„ ინფრასტრუქტურული პროექტების განხორციელების დროს,  ერთი კომპანია უნდა იყოს  პასუხისმგებელი როგორც დაპროექტებაზე, ისე მის მშენებლობაზე “ -  ანა საბახტარაშვილი

„ ინფრასტრუქტურული პროექტების განხორციელების დროს, ერთი კომპანია უნდა იყოს პასუხისმგებელი როგორც დაპროექტებაზე, ისე მის მშენებლობაზე “ - ანა საბახტარაშვილი

access_time2019-10-10 10:00:13

რამდენიმე დღის წინ,დედაქალაქის მერმა, კახა კალაძემ  გზების მშენებელი კომპანიები გაჭიანურებული სამუშაოების გამო გააკრიტიკა. “დაიბარეთ ორივე კომპანია („ენსისი“ და „ინშაათ საქართველო“) და ბოლო გაფრთხილება მიეცით, ბოლო-ბოლო ჩამოვიყვანთ უცხოელებს და ვანახებთ როგორ უნდა განხორციელდეს ქალაქში სხვადასხვა ინფრასტრუქტურული სამუშაოები”,- განაცხადა კალაძემ.


„კომერსანტი“ არაერთხელ წერდა იმ პრობლემებზე, რის გამოც კომპანიებს პროექტების დასრულება უჭიანურდებათ. დარგის სპეციალისტების განცხადებით, რა თქმა უნდა, არსებობენ  არაკეთილსინდისიერი კომპანიებიც, ვინც ფულს იღებს და სამუშაოებს ვერ ასრულებს, თუმცა, ხშირ შემთხვევაში, სახელმწიფოს არაპროფიონალიზმი  კომპანიებზე ტყდება ჯოხი. კერძოდ, უმრავლეს შემთხვევაში, პროექტი  არასწორად და არაპროფესიონალურადაა შედგენილი. შესაბამისად, მერია ან ინფრასტრუქტურის სამინისტრო ვალდებულია, რომ  კერძო კომპანიის მხრიდან შედგენილ პროექტს მონიტორინგი გაუწიოს,   გადაამოწმოს.


კერძო კომპანიები ერთ-ერთ პრობლემად, სახლემწიფოს მხრიდან დაგვიანებულ ჩარიცხვებსაც  ასახელებენ. 


„ინფრასტრუქტურის მშენებელთა ასოციაციის“ დირექტორი  ანა საბახტარიშვილი  განმარტავს, რომ დაგვიანებულ პროექტებს ბევრი სხვადასხვა მიზეზი აქვს.მათ შორისაა, ისეთი საერთაშორისო სტანდარტების მქონე სისტემის არ არსებობა, რომელიც ერთ კომპანიას დაავალდებულებს როგორც პროექტირებას, ისე მშენებლობას და მოვლა-შენახვას. საუბარია, ეგრეთ წოდებულ Design Build-ის (პროექტირება-მშენებლობა)  და Design Build Maintain-ის (პროექტირება -მშენებლობა-მოვლა/შენახვა) ტიპის შესყიდვაზე.


როგორც საბახტარიშვილი აცხადებს, ხშირად, სამშენებლო კომპანიას ექმნება რეპუტაციული პრობლემა, რეალურად, კი  საპროექტო სამუშოებია არასწორად შესრულებული.



„საპროექტომ პროექტი ჩააბარა, მერე გამოცხადდა ტენდერი სამშენებლო სამუშოებზე, რაც ნიშნავს იმას, რომ  საპროექტომ პასუხისმგებლობა მოიხსნა. მაშინ, როდესაც მისი არასწორად და არასრულად შესრულებული საქმე თავს იჩენს უკვე სამშენებლო სამუშოების შესრულებაში. ამ პრობლემაზე ინტენსიურად საუბრობენ სამშენებლო კომპანიებიც. სამთავრობო დაწესებულებებს ხშირად სთხოვენ პროექტირებისას მნიშვნელოვანი დეტალების გათვალისწინებას,“ აცხადებს საბახტარიშვილი.


მისივე განცხადებით, პროექტების გაჭიანურების მიზეზი ადგილობრივი მუნიციპალიტეტების მხრიდან პროექტში ცვლილებებიც ხდება ხოლმე.  მაგალითად, ხშირად ჩნდება ისეთი გარემოება, რომელიც პროექტის შეცვლას განაპირობებს. ასეთ დროს კი სამშენებლო სამუშაოები აუცილებლად უნდა შეჩერდეს.


„საბოლოო ჯამში, მშენებელი ჯარიმდება, რადგან სამუშაოებს თავისი ვადა აქვს და დროში გადაცდენა ჯარიმებს ითვალისწინებს. ხშირად უფრო მკაცრ ზომებზეც არის ხოლმე საუბარი, როგორიცაა მაგალითად, ხელშეკრულების გაწყვეტა“-აღნიშნავს საბახტარიშვილი.


„ინფრასტრუქტურის მშენებელთა ასოციაციის“ დირექტორი აუცილებლად თვლის ისეთი სისტემის შემოღებას, როდესაც  ინფრასტრუქტურული პროექტების განხორციელების დროს, ერთი კომპანია იქნება  პასუხისმგებელი როგორც დაპროექტებაზე, ისე მის მშენებლობაზე. სამომავლოდ კი, შეიძლება ამ სისტემას, პროექტის მოვლა-შენახვის კომპონენტიც დაემატოს.  მისი განცხადებით, ეს არის კლასიკური გამოსავალი, რომელსაც მთელს მსოფლიოში იყენებენ.


მისივე განცხადებით, პრობლემას ქმნის ბოლო პერიოდში გაჭიანურებული ლარის კურსიც,რადგან მასალების უდიდესი ნაწილი, რომლის შეძენაც კომპანიებს უწევს, იმპორტირებულია. შესაბამისად, მათი ფასები დოლარის ექვივალენტია ლარში, ამის გამო კომპანიებს სამშენებლო მასალები უძვირდებათ. საბახტარაშვილის განცხადებით, ხშრად პროექტის შემუშავება ხდება ერთი კურსით, ხოლო როდესაც მშენებლობა იწყება, სხვა კურსია, სწორედ ესაა მიზეზი იმისა, რომ ასეთ ტენდერებშ მონაწილეობას არ იღებენ ისეთი კომპანიები,რომლებიც ხარისხზე არიან ოერიენტიებულნი.


„ასეთი ტიპის ტენდერებში არასწორი ფაწარმოქმნაა. მითუმეტეს, როდესაც ქვეყანაში არასტაბილური კურსია , უნდა მოხდეს ფასწარმოქმნის გადახედვა და ხელშეკრულებაში აუცილებლად განსაზღვრული უნდა იყოს კურსთა შორის სხვაობიდან გამომდინარე ანაზღაურება და დამატებითი თანხა“-აღნიშნავს საბახტარიშვილი.

 

სოფო ქსოვრელი 




რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი

რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი
access_time2020-02-17 19:00:13
საქართველოს მთავრობის დაკვეთით უნდა მომზადებულიყო კვლევა, რომელიც ბათუმის ბულვარის, სანაპიროზე გზის გაგრძელებას, ჭოროხზე ახალი ხიდის მშენებლობას და გონიოს ყოფილი პოლიგონის განვითარებას შეეხებოდა. შესაბამისი დაფინანსება ერთი წლის წინ მოძიებული იყო, თუმცა, მთავრობამ კვლევის ჩატარება მაინც ვერ უზრუნველყო. მთავრობა საჭირო თანხას ამ ეტაპზე ხელახლა ეძებს. „ბათუმელებმა“ აღნიშნულ საკითხზე ინფორმაციის მისაღებად, წერილობით, საქართველოს მთავრობას და რეგიონული...

DailyMail: სტალინის საბჭოთა რივიერა - წყალტუბოს შთამბეჭდავი აბანოები და სანატორიუმები

DailyMail: სტალინის საბჭოთა რივიერა -  წყალტუბოს შთამბეჭდავი აბანოები და სანატორიუმები
access_time2020-02-17 20:00:57
წყალტუბო, რომელიც ადრე ცნობილი იყო, როგორც საბჭოთა კავშირის რივიერა, დღეს ფოტოგრაფების საყვარელი ადგილია. ევროპელი ფოტოგრაფი ამოს ჩაპლი იანვარში 3 დღით ეწვია ამ ქალაქს, რომელზე დაყრდნობითაც ბრიტანულმა გამოცემა Dailymail-მა წყალტუბოს საბჭოთა ნაგებობებს ვრცელი ფოტორეპორტაჟი მიუძღვნა.    Radio Free Europe-ის  ფოტოგრაფის თქმით, კურორტი წყალტუბო საქართველოში ყველაზე გასაოცარი ადგილია  დიდი კრისტალური ჭაღებითა და...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-17 21:30:17
დღის Top-10 საინტერესო ამბავი 1.გადახდის სისტემა, რომელიც “თაღლითობის” საშუალებას იძლევა სახელმწიფო აუდიტის სამსახურმა თბილისის სატრანსპორტო კომპანიის შემოსავლები შეისწავლა და მნიშვნელოვანი...

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“
access_time2020-02-17 18:00:43
„საქართველოში ერთადერთი სფერო,რომელიც ვითარდებოდა იყო ტურიზმი. გასულ წელს კი სექტორი კრიზისში შევიდა. ამის მიზეზი კი „ქართული ოცნების“ არასწორი სტრატეგიაა.“- ამის შესახებ „ახალი საქართველოს“ ლიდერმა გიორგი ვაშაძემ რადიო „კომერსანტის“  გადაცემა „ცოდნა და წარმატება“ ნანა ტოხვაძესთან ერთად ისაუბრა. მისი თქმით, სფერო,რომელიც დამოუკიდებლად ვითარდებოდა, ჩამოშლის...

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო
access_time2020-02-17 15:00:40
“საერთაშორისო გამჭვირვალობა - საქართველო” რეგულარულად ახორციელებს სახელმწიფო შესყიდვების მონიტორინგს. კვლევისას გამოიკვეთა, რომ სახელმწიფო უსაფრთხოებისა და კრიზისების მართვის საბჭოს მდივნის ყოფილი პირველი მოადგილის - გიორგი ზედელაშვილის დედის კომპანიას, შპს “საგზაო სამშენებლო-სარემონტო კომპანია სერპანტინს” დომინანტური პოზიცია უკავია ტენდერებსა და გამარტივებულ შესყიდვებში. “სერპანტინმა” მხოლოდ კახეთის რეგიონში განხორციელებული პროექტებისთვის სახელმწიფო ბიუჯეტიდან, 2013 წლიდან დღემდე,...


მსგავსი სიახლეები

up