„აპირებთ თუ არა გადახედოთ 520-ე დადგენილებას, რომელმაც პანდემიამდე უზარმაზარი ზარალი მიაყენა  ჯანდაცვის სისტემის ფინანსურ მდგრადობას“, - ამ კითხვით მიმართა პარლამენტში ანგარიშის წარსადგენად მისულ საქართველოს პრემიერ მინისტრ გიორგი გახარიას „ევროპული საქართველოს“ წევრმა ზურაბ ჭიაბერაშვილმა. ოპოზიციონერმა დაპუტატმა თავის გამოსვლაში ყურადღება ჰოსპიტალურ სექტორში შექმნილ პრობლემებზე გაამახვილა.

„ბ.ნ გიორგი, თქვენ თქვენი დროის უდიდესი ნაწილი დაუთმეთ იმაზე საუბარს რა გაკეთდა, მაგრამ ძალიან ცოტა ილაპარაკე იმასთან დაკავშირებით რა უნდა გაკეთდეს მომავალში და მინდა გითხრათ, რომ ჩვენ საზოგადოებას, რომელიც ძალიან გაჭირვებული იყო კრიზისამდეც ახლა კიდევ უფრო მეტად გაუჭირდა და აინტერესებთ ის, რა იქნება ხვალ და როგორ გაუმკლავდნენ იმ შიმშილს, რომლის წინაშეც დადგნენ.

თუმცა, გარდა იმ ეკონომიკური და სოციალური პრობლემებისა და სიღარიბის, უდიდესი მნიშვნელობა აქვს, რომ ჩვენს ქვეყანას, როგორც თქვენი მრჩევლები ამბობენ, ელოდება (იმედია ეს არ გამართლდება) მეორე ან მესამე ტალღა. მნიშვნელოვანია ის, რომ ამას  ჯანდაცვის სისტემა შეხვდეს მომზადებული და მინდა საზოგადოებას კიდევ ერთხელ ვუთხრა, რომ 22 მაისს 9 კლინიკამ წერილით მიმართა პრემიერ-მინისტრს. ჩამოვთვლი ამ კლინიკებს ეს არის „ჯოენის სამედიცინო ცენტრი“, „ნიუ ჰოსპიტალსი“, „თბილისის გულის ცენტრი“, კლინიკა „გული“, კლინიკა „ჯერარსი“, „პინეო ეკოსისტემა“, „თბილისის სამედიცინო ინსტიტუტი“, „ხეჩინაშვილის სახელობის საუნივერსიტეტო კლინიკა“. ეს არის ჩვენი ქვეყნის ჯანდაცვის სისტემის მნიშვნელოვანი ნაწილი და როდესაც ამ პირობებში უწევთ კლინიკებს დამატებითი ხარჯის გაწევა, იმ რეგულაციების შესასრულებლად რაც მოდის ჯანდაცვის მსოფლიო ორგანიზაციიდან. ამ პირობებში   გეგმიური ოპერაციები პრაქტიკულად გაჩერებული იყო და მნიშვნელოვნად არის შემცირებული ზოგადად ფინანსური ნაკადები კლინიკებში და თქვენ და ჯანდაცვის მინისტრი აპირებთ თუ არა გადახედოთ 520-ე დადგენილებას, რომელმაც პანდემიამდე უზარმაზარი ზარალი მიაყენა  ჯანდაცვის სისტემის ფინანსურ მდგრადობას.სხვათაშორის, იმის გამო რომ 6 თვიანი დაგვიანებებია ამ ფულის ჩარიცხვის, სწორედ ახლა დაეწყო კლინიკებს იმ შემცირებული თანხის ჩარიცხვები, რომელიც მოდის ნოემბრიდან“, - განაცხადა ზურაბ ჭიაბერაშვილმა.

ბაჩო ადამია