კრიზისული მენეჯმენტისთვის 3 მილიარდ 500 მილიონი ლარის ქვეყნისთვის გამოყოფას დადებითად აფასებს ბიზნესმენი თემურ ჭყონია. „კოკა-კოლა ბოთლერს ჯორჯიას“ პრეზიდენტი მიიჩნევს რომ დღევანდელ პირობებში, საქართველოსთვის ანტიკრიზისული გეგმა მაქსიმუმია, თუმცა, ის ეკონომიკურზე მეტად სოციალური სახის მატარებელია.
„ეს ანტიკრიზისული გეგმა ეკონომიკაზე კი არა არსებული სიტუაციის გაუმჯობესებაზეა მორგებული. 3 მლრდ. 500 ათასს რომ სახელმწიფო ხარჯავს კრიზისული მენეჯმენტისთვის, მოტივაციას უზრდის მოსახლეობას. ვინმეს ეს თანხა ყოფნის თუ არ ყოფნის, ამის გარჩევა არ არის სწორი. სახელმწიფო, მონდომებულია და რომ ჰქონოდა შანსი 6 მლრდ.ლარსაც დახარჯავდა. რისი საშუალებაც აქვს იმას ანაწილებენ, თუმცა მთავარია ეს ეფექტურად იყოს გამოყენებული.
ასევე 30 000 ლარს აძლევენ ფერმერებს, რომ სოფლის მეურნეობა განვითარდეს. მთავარია ეს თანხა სწორად გამოიყენონ იმ ერთეულებმა, ვისაც სუბსიდირება შეეხოთ. მომეწონა, კომუნალური გადასახადების კუთხით შეღავათები, ხალხს შეღავათი მისცეს.სახელმწიფოს რისი შანსიც აქვს, ყველაფერს იყენებს იმისთის, რომ სიტუაცია გააუმჯიბესოს“-ამბობს თემურ ჭყონია.
„კომერსანტის“ კითხვაზე არის თუ არა ანტიკრიზისული გეგმა ზოგადად ბიზნესისთვის და კონკრეტულად მისთვის შეღავათი, „კოკა-კოლა ბოთლერს ჯორჯიას“ პრეზიდენტი პასუხობს, რომ დღეს მხოლოდ მთავრობის გეგმა და მისი ყველა პუნქტის სწორად შესრულებაა აქტუალური.
„ის რომ ბიზნესის დიდი ნაწილისთვის კორონავირუსი აღმოჩნდა სავალალო და რამდენიმე წლით დახია უკან, ბუნებრივია, რადგან პრობლემა გლობალური და რეალურია. თუმცა, არ მინდა ჩემს შემთხვევაზე ვისაუბრო, დღეს აქტუალურია მთავრობის გეგმა და არასწორად მიმაჩნია იმაზე საუბარი მე რა დაკარგე როგორც ბიზენსმენმა. ჩვენზეა ყველაფერი დამოკიდებული რამდენად სწორად დავინახავთ მათ მესიჯებს და მართებულად გამოვიყენებთ.“-ამბობს ბიზნესმენი.
ნათია ლომიძე