - თბილისში, 664 - აჭარაში, 648 - იმერეთში დაფიქსირდა
access_time2020-11-27 10:55:36
დღეის მდგომარეობით, ბოლო 24 საათის განმავლობაში გამოვლენილია ვირუსით ინფიცირების 4 780 ახალი დადასტურებული შემთხვევა,-ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. მან კორონავირუსთან დაკავშირებით არსებულ უახლეს სტატისტიკურ მონაცემებზე ისაუბრა. „დღეის მდგომარეობით, ბოლო 24 საათის განმავლობაში გამოვლენილია...

სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება!

სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება!
access_time2020-11-27 09:55:09
27 ნოემბრიდან 30 ნოემბრის ჩათვლით, სილქნეტი მობილური ქსელის მომხმარებლებს ხუთ სააქციო პაკეტს შეთავაზებს. კომბინაციით *202# მომხმარებელი 30 დღით ჩაირთავს: 4 GB უსწრაფეს ინტერნეტს - 5 ლარად 300 ლოკალური წუთი - 5 ლარად 15 GB უსწრაფეს ინტერნეტს - 10 ლარად ულიმიტო სასაუბრო (ლოკალური) - 10 ლარად კომბინაციით *019# მომხმარებელი 30 დღით ჩაირთავს ყველაზე მოთხოვნად პირობას: ულიმიტო ინტერნეტ პაკეტს - 19...

„პროცენტის მეათედამდე სიზუსტით არ უნდა ილაპარაკო, უადგილო ქედმაღლობაა“

„პროცენტის მეათედამდე სიზუსტით არ უნდა ილაპარაკო, უადგილო ქედმაღლობაა“
access_time2020-11-27 10:00:55
ლოქდაუნი ლოქდაუნის გამოცხადების გარეშე, საქართველოს მთავრობა „წერტილოვანი შეზღუდვებით“ ქვეყანას სრულად კეტავს. ხვალიდან გაჩერდება საზოგადოებრივი ტრანსპორტი, დაიხურება ფიტნეს დარბაზები, აუზები და სავაჭრო ცენტრები. სტუმრებს ვეღარ მიიღებენ ვერც რესტორნები და კვების ობიექტები. გამოცხადებულ შეზღუდვებს თავისი ეკონომიკური ფასი ექნება, პრემიერ მინისტრი გიორგი გახარია ელოდება, რომ ეს ფასი მხოლოდ მშპ-ს 0.7%-0.8% იქნება და არა ათი ათასობით ახალი უმუშევარი ქვეყანაში.   ეკონომიკური...

„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია

„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია
access_time2020-11-27 11:00:25
მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან.   „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“ საუბრისას აღნიშნავს, რომ ეს გადაწყვეტილება, რესტორნების 90%-ის სამუდამოდ დახურვას გამოიწვევს, რის შედეგადაც ათასობით ადამიანი უმუშევრად დარჩება.   „ვვარაუდობ, რომ რესტორნების 90% ვეღარ გაიხსნება და სამუდამოდ დაიხურება, „საქსტატის“ მონაცემებით 11000...

დღის Top 10 საინტერესო ამბავი

დღის Top 10 საინტერესო ამბავი
access_time2020-11-26 21:00:26
დღის ტოპ 10 საინტერესო ამბავი: 1.  ორთვიანი შეზღუდვები - რა იკრძალება 28 ნოემბრიდან 31 იანვრამდე? საქართველოში არსებული ეპიდემიოლოგიური ვითარების გათვალისწინებით, პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ ქვეყანაში მოქმედი...


მსგავსი სიახლეები

up