მას შემდეგ, რაც აშშ-ჩინეთს შორის “სავაჭრო ომი“ დაიწყო, ბევრმა ცნობილმა კომპანიებმა დატოვეს ჩინეთი.
კვლევითმა ფირმა Gartner-მა გამოავლინა, რომ მიწოდების ჯაჭვის ლიდერების მესამედს გადაწყვეტილი აქვს, რომ 2023 წლამდე თავისი წარმოების ნაწილი ჩინეთიდან გაიტანოს.
წარმოგიდგენთ დიდ კომპანიებს, რომლებმაც ჩინეთის ბაზარი უკვე დატოვეს:
Apple
მიუხედავად იმისა, რომ Apple-ის წარმოების ძირითადი ნაწილი ჩინეთში რჩება, ტექნიკური გიგანტი თავის მომწოდებლებს, მათ შორის, ტაივანურ ფირმა Foxconn Delta Electronics და Pegatron მოუწოდებს iPhone-ის წარმოების 30% ჩინეთიდან გადაიტანონ.
Foxconn ინდოეთში ქარხნის გაფართოებისთვის 1 მილიარდ დოლარამდე ინვესტიციას ახორციელებს. სხვა კონტრაქტის მწარმოებლები კომფორტს იქმნიან ვიეტნამში, ტაილანდსა და ინდონეზიაში. Apple ასევე გეგმავს, რომ მისი AirPods-ის 30% წარმოებული ჩინეთის ნაცვლად ვიეტნამში იყოს.
Adidas
ჩინეთში მოქმედი გერმანული კომპანიების თითქმის მეოთხედი წარმოების ქვეყნიდან გადატანას 2019 წელს გეგმავდა.
მაგალითად, Adidas-მა თავისი ჩინური წარმოება 2010 წლიდან გაანახევრა, წარმოების დიდი ნაწილი გადავიდა ვიეტნამში და 2020 წლის ივლისში პირობა დადო, რომ გაწყვეტს ყველა კავშირს მომწოდებლებთან, რომლებიც ნახსენები არიან ანგარიშში, სადაც იძულებითი შრომის შესახებ არის საუბარი.
Airbnb
გავრცელებული ინფორმაციით Airbnb შეინარჩუნებს ოფისს ჩინეთში, რათა დაეხმაროს ჩინელ ტურისტებს, რომლებიც დაჯავშნიან საცხოვრბელ ადგილებს მსოფლიოს ნებისმიერ კუთხეში, მაგრამ ის უარს ამბობს მიიღოს ბრონები ჩინეთში არსებულ ადგილებზე.
Kia Motors
სხვა სამხრეთ კორეულ კომპანიებთან ერთად, როგორიცაა Samsung და LG, რომლებმაც ჩინეთზე უარი თქვეს, ავტომწარმოებელმა Kia Motors-მა თავისი ერთ-ერთი მთავარი ქარხანა ქვეყანაში 2019 წელს დახურა.
Google/Alphabet
Google მეტ-ნაკლებად დაბლოკილია ჩინეთში, მაგრამ საძიებო სისტემის მშობელი კომპანია Alphabet კვლავ აწარმოებს ტექნიკის პროდუქტებს ქვეყანაში, თუმცა შესაძლოა, ეს დიდხანს არც გაგრძელდეს.
მიწოდების ჯაჭვების შეფერხების გამო, კომპანიამ მისი ფლაგმანი Pixel სმარტფონის წარმოება ვიეტნამში გადაიტანა. ხოლო Cloud დედაპლატების და Nest პროდუქტების წარმოება გადავიდა ტაივანში და მალაიზიაში.
Microsoft-ის საკუთრებაში არსებულმა საიტმა თავისი ჩინური გვერდები დახურა. LinkedIn ზოგიერთი ჟურნალისტის პროფილების დაბლოკვის გამო გააკრიტიკეს.
Intel
სილიკონ ველიზე დაფუძნებული ნახევარგამტარიანი ჩიპების მწარმოებელი კომპანია - Intel მიჰყვა ბევრ ამერიკულ კომპანიას და ზოგიერთი პროდუქტის წარმოება და აწყობა სახალხო რესპუბლიკიდან ვიეტნამში გადაიტანა.
Intel-მა გამოაცხადა, რომ განახორციელებს 95 მილიარდ დოლარამდე ინვესტიციას ევროპაში ჩიპების წარმოებაში, რადგან კომპანია ცდილობს გაზარდოს წარმოების სიმძლავრე გლობალური დეფიციტის დროს.
New York Times
New York Times-მა გადაწყვიტა ჰონგ კონგის ოფისის ნაწილი სეულში გადაეტანა. ეს მას შემდეგ, მოხდა რაც ჩინეთში ამოქმედდა ახალი კანონი, რომელიც ზღუდავს სიტყვის თავისუფლებას სპეციალურ ადმინისტრაციულ რეგიონებში.
წყარო: lovemoney.com, "ბიზნესპრესნიუსი"
Apple
