ანდრიუს კუბილიუსი - ასე ვერ გაგრძელდება, საქართველო ან მოაგვარებს კრიზისს ევროკავშირის უმაღლესი პირების რჩევით, ან მოუწევს გარკვეული საფასურის გადახდა

ანდრიუს კუბილიუსი - ასე ვერ გაგრძელდება, საქართველო ან მოაგვარებს კრიზისს ევროკავშირის უმაღლესი პირების რჩევით, ან მოუწევს გარკვეული საფასურის გადახდა

access_time2021-04-07 22:00:00

ევროპარლამენტარ ანდრიუს კუბილიუსის თქმით, საქართველოში მიმდინარე პოლიტიკურ პროცესში ევროკავშირის ჩართულობა ევროპული საბჭოს პრეზიდენტის, შარლ მიშელისა და მისი სპეციალური წარმომადგენლის დონეზე, არის ჩართულობის ყველაზე მაღალი დონე, რაც შეიძლება კრიზისის დროს საქართველოს შესთავაზო.


ამასთან, კუბილიუსი გამოეხმაურა ქართულ მედიაში ქართველი პოლიტიკოსების მხრიდან გაკეთებულ განცხადებებს.


„ქართულ მედიაში ვნახე განცხადებები, განსაკუთრებით მმართველი გუნდის მხრიდან, რომ რა მნიშვნელობა აქვს ამ შვიდი ევროპარლამენტარის განცხადებას. ევროკავშირის ელჩმა ამაზე ძალიან კარგი კომენტარი გააკეთა. ასე რომ, ამ განცხადებას სერიოზულად მოეკიდეთ.


თუ გავითვალისწინებთ ევროპარლამენტის შიდა არქიტექტურას და გადაწყვეტილების მიღების პროცესს, თუ კარგად დააკვირდებით, ვინ აწერს ხელს, დაინახავთ, რომ ერთ-ერთი ხელმომწერი არის ევროპარლამენტის საგარეო ურთიერთობათა კომიტეტის თავმჯდომარე, დევიდ მაკკალისტერი და სხვადასხვა ჯგუფის წარმომადგენლები. ეს არის ის ხალხი, ვინც საკუთარ პოლიტიკურ ჯგუფებში აღმოსავლეთ პარტნიორობის მონაწილე ქვეყნებში განვითარებულ მოვლენებზე არიან პასუხისმგებელნი და მათ მოსაზრებებს პატივისცემით მოეკიდებიან პოლიტიკურ ჯგუფებსა და პარლამენტში.



მე არ ვიცი, როგორ უნდა მოვიქცეთ შემდეგ ეტაპზე, იქნება ეს რაიმე რეზოლუციის მიღება, თუ ამ საკითხის კომიტეტში განხილვა, მაგრამ თუ ასეთი ადამიანების ჯგუფი აკეთებს მსგავს განცხადებას, მაშინ მას ევროპარლამენტის უმრავლესობა, როგორც წესი, მხარს უჭერს ხოლმე. ასევე, გასათვალისწინებელია, რომ ევროპარლამენტარების ეს არაფორმალური ჯგუფი ევროპარლამენტის თავმჯდომარემ შეკრიბა საქართველოში კრიზისიდან გამოსავლის მოსაძიებლად. ასე რომ, ჩვენ გვაქვს არაფორმალური, მაგრამ მნიშვნელოვანი მანდატი.


მეორე, რატომ გავაკეთეთ ეს განცხადება. ჩვენ მივიჩნევთ, რომ ევროკავშირის ჩართულობა ამ საკითხში ევროპული საბჭოს პრეზიდენტის, შარლ მიშელისა და მისი სპეციალური წარმომადგენლის დონეზე, არის ჩართულობის ძალიან მაღალი დონე. ეს ყველაზე მაღალი დონეა, რაც შეიძლება, საქართველოს შესთავაზო კრიზისის დროს. არც კი მახსენდება სხვა მსგავსი შემთხვევა, როცა ქვეყნის შიდა პოლიტიკურ კრიზისში ასეთი ჩართულობა ყოფილიყო. მე ვხედავ პრობლემას საქართველოს შიგნით და რადგან მეტ-ნაკლებდ ვიცნობ სიტუაციას, ვიტყოდი, რომ პირველ რიგში ეს არის პოლიტიკური ლიდერობის კრიზისი, ორივე პოლიტიკურ ჯგუფში. ღიად ვიტყვი, რომ არიან ფორმალური ლიდერები, მაგრამ ასევე არიან არაფორმალურებიც, რომლებიც მაინც არიან ჩართული პოლიტიკური ჯგუფების საქმიანობაში. ეს სიტუაციას ართულებს და პოლიტიკურ ჯგუფებს კრიზისის გადასაჭრელად ნაბიჯების გადადგმა უჭირთ“, – განაცხადა ანდრიუს კუბილიუსმა.


ამასთან, კუბილიუსი აღნიშნავს, რომ ხედავს რაღაც დონის გაუგებრობას, რაც ასევე შესაძლოა, პოლიტიკურ ლიდერობასთან დაკავშირებულ კრიზისს ეხებოდეს.


„ეს გაუგებრობა არის ორივე პოლიტიკურ ჯგუფში. ვიღაცამ ჩათვალა, რომ რადგან ევროკავშირის ჩართულობა ნიშნავს, რომ საქართველო განსაკუთრებული შემთხვევაა და ევროპა უმაღლეს დონეზეა ჩართული კრიზისის გადაჭრაში, მაშინ პოლიტიკურ ჯგუფებს შეუძლიათ, ეს გამოიყენონ საკუთარი სარგებლისთვის, არა საქართველოს სასარგებლოდ, არამედ ინდივიდუალური პოლიტიკური ჯგუფების სარგებლისთვის, ამან შექმნა გაუგებრობა და მცდარი აღქმა.


სწორედ ამიტომ იყო საჭირო მკაფიო გზავნილი – ასე ვერ გაგრძელდება. საქართველო ან მოაგვარებს კრიზისს ევროკავშირის უმაღლესი პირების რჩევით, დანიელსონის წინადადებით ან საქართველოს მოუწევს გარკვეული საფასურის გადახდა, რადგან პოლიტიკური ლიდერები ამ კრიზისს ვერ აგვარებენ. ეს არ წარმოადგენს სიახელს. ასეთივე მიდგომა გვქონდა მოლდოვის მიმართ და მაშინ ეს დაეხმარა მოლდოვას იმ საკითხის გადაჭრაში. ასე რომ, პირობების წაყენება არ წარმოადგენს სიახლეს. მეტი მეტისთვის და მცირე მცირესთვის – ეს არის პრინციპი, რომელსაც ყოველთვის ვახსენებთ, როდესაც აღმოსავლეთ პარტნიორობაზე ვსაუბრობთ. ეს ნიშნავს, რომ თუ ქვეყანა აკეთებს მეტს, ის მიიღებს მეტს, თუ ქვეყანა ვერ ასრულებს, განსაკუთრებით დემოკრატიის მთავარ პრონციპებს – კანონის უზენაესობას, მართლმსაჯულების დეპოლიტიზაციას, ადამიანის უფლებების დაცვას, მაშინ ამას ქვეყნისთვის შედეგები მოჰყვება. ამას ვამბობთ ღიად და ეს საქართველოს არ უნდა უკვირდეს“, – განაცხადა ანდრიუს კუბილიუსმა.


1tv.ge





ხვალიდან, ქართული არხები შესაძლოა, ფასიანი გახდეს

ხვალიდან, ქართული არხები შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up