“აქციზის გაზრდა, გაორმაგება  იმიტომ მოხდა, რომ მოგების გადასახადში გვქონდა დანაკლისი

“აქციზის გაზრდა, გაორმაგება იმიტომ მოხდა, რომ მოგების გადასახადში გვქონდა დანაკლისი

access_time2018-11-26 14:40:13


დღგ-ს ავანსით დაბეგვრა, დღგ-ს დაბრუნების ავტომატური მოდელი, დაგროვებითი პენსიის რეფორმა, - ამ და საქართველოს საგადასახადო პოლიტიკის სხვა მნიშვნელოვან საკითხებზე ისაუბრეს რადიო კომერსანტისა და აუდიტორული და ბიზნეს საკონსულტაციო კომპანია „გრანთ თორნთონის“ ერთობლივ პროექტში „ჩემი აუდიტორი“. გადაცემის წამყვანის, „გრანთ თორნთონის“ ბიზნეს პროცესების აუთსორსინგის განყოფილების ხელმძღვანელის, პაატა შურღაიას კითხვებს კრესტონ პაპიაშვილის მმართველი პარტნიორი დავით პაპიაშვილი პასუხობდა.



„დაახლოებით ათი სხვადასხვა კრიტერიუმით ფასდება „ბიზნესის კეთების“ რეიტინგი, ყველა მათგანი ბიზნესის კეთებასთანაა დაკავშირებული. მინდა გითხრათ, რომ ყველაზე მაღალი შეფასება და ზრდა გვაქვს სწორედ გადასახადის სიმარტივის ნაწილში, სადაც მე-6 ადგილზე ვართ, წინსვლა გვაქვს ბიზნესის დაწყების კრიტერიუმის ნაწილშიც, რისი მიზეზიც ისაა, რომ კომპანიებს აქვთ შესაძლებლობა ერთ სივრცეში, იუსტიციის სახლში დღგ-ს გადამხდელად დარეგისტირდნენ. ძირითადად, ორი მიმართულებით გამარტივდა პროცესი : ერთია დეკლარაციების შევსების დრო, რომელიც 270 საათი იყო და ჩამოვიდა 200-220 საათამდე, მეორე მაჩვენებელია ის, რომ გადასახადი მთლიან მოგებაში საგადასახადო ტვირთვის მთლიანი მაჩვენებელი გახდა.
ჩვენი ეკონომიკის მქონე ქვეყნისთვის ეს უთუოდ დიდი წარმატებაა. აქ არის პოზიციები, სადაც ჩვენ არც ისე კარგი რეიტინგი გვაქვს მაგალითად, საგარეო ვაჭრობის მაჩვენებელში, რომელიც აფასებს ექსპორტ-იმპორტის დროს და ხარჯებს 43-ე ადგილი გვაქვს, ხოლო გადახდის უუნარობის წარმოების მაჩვენებელში მე-60 ადგილზე ვართ.“



რაც შეეხება დღგ-ს ავანსით დაბეგვრის ნაწილს, დავით პაპიაშვილის თქმით, იგი პრობლემებს გააჩენს ადმინისტრირების ნაწილში და ბუღალტრებს სამუშაოს გაურთულებს.



„ბოლო ორი წლის განმავლობაში, თუ რაიმე შეიცვალა ამ მიმართულებებით, ყველაზე მასშტაბური სწორედ ეს საკითხი გახლავთ. თავის დროზე აქტიურად გამოვდიოდი ნეგატიური კონტექსტით ამ თემებთან დაკავშირებით, თუმცა ბიზნესის მხრიდან სათანადო აქტიურობა ვერ დავინახე. ეს ნაწილი გაართულებს აღრიცხვიანობას, ბუღალტერისთვის ეს პროცესი უფრო შრომატევადი გახდება, რაც ყოველდღიურ მუშაობის ხარისხზე აისახება და ბუნებრივია შეცდომების დაშვების ალბათობაც დიდი იქნება,“ - ამბობს დავით პაპიაშვილი.



ის ასევე დასძენს, რომ ავანსების დღგ-თი დაბეგვრა სამშენებლო ბიზნესიდან გამომდინარე მოხდა : „ თუ მშენებლობებშია პრობლემა მაშინ დანარჩენი დარგები მაინც უნდა გავათავისუფლოთ,“ - ამბობს იგი.



გადაცემაში ასევე ისაუბრეს დღგ-ს დაბრუნების ავტომატურ მოდელზე. ელექტრონული პლატფორმა, რომელიც 2019 წლის იანვრიდან ჩაეშვება, ფინანსთა სამინისტროს თქმით, კიდეც უფრო გაზრდის დაბრუნებული თანხის საერთო მოცულობას. დავით პაპიაშვილი არ ეთანხმება სამინისტროს ამ მოსაზრებას და ამბობს, რომ მოცულობის გაზრდა არა გამარტივებული პროცედურის ხარჯზე, არამედ მიმართვიანობის გაზრდის გამო მოხდა.



რაც შეეხება ესტონური მოდელის საკითხს, გადაცემის სტუმრის თქმით, მოდელის კრიტიკა ძირითადად, საგადასახადო დაბეგვრის ბუნდოვან საკითხებს ეხებოდა. საერთო ჯამში, დავით პაპიაშვილი ესტონურ მოდელს დადებითად აფასებს და ამბობს, რომ ამ მოდელის დანერგვა აქციზზე ფასის ზრდად დაუჯდა სახელმწიფოს.



„საკმარისი დრო გავიდა იმისთვის, რომ პირველად შედეგებზე ვისაუბროთ, ეკონომიკური ზრდის მაჩვენებელი, ვერ ვიტყოდი, რომ ძალიან კარგია ან მაღალი, თუმცა რაც გვაქვს, ნორმალური მაჩვენებელია. დრო გვჭირდება იმისთვის, რომ ამ რეფორმის შედეგები კიდევ დავინახოთ.



მეორე საკითხია ვიმსჯელოთ თუ რა ფასად ახდენს ამ მოდელის დანერგვას სახელმწიფო. აქციზის გაზრდა, გაორმაგება სწორედ იმიტომ მოხდა, რომ მოგების გადასახადში გვქონდა დანაკლისი. ამდენად, ჩვენ მხოლოდ მიღწევები და წარმატებები კი არ უნდა დავითალოთ, არამედ ისიც უნდა გავაანალიზოთ თუ რა ფასი გადავიხადეთ და რამდენად გვიღირდა ეს ყველაფერი. ეკონომიკური ზრდა კი გვაქვს, მაგრამ ეს მოხდა რიგითი მომხმარებლების ჯიბის ხარჯზე, რომლებსაც გაუძვირდათ, საწვავი, თამბაქო ... “ - ამბობს დავით პაპიაშვილი.



მისი თქმით, აუცილებლად უნდა მოხდეს დღგ-ს ზღვრის აწევაც ვინაიდან, კურსისა და ფასების ზრდის პარალელურად, ლეგიტიმურია, ვისაუბროთ ქონების გადასახადის აწევასთან დაკავშირებით. დავით პაპიაშვილი თვლის, რომ დაგროვებითი პენსიის შესახებ რეფორმა ბიზნესისთვის დამატებითი ტვირთია.
„რა თქმა უნდა, ეს არის ისევ დაქირავებული ადამიანებისა და ბიზნესის ხარჯზე გატარებული რეფორმა და ერთადერთი რის გამოც მწვავე კრიტიკას ვერ გამოვთქვამ ისაა, რომ ბევრ განვითარებულ ქვეყანაში ამ სისტემამ მნიშვნელოვანი სარგებელი მოიტანა და ადრე თუ გვიან ჩვენ მაინც უნდა მიგვეღო ეს სისტემა,“ - ამბობს დავით პაპიაშვილი.



კომერსანტი




საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up