„ანაკლიის პროექტი მამუკა ხაზარაძემ ბიძინა ივანიშვილთან ერთად დაიწყო - შეგვიძლია ვთქვათ, რომ  კონსორციუმის ერთ-ერთი დამფუძნებელი ივანიშვილია“

„ანაკლიის პროექტი მამუკა ხაზარაძემ ბიძინა ივანიშვილთან ერთად დაიწყო - შეგვიძლია ვთქვათ, რომ კონსორციუმის ერთ-ერთი დამფუძნებელი ივანიშვილია“

access_time2020-01-10 20:00:44

„მამუკა ხაზარაძემ ანაკლიის პორტის პროექტი 2014 წელს ბიძინა ივანიშვილთან ერთად დაიწყო,“- ამის შესახებ ტრანსპორტის საკითხებზე მომუშავე პლატფორმა „ჰაბ ჯორჯიას“ აღმასრულებელმა დირექტორმა ვასილ ურუშაძემ რადიო „პალიტრას“ გადაცემაში „საქმე“ განაცხადა.


მისივე თქმით, ივანიშვილი თავიდან ბოლომდე ჩართული იყო ამ პროექტში, მათ შორის კომერციული დაინტერესებაც ჰქონდა.


„მეტიც, შეგვიძლია ვთქვათ, რომ ანაკლიის კონსორციუმის ერთ-ერთი დამფუძნებელი ბიძინა ივანიშვილია, უბრალოდ მას წარმოადგენდა ერთ-ერთი ე.წ. ბიზნესმენი დიმიტრი აბდუშელიშვილი. თუ გადავხედავთ არქივს, ვნახავთ რომ ეს პიროვნება ჩნდება მხოლოდ მაშინ, სადაც საჭიროა ბიძინა ივანიშვილისთვის გარკვეულ ბიზნესმენებთან შუამავლობა. 2014 წელს ანაკლიის კონსორციუმის სამეთვალყურეო საბჭოში იყვნენ: მამუკა ხაზარაძე, ბადრი ჯაფარიძე და დიმიტრი აბდუშელიშვილი. ანაკლიის კონსორციუმში აბდუშელიშვილმა 70 მლნ დოლარის ინვესტირება გააკეთა, ანუ ყველაზე მეტი თანხა როგორც ინვესტორმა, კერძო პირმა, სწორედ მან განახორციელა.


„შესაბამისად, სახეზე გვაქვს სურათი, რომ ბიძინა ივანიშვილმა მამუკა ხაზარაძესთან ერთად დაიწყო ეს პროექტი და არსებობს რამდენიმე ვერსია - ივანიშვილს ან წინასწარ ჰქონდა დაგეგმილი რომ „აეფეთქებინა“ მამუკა ხაზარაძე ან დაედო ფსონი და უფრო მაღალი შემოსავლებით გაეყიდა. ასევე კიდევ ერთი ვერსიით, შეიძლება მას გულწრფელად უნდოდა პორტის აშენება, არაპირდაპირ, თუმცა ირიბად ფინანსურადაც ჩაერთო, მაგრამ შემდეგ რუსეთის მხრიდან დაიწყო ზეწოლა ივანიშვილზე და მან უბრალოდ, დატოვა თამაში. ასევე შეიძლება, რომ ივანიშვილმა მიზანმიმართულად დადო ეს ფსონი - იცოდა რომ რუსეთისგან სერიოზული რეაქცია მოყვებოდა ამ ყველაფერს, მაგრამ გეგმავდა რომ სავაჭროდ გამოიყენებდა რუსეთთან ურთიერთობაში.



„როდესაც ივანიშვილი იყო ჩართული, პროექტს ხელისუფლებაც მხარს უჭერდა, თუმცა, უცებ რიტორიკა იცვლება. შემდეგ, დიმიტრი აბდუშელიშვილი და მამუკა ბახტაძე (იმ დროს ფინანსთა მინისტრი) მართავენ კონფერენციას, რომ აბდუშელიშვილის ინვესტირებით (თუ ზუსტად მახსოვს 22 მლნ დოლარი) ხდება ბათუმის პორტის განვითარება. ხომ ინტერესთა კონფლიქტია?! ადამიანი არის ერთ-ერთი ინვესტორი ანაკლიის პორტში და შემდეგ ფინანსთა მინისტრთან (ჯერ კიდევ არ იყო მაშინ ბახტაძე პრემიერი) ერთად აწყობს კონფერენციას, რომ ბათუმის პორტში განახორციელებს ინვესტირებას. ეს იყო 1-ლი სიგნალი რომ თამაშის წესები არის შეცვლილი, შემდეგ პრემიერიც იცვლება და იცვლება მთლიანად ხელისუფლების რიტორიკაც.


ჩემი აზრით, მამუკა ხაზარაძის როგორც ბიზნესმენისთვის მთავარი ერთადერთი შეცდომა იყო, ის რომ მოლაპარაკებებში ბიძინა ივანიშვილთან შევიდა და ვერ გათვალა, რომ ის ღირებულბები რაც მისთვის მნიშვნელოვანია, ივანიშვილისთვის არ წარმოადგენს მნიშვნელოვანს. ესენია: საერთაშორსო დონეზე ურთიერთობები და ავტორიტეტი. შედეგად, მამუკა ხაზარაძე დარჩა მარტო და ის ან უნდა გადაქცეულიყო რიგით „გადამგდებად“ და გამოეცხადებინა საერთაშორისო ორგანიზაციებისთვის, რომ გადაიფიქრა პორტის მშენებლობა, (ივანიშვილი არც კი ფიგურირებდა და მისთვის ეს არანაირ პრობლემას წარმოადგენდა. ხაზარაძისთვის კი ეს სერიოზული დარტყმა იქნებოდა) ან მარტოს გაეგრძელებინა ეს პროექტი.


თუმცა, უნდა ითქვას, რომ ხაზარაძის გაჩერება ბიძინა ივანიშვილს და „ქართულ ოცნებას“ ძვირი დაუჯდა, რადგან მან დამოუკიდებლად მაინც შეძლო რომ გარკვეულ ეტაპამდე აეწია ეს პროექტი და იძულებული გახდა „ქართული ოცნება“, რომ საქმეც კი აღეძრა, რათა ის გარკვეული დოზით დაემუხრუჭებინა,“- განაცხადა ურუშაძემ.


bpn.ge





ბიზნესმენი კახა ოქრიაშვილი სპეციალურ განცხადებას ავრცელებს

ბიზნესმენი კახა ოქრიაშვილი სპეციალურ განცხადებას ავრცელებს
access_time2020-07-09 13:25:44
ბიზნესმენი კახა ოქრიაშვილი სპეციალურ განცხადებას ავრცელებს, რომელსაც „კომერსანტი“ უცვლელად გთავაზობთ: „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) ე.წ. წინასაარჩევნო პერიოდის შუალედური ანგარიში წარმოადგინა, სადაც ჩემს მიერ, 16 000 ოჯახისთვის პირველადი მოხმარების საკვები პროდუქტის მიწოდება „წინასაარჩევნო მოსყიდვადაა“ შეფასებული. მინდა, საზოგადოებისთვის რამდენიმე მიმართულებით გავაკეთო განმარტება: სამართლებრივ ჭრილში, საარჩევნო კოდექსის 47-ე მუხლის...

„თეგეტა მოტორსი“ და „ლილო-მოლი“ 2019 წელს „ქართული ოცნების“ მსხვილი დამფინანსებლები იყვნენ-TI

„თეგეტა მოტორსი“ და „ლილო-მოლი“ 2019 წელს „ქართული ოცნების“ მსხვილი დამფინანსებლები იყვნენ-TI
access_time2020-07-09 13:30:02
„საერთაშორისო გამჭვირვალობა-საქართველოს“ კვლევის მიხედვით, წლების განმავლობაში მმართველი პარტიის დამფინანსებლებს შორის ჩამოყალიბდა რამდენიმე მსხვილი ჯგუფი, რომლებიც თითქმის ყოველ არჩევნებზე „ქართულ ოცნებას” დიდ თანხებს ურიცხავენ. „ყველა ამ ბიზნესჯგუფს ერთი საერთო...

მაყურებლებს განახევრებული რაოდენობით ვღებულობთ – „ბათუმის დელფინარიუმი“ ტურისტების მოლოდინში

მაყურებლებს განახევრებული რაოდენობით ვღებულობთ – „ბათუმის დელფინარიუმი“ ტურისტების მოლოდინში
access_time2020-07-09 14:30:05
„დელფინარიუმი თითქმის 3 თვიანი პაუზის შემდეგ 30 ივნისს გაიხსნა, ამჟამად მსურველებს, ორშაბათის გარდა, ყოველდღე ვმასპინძლობთ, 16:00 საათზე, სამომავლოდ მოთხოვნის შესაბამისად დავამატებთ წარმოდგენებს. ბილეთის ფასი არ შეცვლილა.ამ ეტაპზე, ტრადიციულად, სრული ანშლაგია, თუმცა...

წელს ყურძნის მინიმალური ფასი 80 თეთრი იქნება

წელს ყურძნის მინიმალური ფასი 80 თეთრი იქნება
access_time2020-07-09 11:07:40
მთავრობამ მიიღო გადაწყვეტილება, მოახდენს რთველის სუბსიდირებას, განსაკუთრებით ისეთი ჯიშების, როგორიც არის რქაწითელი და კახური მწვანე, რომლის ფასიც არ იქნება 80 თეთრზე ნაკლები, - ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა. როგორც გიორგი გახარიამ აღნიშნა, ამისთვის ბიუჯეტი უკვე გამოყოფილია და შესაბამისი დავალება სოფლის მეურნეობის სამინისტროს აქვს მიღებული. „თუ საჭირო იქნა, სახელმწიფოც ჩაერთვება შესყიდვებში, იმ...

აკვაპარკი Gino Paradise-ი დღეს იხსნება

აკვაპარკი Gino Paradise-ი დღეს იხსნება
access_time2020-07-09 10:48:13
ქვეყანაში პირველი მსხვილი აკვაპარკი Gino Paradise-ი დღეს იხსნება. ამის შესახებ კომპანიამ საკუთარ ფეისბუქ გვერდზე დაწერა.„მოვიდა ნანატრი დრო! გავიარეთ ყველანაირი შემოწმება და დღეს, 9 ივლისს ვიხსნებით! დიდი ხნის განშორების შემდეგ, მოუთმენლად ველოდებით თქვენთან შეხვედრას მზის მცხუნვარე სხივებისგან გაგრილება, ჩვენს გრილ, ჩუხჩუხა აუზებში დღეიდან შეგიძლიათ! მზე, აუზები, სრრიალ-ბზზრიალა ტობოგანები, წყლის ატრაქციები, უგემრიელესი კოქტეილები - ესაა ყველაფერი, რაც ნანატრი...


მსგავსი სიახლეები

up