"ანაკლიის პორტში შემოდის არა SSA MARINE, არამედ მისი პარალელური კომპანია - SSA INTERNATIONAL"

access_time2019-03-11 11:06:10

ანაკლიის პორტში შემოდის არა SSA Marine, არამედ SSA International, რომელიც უმსხვილესი საერთაშორისო კომპანიის ერთ-ერთი შემადგენელი ნაწილია,- ამის შესახებ ინფრასტრუქტურის მინისტრმა მაია ცქიტიშვილმა ტელეკომპანია “იმედის” პირდაპირ ეთერში, გადაცემა “იმედი Live”-ში განაცხადა.


მისი თქმით, ჯერ კიდევ გიორგი კვირიკაშვილის პრემიერმინისტრობის დროს ყველამ ნახა, როგორ მოეწერა ხელი “ანაკლიის განვითარების კონსორციუმსა” და კომპანია SSA MARINE-ს შორის ხელშეკრულებას ინვესტიციის განხორციელების თაობაზე.


“სამწუხაროდ, დღეს კონსორციუმს შემოთავაზებულილ აქვს ჩვენთვის არა SSA Marine-ის, არამედ მისი პარალელური კომპანიის, ერთ ჯგუფში შემავალი, პარალელური ორგანიზაციის SSA International-ის შემოსვლა და არა SSA Marine-ის”,- აცხადებს მაია ცქიტიშვილი.


მისი თქმით, SSA Marine ნამდვილად არის მსოფლიოში 250-მდე პორტის ოპერატორი, რასაც ვერ იტყვის SSA International-ზე. მინისტრის განცხადებით, ეს კომპანიაც მართავს პორტებს, თუმცა, არა იმ მასშტაბითა და რაოდენობით, როგორც SSA Marine.


“მთავარი პრობლემა სხვა რამეშია, სამწუხაროდ, SSA International ამ პროექტში იქნება წარმოდგენილი მხოლოდ 5 ამერიკელი თანამშრომლით.



გარდა ამისა, როცა ვსაუბრობთ პორტის ოპერატორზე, მოიაზრებოდა როგორც სახელმწიფოს, ასევე კონსორციუმის მხრიდან, როდესაც ის კონკურსში შემოდიოდა, ჰქონდა შემოთავაზებული 12 თუ 17 დიდი პორტის ოპერატორი კომპანიები. ახლა ჩვენ გვაქვს ალტერნატიული მოდელი, როცა კომერციულ რისკებს საკუთარ თავზე იღებს კონსორციუმი, ასევე, კონსორციუმისა და SSA International-ის მიერ დაფუძნებული კიდევ სხვა ქართული კომპანია, რომელშიც იმუშავებს 5 ამერიკელი მენეჯერი და ამ კომპანიამ უნდა წარმართოს პორტის კომერციული მართვა.

სამწუხაროდ, ეს არღვევს ინტერესთა გამოხატვის პირობასაც, სულისკვეთებასაც”,- აცხადებს ცქიტიშვილი.


ამავე გადაცემაში მინისტრს უპასუხა “ანაკლიის განვითარების კონსორციუმის” ხელძღვანელმა ლევან ახვლედიანმა. მისი თქმით, სახელმწიფოს აქამდე პრეტენზია არ გამოუთქვამს იმ მართვის სტრუქტურაზე, რაც ანაკლიის განვითარების კონსორციუმს აქვს წარმოდგენილი. ახვლედიანის თქმითვე, SSA Marine-ის სტრატეგიაა, რომ ყველა ქვეყანაში, სადაც შედის აფუძნებს ადგილობრივ კომპანიას, რომლის მეშვეობითაც მართავს პორტებს.


“ტვირთბრუნვაზე ჩვენი სტრატეგიული ინვესტორი SSA Marine-ია, მას მრავალწლიანი გამოცდილება აქვს ამ ინდუსტრიაში და ტვირთბრუნვის მოზიდვის კუთხით არანაირი პრობლემა არ შეექმნება ანაკლიის პორტს.


ის სტრუქტურა, რაც გვაქვს ოპერატორთან მიმართებაში SSA Marine-თან მიმართებაში, არ გამოუთქვამთ არანაირი წინააღმდეგობა დღემდე, მათთვის ეს სტრუქტურა მისაღები იყო. იურიდიულად თუ ვისაუბრებთ, SSA Marine ყველა ქვეყანაში აფუძნებს კომპანიას, რომლის მეშვეობითაც მართავს პორტებს”,- აცხადებს ლევან ახვლედიანი.


bm.ge






დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას ახდენს, ქვეყანაში...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა
access_time2020-07-04 17:30:40
დას­ვე­ნე­ბის სე­ზო­ნი მალე აქ­ტი­ურ ფა­ზა­ში შევა, დამ­სვე­ნე­ბელ­თა დიდი ნა­წი­ლი კი, სა­ქარ­თვე­ლო­ში არ­სე­ბულ კუ­რორ­ტებს შე­არ­ჩევს. სა­ინ­ტე­რე­სოა, წელს სად შე­იძ­ლე­ბა ხა­რის­ხი­ა­ნად დას­ვე­ნე­ბა და მნიშ­ვნე­ლო­ვა­ნი და­ნა­ზო­გე­ბის გა­კე­თე­ბა. რო­მე­ლი სას­ტუმ­რო­ე­ბია ყვე­ლა­ზე მო­თხოვ­ნა­დი და რო­გო­რია მათი ფა­სე­ბი? ამის შე­სა­ხებ  HOTSALE.GE-ს დი­რექ­ტორს თა­თუ­ლი ზა­კა­ლაშ­ვილს...

ნიუ-იორკის უძრავი ქონების ბაზარი ჩამოიშალა

ნიუ-იორკის უძრავი ქონების ბაზარი ჩამოიშალა
access_time2020-07-04 13:00:42
კორონავირუსის გამო შემოღებული 3 თვიანი კარანტინი აშშ-ში უძრავი...

გერმანიაში 2038 წლისთვის ქვანახშირის ყველა ელექტროსადგურს დაკეტავენ

გერმანიაში 2038 წლისთვის ქვანახშირის ყველა ელექტროსადგურს დაკეტავენ
access_time2020-07-04 11:30:07
გერმანიაში 2038 წლისთვის ქვანახშირის ყველა ელექტროსადგურს...


მსგავსი სიახლეები

up