ანდრია გვინდიანი - მოსაზრება იმასთან დაკავშირებით, რომ სომხეთს საქართველოზე უფრო ძლიერი ეკონომიკა აქვს - მცდარია

ანდრია გვინდიანი - მოსაზრება იმასთან დაკავშირებით, რომ სომხეთს საქართველოზე უფრო ძლიერი ეკონომიკა აქვს - მცდარია

access_time2020-01-09 14:32:54

ეკონომიკის ექსპერტმა ანდრია გვინდიანმა კომენტარი გააკეთა მამუკა ხაზარაძის მიერ დღეს გაკეთებულ განცხადებულ განცხადებაზე, რომელშიც მან საქართველოსა და სომხეთის ეკონომიკური მდგომარეობა ერთმანეთს შეადარა.


„ამერიკულ დოლარში ორი ქვეყნის ეკონომიკის შედარება სპეკულაციების და პოპულიზმის სივრცეს ტოვებს. კერძოდ, აქ მთავარ როლს თამაშობს ვალუტის კურსი და, შესაბამისად, რომელიმე ვალუტაში ეკონომიკების შედარება ზუსტ სურათს არ იძლევა. სწორედ გაცვლითი კურსის ფაქტორის გამოსარიცხად, საერთაშორისო გამოცდილება საშუალებას იძლევა სხვადასხვა ეკონომიკები საერთაშორისო დოლარებში იქნას შედარებული. ეს არის ერთადერთი სწორი და უტყუარი საშუალება იმის გასარკვევად, თუ რომელი ეკონომიკა არის უფრო დიდი და ძლიერი. შესაბამისად, საერთაშორისო დოლარებში, საქართველოს ეკონომიკა ერთ სულ მოსახლეზე 2018 წლის მონაცემებით 12 ათასი დოლარია, ხოლო სომხეთის 10,3 ათასი. აქედან გამომდინარე, მოსაზრება იმასთან დაკავშირებით, რომ სომხეთს უფრო ძლიერი ეკონომიკა აქვს - მცდარია,“ - განაცხადა ანდრია გვინდიანმა.


ექსპერტის თქმით, სამწუხარო ტრენდია, როდესაც პოლიტიკოსების მხრიდან ეკონომიკური საკითხებით და რიცხვებით პოპულისტური მანიპულაციები მიმდინარეობს. „ცხადია, მათ თავიანთი პოლიტიკური დღის წესრიგი აქვთ, თუმცა პოლიტიკური ქულების მოსაპოვებლად ტყუილების ლაპარაკი არ უნდა იკადრო. მით უმეტეს, ისეთი პოლიტიკოსები, რომლებიც კარგად ერკვევიან ეკონომიკურ საკითხებში, არ უნდა კადრულობდნენ მოტყუებით გაუთვითცნობიერებელი მოსახლეობის შეცდომაში შეყვანას და მოდელირებული რეალობის წარმოჩენას. ასეთი გამონათქვამები არის რიცხვების წვალება სასურველი შედეგისთვის, რაც მიუღებელია,“ - განაცხადა ანდრია გვინდიანმა.


აღსანიშნავია, რომ 2019 წლის 15 ნოემბერს საქართველოს სტატისტიკის ეროვნულმა სამსახურმა ახალი მეთოდოლოგიით დათვლილი მთლიანი შიდა პროდუქტის მონაცემები გამოაქვეყნა, რის შედეგადაც მთლიანი შიდა პროდუქტის დონე 8.6 პროცენტით გაიზარდა, საქართველოს შემთხვევაში აღნიშნული მეთოდოლოგიური ცვლილება ამ დროისთვის საერთაშორისო ორგანიზაციების სტატისტიკურ წყაროებში ჯერ კიდევ არ არის ასახული მაშინ, როდესაც რეგიონის ქვეყნებმა, მათ შორის აზერბაიჯანმა, სომხეთმა, მოლდოვამ, ბელორუსმა, უკრაინამ და სხვა, იგივე მეთოდოლოგიური ცვლილება საქართველოზე რამდენიმე წლით ადრე განახორციელა, რომლის შედეგადაც მათი მშპ-ის მოცულობა წინა მეთოდოლოგიით დათვლილთან შედარებით გაიზარდა - რაც უკვე ასახულია საერთაშორისო სტატისტიკურ მონაცემებში. საქართველოს მონაცემი სავალუტო ფონდის მომდევნო ანგარიშში აისახება.







საქართველოში კორონავირუსით გარდაცვალების პირველი შემთხვევა დაფიქსირდა

საქართველოში კორონავირუსით გარდაცვალების პირველი შემთხვევა დაფიქსირდა
access_time2020-04-04 12:58:05
საქართველოში კორონავირუსით გარდაცვალების პირველი შემთხვევა დაფიქსირდა. ამის შესახებ ​თსსუ პირველ საუნივერსიტეტო კლინიკაში ჟურნალისტებს...

უცხოური მედია: ზოგიერთმა მთავრობამ სხვებთან შედარებით უკეთ გათვალა კრიზისის მოახლოება ამის კარგი მაგალითია საქართველო, რომელმაც ევროპის სხვა სახელმწიფოებზე ბევრად ადრე შეზღუდა მიმოსვლა

უცხოური მედია: ზოგიერთმა მთავრობამ სხვებთან შედარებით უკეთ გათვალა კრიზისის მოახლოება ამის კარგი მაგალითია საქართველო, რომელმაც ევროპის სხვა სახელმწიფოებზე ბევრად ადრე შეზღუდა მიმოსვლა
access_time2020-04-04 12:20:41
  ზოგიერთმა მთავრობამ სხვებთან შედარებით უკეთ გათვალა კრიზისის მოახლოება და შედეგად, მიიღო ზომები, რამაც დადებითი შედეგები მოუტანა შესაბამის ქვეყნებს. ამის კარგი მაგალითია საქართველო, რომელმაც ევროპის სხვა სახელმწიფოებზე ბევრად ადრე შეზღუდა მიმოსვლა. პრემიერ-მინისტრ გიორგი გახარიას მხრიდან ამ ადრე რეაგირებას და მტკიცე გადაწყვეტილებას, რომელსაც ჯანდაცვის მსოფლიო ორგანიზაციამ უდიდესი შეფასება მისცა, მოჰყვა ადრეულ ეტაპზე ყველა ხალხმრავალი სპორტული და კულტურული...

Daily Mail: ჩინეთში ღამურების გაყოდვა და ჭამა განაახლეს

Daily Mail: ჩინეთში ღამურების გაყოდვა და ჭამა განაახლეს
access_time2020-04-04 13:30:22
  კორონავირუსის ეპიდემიის სავარაუდო დასრულების შემდეგ, ჩინელებმა განაახლეს ღამურების ჭამა.   ღამურები ისევე, როგორც მორიელები, და სხვა ეგზოტიკური არსებები, იყიდება ქვეყნის ბაზრობებზე, როგორც ხალხური მედიცინის საშუალებები.   ათასობით ჩინელი გროვდება დიდ ბაზარზე ქვეყნის სამხრეთ-დასავლეთ ნაწილში მდებარე ქალაქ გუილინში.  ეს გიგანტური სავაჭრო ობიექტი გამოიყურება ისევე, როგორც კორონავირუსის გავრცელების დაწყებამდე - ჟანგიანი გალიები...

m²-მა 1 000 სოციალურად დაუცველ ოჯახს საკვები პროდუქტები გადასცა

m²-მა 1 000 სოციალურად დაუცველ ოჯახს საკვები პროდუქტები გადასცა
access_time2020-04-03 17:30:50
m²-მა 1 000 სოციალურად დაუცველ ოჯახს საკვები პროდუქტები გადასცა. m²...

3 აპრილი - ქართული ლარი და სომხური დრამი გამყარდა, თურქული ლირა კი გაუფასურდა

3 აპრილი - ქართული ლარი და სომხური დრამი გამყარდა, თურქული ლირა კი გაუფასურდა
access_time2020-04-03 19:30:08
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...


მსგავსი სიახლეები

up