პრემიერმინისტრის მიერ კორონავირუსით გამოწვეული კრიზისის წინააღმდეგ შემუშავებული გეგმას დადებითად აფასებს კომერსანტთან დეველოპერული კომპანია ჯიდიჯი ჯგუფის დამფუძნებელი ბეჟან წაქაძე. მისი თქმით, გეგმაში გაწერილი კონკრეტული ნაბიჯები დიდი სტიმული იქნება ბიზნესისთვის.
საქართველომ დამოუკიდებლობის მიღებიდან დღემდე ბევრი კრიზისი გამოიარა. დღევანდელი კრიზისი და გეგმა,რომელიც პრემიერმა წარადგინა, არის ერთ-ერთი ყველაზე მასშტაბური. ეს არის მაქსიმუმი იმისა,რაც შეუძლია ჩვენს ქვეყანას საერთო შესაძლებლობებიდან გამომდინარე. ანტიკრიზისული გეგმით ნათქვამია,რომ სახელმწიფო შედგა და ამ დიდ გამოწვევას, სახელმწიფო სტრუქტურებმა მთლიანად უპასუხა. რაც არ უნდა ბევრი იყოს დახმარება, ბიზნესი და ფიზიკური პირი სრულად კმაყოფილი მაინც არ იქნება. გეგმა შემდგომ კიდევ გადაიხედება, ეს დამოკიდებულია იმაზე,თუ როგორ მოვახდენთ ვირუსთან გამკლავებას.
ბიზნესებს,რომლებიც დაასრულებენ უკვე დაწყებულ პროექტებს და ახალ პროექტებზე დაიწყებენ ზრუნვას, ბანკებისგან აღებული სესხის 80%-ს სახელმწიფო დაუფინანსებს. მნიშვნელოვანია ხაზი გავუსვათ,რომ ეს არის უდიდესი სტიმული კომპანიებისთვისა და ორგანიზაციებისთვის,- აღნიშნავს ბეჟან წაქაძე.
იგი კომერსანტთან საუბარში ასევე გამოეხმაურა მოსაზრებას იმის შესახებ,რომ პრემიერ მინისტრის მიერ წარმოდგენილი ანტიკრიზისული გეგმა ეკონომიკური მნიშვნელობის არ არის და მას მხოლოდ სოციალური დატვირთვა გააჩნია.
აბა, სხვა ეკონომიკა, რა არის? თუ ვინმეს ეგონა,რომ ყველაფერს ჩამოაწერდა სახელმწიფო და ეტყოდა, აწი,რასაც დახარჯავ, მე გადაგიხდიო - არარეალურია. ადამიანი თუ პოლიტიკურად არ ჩხირკედელაობს, მაშინ, აბა დამისახელეთ,რომელიმე მთავრობა,რომელმაც კრიზისის დროს შემოგვთავაზა ანტიკრიზისული გეგმა და არა მისი გადავლის შემდეგ, მთლად რომ ჩამოიქცეოდა კომპანიები, და მხოლოდ ამის შემდეგ,რომ ჩამოწერდა სახელმწიფო ვალებს.
დარწმუნებული ვარ, თუ ჩვენი მოსახლეობა გაითვალისწინებს რეკომენდაციებს პოსტ კრიზისული პერიოდი გაცილებით უკეთესი გვექნება. სახელმწიფოს რაც შეეძლო გააკეთა, რა თქმა უნდა, ეს არ არის იდეალური, ამდენსაც არ მოველოდი, თუმცა წარმოიდგინეთ, უკრაინას, რომელზეც მოსახლეობით 14-ჯერ ნაკლები ვართ, არ მისცეს დონორმა კომპანიებმა 4 მილიარდი დოლარი. ჩვენმა მთავრობამ მოახერხა და 3 მილიარდი დოლარი მოიპოვა დონორებისგან, ეს ნიშნავს,რომ შენს სახელმწიფოს ენდობიან და ქვეყნის პერსპექტივებს ხედავენ. - ამბობს ბეჟან წაქაძე.