“თუ ტამანის პორტის მშენებლობა ანაკლიის პორტზე ადრე დაიწყება, მაშინ ქართული პროექტი აქტუალობას დაკარგავს“ - დეპუტატების პოზიცია  ამ მოსაზრებაზე

“თუ ტამანის პორტის მშენებლობა ანაკლიის პორტზე ადრე დაიწყება, მაშინ ქართული პროექტი აქტუალობას დაკარგავს“ - დეპუტატების პოზიცია ამ მოსაზრებაზე

access_time2019-09-19 11:15:20

2016 წელს საქართველოს ეკონომიკისთვის, სტრატეგიული და პოლიტიკური თვალსაზრისით ერთ-ერთი უმნიშვნელოვანესი ანაკლიის ღრმაწყლოვანი ნავსადგურის პროექტის განხორციელება დაიწყო, თუმცა 3 წლის შემდეგ ანაკლიის პორტი პოლიტიკური დაპირისპირების ერთ-ერთი მთავარი მიზეზია. ინფრასტრუქტურის სამინისტროს მხრიდან არაერთი განცხადება გავრცელდა, სადაც საუბარია „ანაკლიის განვითარების კონსორციუმის“ მხრიდან ვალდებულებების შეუსრულებლობაზე. უწყება მიუთითებს, რომ ანაკლიის პორტის მშენებლობისთვის დაფინანსების მოძიება კვლავ მიუღწეველი ჩანს და რომ დაფინანსების მოძიების ვადების დარღვევის გამო, პორტის მშენებლობა 2 წლით, 2022 წლამდე გადაიწევს.

 

ამის პარალელურად, ექსპერტები ამბობენ, რომ განცხადებები, რომელიც მინისტრთა კაბინეტის წევრების მიერ კეთდება, ანაკლიის ღრმაწყლოვანი პორტის პროექტის ჩაძირვისკენ არის მიმართული. მათი თქმით, სახელმწიფო დეკლარირებულად აცხადებს, რომ არ არის წინააღმდეგი პროექტის განხორციელების, მაგრამ, რეალურად, ყველაფერს აკეთებენ იმისთვის, რომ სტრატეგიული ობიექტის მშენებლობა შეფერხდეს. მიზეზად კი უკვე ღიად სახელდება რუსეთის ინტერესები. ამ არგუმენტს ამყარებს შავ ზღვაში, კერძოდ ქერჩის სრუტეში ტამანის ღრმაწყლოვანი პორტის მშენებლობა, რომლის პროექტზე საუბარიც ჩვენმა არც თუ კეთილმოსურნე მეზობელმა მხოლოდ ერთი წლის წინ დაიწყო და საკუთარი ხელისუფლების მხარდაჭერით, უკვე რეალური განხორციელებისთვისაც ემზადება.


ამ ფონზე, ქართველი ექსპერტები ვარაუდობენ  თუ ტამანის მშენებლობა ანაკლიის პორტზე ადრე დაიწყებოდა, მაშინ ქართული პროექტი აქტუალობას დაკარგავდა.

 


რას ფიქრობენ ამ მოსაზრებაზე „ქართული ოცნების“ ეკონომიკური გუნდის დეპუტატები და ინაწილებენ თუ არა პასუხისმგებლობას სტრატეგიული ობიექტის მშენებლობის გაჭიანურებაში.


ტამანის ღრმაწყლოვანი პორტის შესახებ ინფორმაცია არ აქვს დარგობრივი ეკონომიკისა და ეკონომიკური პოლიტიკის კომიტეტის წევრს დიმიტრი ხუნდაძეს. 


როცა სახელმწიფოს აქვს გაცხადებული საგარეო მიმართულება და ანაკლიის პორტი არის ერთ-ერთი როგორც პოლიტიკური, ასევე ეკონომიკური და უსაფრთოხების კუთხით მნიშვნელოვანი პროექტი, როგორ შეიძლება სერიოზული კომენტარის გაკეთება მსგავს შეფასებაზე. ანაკლიის პორტი არის სახელმწიფოს ინტერესში, რაც ყველამ უნდა იცოდეს, ეს ასე რომ არ ყოფილიყო მაშინ ტენდერსაც არ გამოაცხადებდა. მიწები გამოისყიდა და უმეტესი ნაწილი იქნა გადაცემული კონსორციუმისთვის, რომელმაც ვერ შეასრულა თავისი ვალდებულებები, ანაკლიის პორტი აუცილებლად აშენდება,  პასუხობს “კომერსანტ“ დეპუტატი ხუნდაძე.

 


  • როდესაც ანაკლიის ღრმაწყლოვანი პორტის მშენებლობა უნდა დაწყებული (2016 წელს) მაშინ ტამანის ღრმაწყლოვანი პორტის (2018 წელს) შესახებ საუბარი არ ყოფილა, თუმცა ტამანის პორტის განვითარება უკვე დაიწყო- როგორ აფასებთ ამ ფაქტს?

 

 

ჩვენ სხვა ქვეყნის შიდა საქმეებში არ ვერევით, თუნდაც ეს იყოს პორტის მშენებლობა. ჩვენ გვაქვს ჩვენი სტრატეგია. ყველაფრის მიუხედავად ანაკლიის პროექტი  განხორციელდება  

 

 

  • იგეგმება, რომ რუსეთის მთავრობა ტამანი პორტის პროექტში 2.3 მლრდ, ხოლო კერძო ინვესტორები 2.4 მილიარდ დოლარს ჩადებენ. ჩვენ ხელისუფლებას კი ვალდებულების აღება არ სურს. თქვენი აზრით, ხელისუფლებამ უნდა მიიღოს გადაწყვეტილება და აიყვანოს ანაკლიის პროექტი კონტროლქვეშ ?

 

რა თქმა უნდა, პროექტი აყვანილია კიდეც კონტროლზე. სახელმწიფო წილობრივად შედის საკმაოდ სოლიდური თანხით 100 მლნ. მაგრამ პირობები უნდა იყოს სახელმწიფო ინტერესებიდან გამომდინარე, კონსორციუმმა ეს ვალდებულებები ვერ შეასრულა მათ ჰქონდათ მოთხოვნები არა სატენდერო პირობებიდან, მათ უნდოდათ ტვირთებზე გარანტია სახელმწიფოს აეღო და კიდევ სხვა ფინანსური ვალდებულებები, რაც ტენდერის პირობებში არ ყოფილა გაწერილი, სახელმწიფო მათ ინტერესებს ვერ აყვება . ასე რომ მთავარი არის სახელმწიფო ინტერესები, ამ ინტერესებში კი ჯდება ის, რომ უნდა არსებობდეს ღრმაწყლოვანი პორტი.

 

  • ის რომ ანაკლიის პროექტი დროში გაიწელა მხოლოდ „ანაკლიის განვითარების კონსორციუმის“ ბრალია და სახელმწიფო როლს ვერ ხედავთ?

 

ანაკლიის კონსორციუმს რამდენჯერმე გადაუვადა საინვესტიციო ხელშეკრულებით გათვალისწინებული ვალდებულებები, ეს ვერ იქნება უსასრულოდ, არა რეალურ მოთხოვნებში სახელმწიფო ვერ აყვება ტენდერში მოგებულ კომპანიას.


 

რევაზ არველაძე- „ქართული ოცნება - დემოკრატიული საქართველო“


  • როგორ აფასებთ იმ აზრს, რომ სახელმწიფო ყველაფერს აკეთებენ იმისთვის, რომ რუსეთმა  გაცილებით ადრე დაიწყოს ტამანის ღრმაწყლოვანი პორტის აშენება ვიდრე ანაკლიის პორტი?

 

რა თქმა უნდა, ეს მოსაზრება არასწორია. ზოგადად ნებისმიერი ობიექტის მშენებლობას სჭირდება თანხა, როდესაც ამის მოძიებაზეა საუბარი, აქ ზოგი წყალქვეშა და ზოგი პირდაპირ რომ ჩანს ისეთი შემაფერხებელი ფაქტორები არსებობს  არ ვიცი ეს იქნება ოპოზიციური პარტიები თუ ქვეყნის წინააღმდეგ განწყობილი ძალები. მეორეს მხრივ პირდაპირ ჩანს, რომ პირდაპირი ხელის შეშლაც ხდება, როდესაც საუბარია იმაზე, რომ საქართველო საშიში ქვეყანაა და აქ რუსეთის  მიერ დასმული ხელისუფლებაა და ა.შ. გარკვეულწილად ინვესტორები იკავებენ თავს, არ არის საუბარი იმაზე, რომ აღარავინ ჩადებს ფულს მაგრამ, როდესაც ერთ თვით გადადე, ორი თვით გადადე, გამოდის, რომ თითქოს ჩვენი ხელისუფლება თვითონ ამუხრუჭებს, რაც ნამდვილად არ არის ესე. რა თქმა უნდა, ეს არ არის კარგი, რაც უფრო მალე გაკეთდება ასეთი პროექტები, მით უფრო კარგია საქართველოსთვის.

 

  • იგეგმება, რომ რუსეთის მთავრობა ტამანი პორტის პროექტში 2.3 მლრდ, ხოლო კერძო ინვესტორები 2.4 მილიარდ დოლარს ჩადებენ. თქვენი აზრით ხელისუფლებამ უნდა მიიღოს გადაწყვეტილება და აიყვანოს ანაკლიის პროექტი კონტროლქვეშ ?

 

საერთოდ ყველა მსხვილი პროექტი უნდა იყოს სახელმწიფო კონტროლის ქვეშ, იქნება ეს კერძო თუ სახელმწიფო პროექტი.

 

  • არის თუ არა შესაძლებელი, რომ  რუსულმა პროექტმა ქართულ ღრმაწყლოვან პორტს მნიშვნელობა და ფუნქცია დაუკარგოს. და თუ ასე მოხდება, თვლით, რომ ამაში შეიძლება თქვენი, საპარლამენტო უმრავლესობის პასიური დამოკიდებულებაც იყოს მიზეზი?

 

ტვირთების ნაკადების რაოდენობა იმდენად არის გაზრდილი, რომ არ მგონია ეს მოხდეს. კიდევ ერთხელ ვაფიქსირებ, რომ ხელისუფლება დაინტერესებულია ამ პროექტის განხორციელებით.

 

 

 

 ბაჩო ადამია

 





მაისში ინფლაციამ 6.5% შეადგინა

მაისში ინფლაციამ 6.5% შეადგინა
access_time2020-06-03 15:35:20
2020 წლის მაისში წინა თვესთან შედარებით ინფლაციის დონემ საქართველოში 0.2 პროცენტი, ხოლო წლიური ინფლაციის დონემ 6.5 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის მაისში, გასული წლის შესაბამის პერიოდთან შედარებით 5.9 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 5.4 პროცენტით განისაზღვრა. ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ...

კახა კალაძე არ ადასტურებს ინფორმაციას, რომ გიორგი გახარიამ თანამდებობა დატოვა

კახა კალაძე არ ადასტურებს ინფორმაციას, რომ გიორგი გახარიამ თანამდებობა დატოვა
access_time2020-06-03 14:41:33
დედაქალაქის მერი კახა კალაძე არ ადასტურებს გავრცელებულ ინფორმაციას, რომ პრემიერ-მინისტრმა გიორგი გახარიამ თანამდებობა დატოვა.როგორც კალაძე „ინტერპრესნიუსთან“ აცხადებს, ეს ინფორმაცია ტყუილია. „ტყუილია, არ არის ეს სწორი ინფორმაცია“, - განუცხადა შესაბამისი კითხვის პასუხად კალაძემ ჟურნალისტებს. ცნობისთვის, ვრცელდება ინფორმაცია, რომ პრემიერ-მინისტრი გიორგი გახარია თანამდებობას ტოვებს.მთავარი არხის ინფორმაციით,გუშინ ბიძინა ივანიშვილსა და გახარიას შეხვედრა...

კრწანისის რეზიდენციის აუზის გახსნამდე 7 დღე დარჩა - ღია აუზები კიდევ რამდენიმე რეგულაციას ელოდებიან

კრწანისის რეზიდენციის აუზის გახსნამდე 7 დღე დარჩა - ღია აუზები კიდევ რამდენიმე რეგულაციას ელოდებიან
access_time2020-06-03 16:15:28
აუზების გახსნამდე 7 დღე დარჩა, მათი მფლობელები კი დღემდე რეგულაციიების საბოლოო ვარიანტს ელოდებიან . მათთვის დღემდე უცნობია რამდენი სტუმრის მიღებას შეძლებენ დღის განმავლობაში.   ღია აუზები 10 ივნისიდან იხსნება, მათ შორის  კრწანისის რეზიდენციის აუზიც.  როგოროც „კომერსანტს“ აუზის ადმინისტრაციაში განუცხადეს, სივრცე გახსნისთვის მზადაა და მხოლოდ ბოლო მითითებას...

ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი გადაწყვეტილებების მიღებაში ადანაშაულებს

ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი  გადაწყვეტილებების მიღებაში ადანაშაულებს
access_time2020-06-03 13:00:40
2 ივნისს თბილისის საქალაქო სასამართლოს მიერ გავრცელებულ განცხადებას, რომელიც თავის მხრივ, კომპანია „ლიდერფუდის“ დამფუძნებლის, დავით ზეიკიძის ადვოკატ არჩილ კბილაშვილის მიერ 29 მაისს გამართულ პრეს-კონფერენციას მოჰყვა, ადვოკატი საპასუხო განცხადებით გამოეხმაურა. კბილაშვილის განცხადებას უცვლელად გთავაზობთ: „ჩემს მიერ 29 მაისს ჩატარებულ პრეს-კონფერენციას გამოხმაურება მოჰყვა, როგორც მოწინააღმდეგე მხარის, ასევე თბილისის საქალაქო სასამართლოს მხრიდან. უწინარეს ყოვლისა,...

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს
access_time2020-06-03 12:13:46
საქართველოს ბიზნეს ასოციაცია მხარს უჭერს თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს - ამის შესახებ  საქართველოს ბიზნეს ასოციაციის აღმასრულებელი დირექტორი, ლევან ვეფხვაძე საუბრობს.  მისი ინფორმაციით, უკანასკნელ პერიოდში საქართველოს ბიზნეს ასოციაციამ არაერთხელ მიაწოდა საზოგადოებას ინფორმაცია იმ მანკიერი პრაქტიკის შესახებ, რომელიც თან ახლავს თხევადი გაზის...


მსგავსი სიახლეები

up