კომპანია Apple 2 მლნ დოლარს გადაუხდის ადამიანს, ვინც iOS 16-ის სისტემაზე მომუშავე iPhone-ის დაბლოკვის რეჟიმს გატეხავს.
Gizchina-ს თანახმად, ეს არის ყველაზე დიდი ჯილდო, რომელიც გამოვლენილი დაუცველობისთვის ინდუსტრიამ ოდესმე დააწესა.
ჩაკეტვის რეჟიმი, რომელიც ასევე ცნობილია როგორც Lockdown Mode, არის მომხმარებლის დაცვის გაზრდილი რეჟიმი. იგი გამოიყენება იმ შემთხვევაში, თუ მფლობელი მიიჩნევს, რომ გახდა მიზანმიმართული მეთვალყურეობის მსხვერპლი, ან თუ iPhone მავნე პროგრამით დაინფიცირდა.
როდესაც ის ჩართულია თქვენს სმარტფონზე, აპლიკაციებისა და ვებ სერვისების უმეტესობა არ იქნება ხელმისაწვდომი. ასევე დაიბლოკება FaceTime ზარები უცნაური ნომრებიდან და ზოგადად iPhone-ის მონაცემები დაიბლოკება მანამ, სანამ მოწყობილობა მფლობელს ხელში არ მოხვდება.
ჩაკეტვის რეჟიმი პირველად Apple-მა WWDC-ზე დაანონსა გასულ თვეში. მისი ოფიციალური გამოშვება დაგეგმილია მიმდინარე შემოდგომაზე iOS 16-თან ერთად.