ანა დოლიძე ვენეციის კომისიის რეკომენდაციების გათვალისწინებაზე - ახლა სამოსნური არგუმენტები იქნება: დავალება ბებიასთან დამრჩა და ჩემს წიგნში ამოხეული იყო ფურცელი

ანა დოლიძე ვენეციის კომისიის რეკომენდაციების გათვალისწინებაზე - ახლა სამოსნური არგუმენტები იქნება: დავალება ბებიასთან დამრჩა და ჩემს წიგნში ამოხეული იყო ფურცელი

access_time2019-04-16 16:45:52

ახლა კეთილი ინებონ, გაითვალისწინონ ვენეციის კომისიის რეკომენდაციები და არ დაიწყონ ამორჩევა, - ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ „ინტერპრესნიუსს“ განუცხადა. ამით დოლიძე გამოეხმაურა უმრავლესობის მიერ შემუშავებულ „საერთო სასამართლოების შესახებ კანონში“ ცვლილებების პროექტზე ვენეციის კომისიის დასკვნას. როგორც დოლიძემ აღნიშნა, ახლა, როდესაც ვენეციის კომისიის დასკვნა ცნობილია, საპარლამენტო უმრავლესობა თავის მართლებას „მეორე კლასელივით დაიწყებს: დავალება სახლში დამრჩა“.


„ვენეციის კომისიის დასკვნაში მართლაც ძალიან კომპლექსური რეკომენდაციებია უამრავი მიმართულებით იმისთვის, რომ ნორმალური პროცესი წარიმართოს. ვენეციის კომისია განსაკუთრებით დაუკვირდა ხმის მიცემის პროცედურას იუსტიციის უმაღლეს საბჭოში და მათი რეკომენდაციით, კენჭისყრა უნდა იყოს ღია. კობახიძის მიერ შემოთავაზებული იყო, რომ კენჭისყრა დახურული ყოფილიყო და ჩვენ ამას ვეწინააღმდეგებოდით. კომისიის რეკომედაციებით, თითოეულ კანდიდატზე კენჭისყრა უნდა მოხდეს ღიად და დასაბუთდეს თხრობით; ასევე, უნდ აიყოს რაღაცა პროცესი, რომელიც კანდიდატთა ბიოგრაფიებს გადაარჩევს და რაც მთავარია, გამოცდა უნდა იყოს ამოღებული. ანუ კომისიის რეკომენდაციები არის მართლაც ძალიან სერიოზული და კომპლექსური.


ძალიან კარგად ვიცი, რომ ვენეციის კომისია წინასწარ აზიარებს ხოლმე თავის მონახაზს და როგორც ჩანს, კობახიძემ ეს მონახაზი ძალიან კარგად იცოდა. ამიტომ დააჩქარეს ამ კანონპროექტის განხილვა. ახლა კეთილი ინებონ, გაითვალისწინონ ეს რეკომენდაციები და არ დაიწყონ ამორჩევა. მეორე კლასში რომ იცოდნენ, ჩემს წიგნში ამოხეული იყო ეგ გვერდი და დავალება ბებიასთან დამრჩაო - აი, ამ ტიპის თავის გამართლებას დაიწყებენ ახლა,“ - განაცხადა ანა დოლიძემ.



კითხვაზე, შეძლებს თუ არა ირაკლი კობახიძე უმრავლესობის დარწმუნებას იმაში, რომ კანონპროექტში ვენეციის კომისიის რეკომენდაციები აისახოს, დოლიძემ უპასუხა, რომ რეალურად საჭიროა არა უმრავლესობის, არამედ ე.წ. კლანისა და ბიძინა ივანიშვილის დარწმუნება.


„არაფერ შუაშია მისი კოლეგები. აქ არის თავად კობახიძე, კლანი, რომელიც მას ყურში უჩურჩულებს მესიჯებს და არის ბიძინა ივანიშვილი. სინამდვილეში, მათი დარწმუნებაა საჭირო. ახლა დაიწყება ვაჭრობა, აქედან რა შეიძლება იყოს გათვალისწინებული და რა - არა. რომ სდომოდათ ვენეციის კომისიის რეკომენდაციების გათვალისწინება, დაელოდებოდნენ კომისიის დასკვნას, 1 დღე უნდოდა დალოდება. დავიცადოთ, მაგრამ მართალი გითხრათ, სკეპტიკურად ვარ განწყობილი ამის მიმართ,“ - განაცახადა ანა დოლიძემ.



IPN






სამი პუტინი: მემკვიდრე, ოფიცერი, იმპერატორი

სამი პუტინი: მემკვიდრე, ოფიცერი, იმპერატორი
access_time2019-08-17 16:00:29
„ძალაუფლება რყვნის, ხოლო აბსოლუტური ძალაუფლება რყვნის აბსოლუტურად“.                                                                                        ...

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას..."

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას...
access_time2019-08-17 14:00:48
“როგორც არ უნდა ვისაუბროთ სხვადასხვა ფაქოტრებზე და შეცდომებზე, ერთი მნიშვნელოვანი ფაქტორი, რაც ლარის კურსის ვარდნას იწვევს არის ის, რომ ჩვენი ეკონომიკა არ იზრდება იმ დოზით, რა დოზითაც ლარს სჭირდება გასამყარებლად. ამის მაგალითად შეიძლება მოვიყვანოთ 2004-2012 წლები, როცა ლარი მყარდებოდა“, - ამბობს გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი, რომელიც არც წინა ხელისუფლების შეცდომებზე საუბრისგან იკავებს თავს, თუმცა, თვლის, რომ მაშინდელი ეკონომიკური ზრდის ტემპი...

საქართველოში სასტუმროების ფასი 10%-ით დაეცა

საქართველოში სასტუმროების ფასი 10%-ით დაეცა
access_time2019-08-17 12:00:09
მიუხედავად მოლოდინებისა, რომ წელს, ზაფხულის სეზონზე ტურისტების შემოდინება შემცირდებოდა, რაც საქართველოს ეკონომიკაზე უარყოფითად აისახებოდა, ოფიციალური მონაცემებით, 2019 წლის მე-2 კვარტალში საერთაშორისო არარეზიდენტი მოგზაურების 2.2 მილიონი შემოსვლა დაფიქსირდა, რაც წინა წლის ანალოგიურ მაჩვენებლთან...

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში
access_time2019-08-16 20:30:06
მოგესლამებით. მინდა გაუწყოთ რომ 17 ივლისს JDinvesment ის პორტფელს დაემატა კიდევ ერთი, ჩვენი აზრით, პერსპექტიული კომპანია. ეს კომპანია არის ტექნოლოგიური კომპანია და ქმნის პროდუქტს რომელიც, დღევანდელ ინტერნეტ სივრცეში დიდ საჭიროებას წარმოადგენს. ამაში ადვილად დავრწმუნდებით ცოტა ხანში, როდესაც ამ კომპანიის ფუნდამენტალური ანალიზით დავკავდებით. შევეცდები მაქსიმალურად იოლად ავხსნა კომპანიის ბიზნესმოდელი და მისი ფინანსური მაჩვენებლები. ასე დაგანახოთ საინვესტიციო უპირატესობები. გვეწვიეთ საიტზე...

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა
access_time2019-08-16 19:30:37
სახელმწიფო აუდიტის სამსახური აფხაზეთის ავტონომიური რესპუბლიკის მთავრობისა და მასთან არსებული ორგანიზაციების მიერ სამსახურებრივი სარგებლობის ავტომანქანების ექსპლუატაციის პროცესში საბიუჯეტო სახსრების არამიზნობრივი ხარჯვისა და ავტომანქანების არაეფექტიანად გამოყენების რისკებზე მიუთითებს. კერძოდ, აფხაზეთის ავტონომიური რესპუბლიკის მთავრობისა და მასთან არსებული ორგანიზაციების ფინანსური აუდიტის ანგარიშში აღნიშნულია, რომ გასულ წელს სამსახურებრივი სარგებლობის სამორიგეო...


მსგავსი სიახლეები

up