ანაკლიის განვითარების კონსორციუმის ინვესტორების ვინაობა ხვალ გაირკვევა

ანაკლიის განვითარების კონსორციუმის ინვესტორების ვინაობა ხვალ გაირკვევა

access_time2019-10-14 20:04:25

„ანაკლიის განვითარების კონსორციუმს“ ვალდებულებების შესრულების ვადა ხვალამდე, 15 ოქტომბრამდე აქვს. როგორც ანაკლიის ღრმაწყლოვანი ნავსადგურის განვითარების სააგენტოს ხელმძღვანელმა დავით ჯავახაძემ თქვა, კონსორციუმმა ხვალ დღის ბოლომდე უნდა წარადგინოს სავალდებულო დოკუმენტი, რომელიც მის მიერ კაპიტალის სრულად შევსებას ადასტურებს. ასევე კონსორციუმმა უნდა წარადგინოს დოკუმენტი, რომელიც ინვესტორი ბანკების მხრიდან სასესხო დაფინანსების მოპოვებას შეეხება.

დავით ჯავახაძის განმარტებით, თუ ინვესტორი ვალდებულებებს ვერ ასრულებს, სახელმწიფოს ამ ვადის გახანგრძლივება შეუძლია, ასევე ალტერნატივაა ხელშეკრულების შეწყვეტაც. გადაწყვეტილებას კომისია იღებს, რომელსაც პრემიერმინისტრი გიორგი გახარია ხელმძღვანელობს.

ანაკლიის კონსორციუმის გენერალური დირექტორი ლევან ახვლედიანი კი ვადის ამოწურვამდე ერთი დღით ადრე სამ ინვესტორზე საუბრობს. ერთი ინვესტორი აქამდეც იყო ცნობილი - "მერიდიანი", მეორე ინვესტორი - ჰოლანდიური "ვან ორდი" და მესამე ინვესტორი, როგორც გაირკვა ამერიკული საინვესტიციო ფონდია, თუმცა ლევან ახვლედიანმა მისი დასახელებისგან თავი შეიკავა და თქვა, რომ მთავრობა ამის შესახებ ინფორმირებულია.

ლევან ახვლედიანს არც ის უთქვამს კონკრეტულად რა პირობებით მივიდნენ ინვესტორები მთავრობასთან. ახვლედიანი ამბობს, რომ ის კონფიდენციალობის პირობებს იცავს და შესაბამისად, დეტალებზე დღეს არ საუბრობს. 

 „ანაკლიის განვითარების კონსორციუმმა“ ცოტა ხნის წინ ხელისუფლებას ორი მსხვილი საერთაშორისო ინვესტორი წარუდგინა. როგორც მამუკა ხაზარაძემ სხვადასხვა მედიასაშუალებასთან ინტერვიუში განაცხადა, კონსორციუმმა ინფრასტრუქტურის სამინისტროს ბრიტანული წარმომავლობის ინვესტორი შესთავაზა, თუმცა მთავრობისგან უარი მიიღო. 


ანაკლიის ღრმაწყლოვანი პორტის მშენებლობა 2017 წლის დეკემბერში დაიწყო. პორტის პირველი ფაზის მშენებლობის დასრულება და პირველი გემების მიღება 2020 წლის ბოლოსკენ იგეგმებოდა.

26 ივლისს ცნობილი გახდა, რომ საქართველოს გენერალური პროკურატურის მიერ „თიბისი ბანკის საქმეზე“ დაწყებული გამოძიების გამო, ბადრი ჯაფარიძემ და მამუკა ხაზარაძემ ანაკლიის მმართველი საბჭოს თავმჯდომარისა და თავმჯდომარის მოადგილის თანამდებობის დატოვების გადაწყვეტილება მიიღეს. 

ასევე, ცოტა ხნის წინ ანაკლიის პროექტი მსხვილმა ამერიკულმა ინვესტორმა - „კონტი ჯგუფმა“ დატოვა

ამ ეტაპზე კონსორციუმი მთავრობასთან ინვესტორებთან დაკავშირებით მოლაპარაკებას აწარმოებს.

Imedinews 

თეგები:
ანაკლია



დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში

გიორგი კაპანაძე – აზარტული თამაშების ბრუნვა 14 მილიარდამდე იყო, საიდანაც 200 მილიონამდე თანხაა გადახდილი ბიუჯეტში
access_time2020-07-05 11:30:02
აზარტული თამაშების რეგულირებასთან დაკავშირებით პარლამენტის ვიცე-სპიკერი გია ვოლსკი აცხადებს, თუკი ამ ბიზნესს ჩავკეტავთ, იგი იატაკქვეშ გადაინაცვლებს და გაცილებით უფრო მძიმე მაფიოზური სიტუაცია შეიქმნება. როგორ უნდა ავიცილოთ თავიდან მსგავსი სიტუაცია, რომ...

ტრამპი ბაიდენს თითქმის ყველა გამოკითხვაში ჩამორჩება

ტრამპი ბაიდენს თითქმის ყველა გამოკითხვაში ჩამორჩება
access_time2020-07-04 20:00:13
ამერიკის საპრეზიდენტო არჩევნებამდე 5 თვეზე ნაკლები დრო რჩება. რესპუბლიკელი პრეზიდენტი დონალდ ტრამპი კი ეროვნული მასშტაბით ჩატარებულ გამოკითხვებში მნიშვნელოვნად ჩამორჩება მის სავარაუდო მეტოქეს დემოკრატიული პარტიიდან. დემოკრატი ჯო ბაიდენი, შეერთებული შტატების ყოფილი ვიცე-პრეზიდენტი მას ისეთ შტატებშიც კი უსწრებს, რომელიც ტრადიციულად კონსერვატიული არჩევანით იყო ცნობილი. ასეთებია მაგალითად, მისური და ტეხასი. პრეზიდენტს დღეს ფართოდ აკრიტიკებენ პანდემიის ცუდად მართვისთვის. შეერთებული...

რა ღირს აგარაკის დაქირავება ზაფხულში

რა ღირს აგარაკის დაქირავება ზაფხულში
access_time2020-07-05 13:00:54
სეზონზე აგარაკების დაქირავებაზე მოთხოვნა მცირედით გაზრდილია, თუმცა, ფასები არ შეცვლილა. ამის შესახებ „ბიზნესპრესნიუსს“ SS.ge-ში...


მსგავსი სიახლეები

up