2021 წლის ზაფხულში კომპანია „ანიგოზი“ თბილისთან ახლოს ნიგვზის და ნუშის გადამამუშავებელი ქარხნის გახსნას გეგმავს. კომპანია როგორც საკუთარ ბაღებში მოყვანილ, ასევე მოსახლეობისგან შესყიდულ თხილს გამოიყენებს და საბოლოო პროდუქტი ნიგვზის გული ვაკუუმურ შეფუთვაში იქნება.
„ანიგოზი“ - ახალი კომპანიაა, რომელიც 26 წლის მეეღლეებმა გოგი ბოლქვაძემ და ანა ქევხიშვილმა შექმნეს.
„ჩვენს ოჯახს ვენახები უკვე აქვს და ჩვენ რამე ახალი საქმით დაკავება გადავწყვიტეთ. არჩევანი ნიგოზზე შევაჩერეთ. ამ დროისთვის თელავის რაიონში 6 ჰექტარი ნიგვზის პლანტაცია გვაქვს. ჩვენ ასევე თხილის გადამუშავება გადავწყვიტეთ და საქართველოს სოფლის მეურნეობის სააგენტოს შესაბამისი პროექტით მივმართეთ“ - ყვება ანა ქევხიშვილი.
გადამამუშავებელი ქარხნის საინვესტიციო ღირებულება 3 მლნ. ლარი იყო, თანხის ნაწილი საბანკო სესხია, ნაწილი კი სახელმწიფო გრანტი. ამ დროისთვის ქარხანა უკვე შენდება და მასში დამონტაჟებული თანამედროვე მაღალეფექტური ფრანგული დანადგარები იქნება.
მისი თქმით ან დროისთვის კომპანიის მთავარი ამოცანა იმპორტის ჩანაცვლება იქნება, ხოლო მოგვიანებით „ანიგოზა“ საექსპორტო ბაზრებზე გასვლასაც გეგმავს.
„ნიგოზი - ქართული ტრადიციული სამზარეულოს განუყოფელი ნაწილია და მოთხოვნა მასზე საკმაოდ მაღალია. თუმცა, მოხმარების დიდი ნაწილი - იმპორტია რადგანაც ქვეყანაში საკმარისი რაოდენობის ეს პროდუქტი არ იწარმოება. სავარაუდოდ, უახლოეს წლებში ვითარება შეიცვლება, ინტერესი ნიგვზისადმი ფერმერების მხრიდან, ისევე როგორც მოსავალი, ყოველწლიურად იზრდება“ - ამბობს კომპანიის თანადამფუძნებელი.
სადღეისოდ ნიგვზის გადამუშავების დარგში საქართველოში რამდენიმე საწარმო მუშაობს, რომელიც ძირითად აქცენტს საკუთარი ნაწარმის გადამუშავებაზე აკეთებს. „ანიგოზა“ კი მცირე და საშუალო ფერმერებისგან პროდუქტის შესყიდვას აპირებს.
ანა კევხიშვილის თქმით, ქართულ ნიგოზს კარგი საექსპორტო პერსპექტივებიც აქვს, არა ნაკლები ვიდრე ჩვეულებრივ თხილს, რომელსაც ქვეყანაში წელიწადში ათობით მილიონი დოლარი შემოაქვს.
ამ დროისთვის კომპანია ქართლის, კახეთის და აჭარის რეგიონებში ადგილობრივ მცირე და საშუალო ფერმერებთან გრძელვადიან თანამშრომლობაზე მოლაპარაკებას აწარმოებს.
„ფერმერებს ცოდნა აკლიათ, აგრონომის დაქირავება კი მათთვის ძალიან ძვირი სიამოვნებაა. ჩვენ მათ უსასყიდლოთ დავეხმარებით ხარისხიანი პროდუქტის წარმოებაში, რომელსაც შემდეგ თავადვე შევიძენთ. ჩვენი აგრონომები მათთან წლის მანძილზე მუდმივ კონტაქტზე იქნებიან“ - ამბობს მეწარმე.
საწარმოს სიმძლავრე წელიწადში 400 ტონა ნიგოზი იქნება. პირველი წელს კომპანია 150 ტონის გადამუშავებას გეგმავს, შემდეგ მოცულობა გაიზრდება და ნიგოზს ნუშიც დაემატება.
„ნედლეულის შესყიდვა სეზონზე მოხდება, გადამუშავება კი წლის მანძილზე გაგრძელდება, შეკვეთების მიღებასთან ერთად. შესაბამისი ტემპერატურული რეჟიმის და სპეციალური ტომრების გამოყენებით ნიგვზის შენახვა რამდენიმე თვის მანძილზეა შესაძლებელი“ - ამბობს ანა ქევშიშვილი.
თენგიზ აბლოთია
წყარო:east-fruit.com