ანდრია ბასილაია - სუფთა ჰაერი ჩვენს პრიორიტეტად რჩება

ანდრია ბასილაია - სუფთა ჰაერი ჩვენს პრიორიტეტად რჩება

access_time2021-09-16 12:30:00

თბილისის მერის მოადგილის ანდრია ბასილაიას განცხადებით, „ქართული ოცნების“ თბილისის მერობის კანდიდატის კახა კალაძის ხელმეორედ არჩევის შემთხვევაში, აქტიურად გაგრძელდება სამუშაოები, რომელიც დედაქალაქში ეკოლოგიური მდგომარეობის გაუმჯობესებისკენ იქნება მიმართული. ამის შესახებ ბასილაიამ გარემოს დაცვის პოლიტიკის ძირითადი პროგრამების პრეზენტაციაზე განაცხადა.


„სუფთა ჰაერი ჩვენთვის რჩება პრიორიტეტად. ყველა ამ ქალაქში ვცხოვრობთ, გვყავს ოჯახები, შვილები და ძალიან მნიშვნელოვანია, რომ ამ მიმართულებით გაგრძელდეს სამუშაოები. მიუხედავად იმისა, რომ გვაქვს ძალიან მყისიერი შედეგები, დაგეგმილი გვაქვს, რომ სრულად ამოქმედდეს შესაბამისი სტანდარტი, რომელიც ეხება მასალების გადატანა-რეალიზაციას. მომდევნო 4 წლის განმავლობაში ეს სტანდარტი აუცილებლად ამოქმედდება დედაქალაქში და ძალიან დიდ შედეგს გამოიღებს“, - განაცხადა ანდრია ბასილაიამ.


მისივე თქმით, ის ღონისძიებები, რომელიც მოიცავს ამტვერების შემცირების მიზნით, ქალაქში არსებული გრუნტის ბალახით ან მულჩით დაფარვას, ტყის აღდგენას, პარკების რეაბილიტაცია-მოწყობას, ეკომეგობრული ტრანსპორტის ხელშეწყობას, ძველი მუნიციპალური ტრანსპორტის ჩანაცვლებას, ჰაერის ხარისხის გაუმჯობესებას ემსახურება.



პრეზენტაციაზე მერის მოადგილემ ნარჩენების მართვის სტრატეგიაზეც ისაუბრა. მისი თქმით, ეს არის ძალიან სერიოზული მიმართულება, რომელზეც 4 წლის განმავლობაში თბილისის მერიამ დიდი სამუშაო გასწია.


„ევროპის რეკონსტრუქციისა და განვითარების ბანკთან ერთად ჩვენ შევიმუშავეთ სამოქმედო სტრატეგია და სამოქმედო გეგმა და უკვე მომავალი წლიდან კონკრეტული პროექტების განხორციელებას დავიწყებთ. შედეგი კი იქნება ის, რომ თბილისი უკვე ფართომასშტაბიანად გადავა ნარჩენების სეპარირებულ შეგროვებაზე, შემდეგი ნაბიჯი კი იქნება ნარჩენების გადამუშავების დაწყება. ეს ამოცანა უდგას ყველა თანამედროვე ქალაქს, რომ რაც შეიძლება ნაკლები ნარჩენი მოხვდეს ნაგავსაყრელზე. ასევე, ჩვენ ვიცით, რომ არსებული ნაგავსაყრელი პრობლემას წარმოადგენს ადგილობრივი მოსახლეობისთვის, ვინც მასთან ახლოს ცხოვრობს. მნიშვნელოვანი ღონისძიებები გვაქვს დაგეგმილი, რათა ეს დისკომფორტი შემცირდეს. გარდა ამისა, ჩვენი დაპირებაა, რომ მომდევნო 4 წლის განმავლობაში, ჩვენ, ყველა საერთაშორისო სტანდარტის მიხედვით, აუცილებლად დავხურავთ ძველ ნაგავსაყრელს, რომელიც წინა ხელისუფლების დროს „მიაგდეს““, - აღნიშნა მან.

ანდრია ბასილაიას თქმით, ყველა აღნიშნული ღონისძიების განხორციელებით, თბილისი აუცილებლად იქნება უფრო მწვანე ქალაქი, ექნება მეტი სარეკრეაციო სივრცე, უფრო სუფთა ჰაერი და ნარჩენების მართვის თანამედროვე სისტემა.



ინფორმაციას „ქართული ოცნება - დემოკრატიული საქართველოს“ პრესსამსახური ავრცელებს.




რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up