ანა დოლიძე -  - ყველა უწყებაში ანტიკლანური მოძრაობაა დასაწყები სასამართლოს გარდა „მურუსიძე-ჩინჩალაძე“  შესყიდვებში, რკინიგზაში, წიაღისეულში და სხვა სფეროებშიც გვყავს

ანა დოლიძე - - ყველა უწყებაში ანტიკლანური მოძრაობაა დასაწყები სასამართლოს გარდა „მურუსიძე-ჩინჩალაძე“ შესყიდვებში, რკინიგზაში, წიაღისეულში და სხვა სფეროებშიც გვყავს

access_time2019-05-16 13:20:06

იუსტიციის უმაღლესი საბჭოს არამოსამართლე წევრი, ანა დოლიძე საქართველოს ეკონომიკისა და მდგრადი განვითარების ყოფილი მინისტრის მიერ გუშინ გაკეთებულ განცხადებებს ეხმაურება. როგორც ანა დოლიძემ „ინტერპრესნიუსს“ განუცხადა, გიორგი ქობულიას გუშინდელმა მესიჯებმა ცხადყო, რომ ქვეყანაში, ყველა სფეროში ანტიკლანური ბრძოლის დაწყების აუცილებლობა დგას.


ანა დოლიძე მიიჩნევს, რომ „კლანმა“ სახელმწიფოს ყველა ინსტიტუტში გაიდგა ფესვები და „მურუსიძე-ჩინჩალაძე“ მხოლოდ სასამართლოს პრობლემა არ არის. დოლიძის თქმით, ეკონომიკისა და მდგრადი განვითარების ყოფილი მინისტრის გუშინდელი გამოსვლის მთავარი ხაზიც სწორედ მინიშნება, იყო, რომ „კლანური“ მმართველობა საქართველოში საყოველთაო ფენომენია.


„პირველ რიგში კარგია, რომ მან ამ თემებზე ისაუბრა. მაგალითად: ცოტა ხნის წინ გაუჩინარდა ნინო გვენეტაძე, რომელიც საერთოდ არ იღებს პასუხისმგებლობას იმ თანამდებობაზე, სადაც გაატარა რამდენიმე წელიწადი. ამის ფონზე რა თქმა უნდა, ძალიან მნშვნელოვანია ქობულიას საუბარი, მაგრამ უფრო მნიშვნელოვანია ის მთავარი თეზა, რომელიც მან თქვა. მისი მთავარი ხაზი იყო, როგორც მე გავიგე, რომ „კლანებს“, კერძო ინტერესებს სახელმწიფო შიგნიდან ჰყავს შეჭმული. კლანური ინტერესები, მათ შორის: ნეპოტიზმი, ძალაუფლების კონცენტრაცია - ეს ყველაფერი, კლანური ინტერესები არის სახელმწიფო კორპორაციებში, ტენდერებში, შესყიდვებში, რკინიგზაში, წიაღისეულში. ჩამოთვალა უამრავი სფერო და ეს არის ძალიან მნიშვნელოვანი გზავნილი, რომ „მურუსიძე-ჩინჩალაძე“ აღარ არის მარტო სასამართლოს ფენომენი. ერთი ჯგუფი, რომელიც მოაჯდება სახელმწიფო ინსტიტუტებს , ეს აღარ არის მარტო სასამართლოს პრობლემა, ეს გვაქვს ჩვენ მთლიანად სახელმწიფოში, ყველა უწყებაში და მათ შორის ეკონომიკაში. ეკონომიკაში, ეს ნიშნავს, რომ ის კეთილდღეობა, რომელიც იქმნება რეალურად, ზუსტად ამ „კლანების“ ჯიბეში მიდის.



ჩემთვის მთავარი დასკვნა არის, რომ ეს ანტიკლანური ამბავი, რომელიც ჩვენ დაწყებული გვაქვს სასამართლოში, უნდა გაგრძელდეს ყველგან. ერთი ჯგუფის მხრიდან მიკერძოება მთელი სახელმწიფო ინსტიტუტის არის საყოველთაო ფენომენი. ამას სჭირდება ზუსტად ბრძოლის განვრცობა სხვადასხვა უწყებებში“,-განაცხადა ანა დოლიძემ.


მისივე თქმით, ეკონომიკისა და მდგრადი განვითარების ყოფილი მინისტრის მიერ გაკეთებულმა მესიჯებმა აჩვენა, რომ ქვეყანაში არის ისეთი მართვის სტილი, რომელსაც არ ესმის, რომ საქართველო არ არის შპს „საქართველო“.


„ეს არის სახელმწიფო თავისი წესებით, თავისი გამჭვირვალეობით და რაც მთავარია, ჩვეულებრივ მოქალაქეებზე კეთილდღეობის გადანაწილებით. ყველაზე მნიშვნელოვანია, რომ ქობულიამ გამოიტანა ეს ამბავი სულ სხვა სფეროში, მაგრამ პრობლემები არის ერთი და იგივე. მას გვარები არ დაუსახელებია და ძალიან გვჭირდება, რომ ადამიანები ჩაერთონ ამ საკითხში. მარტო მე და ნაზი ჯანეზაშვილი ხომ ვერ გავაკეთებთ ყველაფერს. ანუ, „მურუსიძე-ჩინჩალაძე“ არის სასამართლოში, მაგრამ „მურუსიძე-ჩინჩალაძე“ ასევე გვყავს შესყიდვებში, რკინიგზაში, წიაღისეულში და ყველა სხვა სფეროში. ეს არის ძალიან მნიშვნელოვანი, რომ ანტიკლანური მოძრაობა არის გასატანი სასამართლოდან და დასაწყებია ყველა უწყებაში თუ ჩვენ გვინდა, რომ ჩვენმა ბავშვებმა ჭამონ საჭმელი და ეს ფული არ წაიღოს ვინმე გაზულუქებულმა „კლანის“ წევრმა“, - აცხადებს ანა დოლიძე.


IPN


თეგები:
ანა დოლიძე



გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს

გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს
access_time2020-07-10 12:30:27
პრემიერ-მინისტრი გიორგი გახარია არ გამორიცხავს, რომ 2020 წლის საარჩევნო სიაში „ქართული ოცნების“ თავმჯდომარე ბიძინა ივანიშვილი იყოს. ამის შესახებ გიორგი გახარიამ ჟურნალისტებს განუცხადა, რითაც უპასუხა შეკითხვას, შესაძლებელია თუ არა, რომ საარჩევნო სიაში ბიძინა ივანიშვილიც ვიხილოთ. „რა თქმა უნდა, ბიძინა ივანიშვილი არის „ქართული ოცნების“ დამფუძნებელი და მისი თავმჯდომარე. რა თქმა უნდა...“, - განაცხადა გიორგი გახარიამ. ipn.ge

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა
access_time2020-07-10 10:50:20
„ახალგაზრდა ადვოკატებმა“ „ლიდერფუდის“ საქმეზე განხორციელებული სამართლებრივი დასკვნა და მონიტორინგი საქმის განმხილველ ყველა მოსამართლეს უკვე მიაწოდა, რათა გაცნობილ ყოფილიყო საქმის ირგვლივ ალტერნატიული დასკვნები და შეხედულებები. ამის შესახებ ორგანიზაციის ხელმძღვანელმა არჩილ კაიკაციშვილმა „კომერსანტთან“ საუბრისას აღნიშნა. მისი ინფორმაციით, მონიტორინგის შედეგები, ასევე მიეწოდა უზენაეს სასამართლოში ამავე საქმეზე დანიშნულ მოსამართლეს, მირანდა ერემაძეს, რომელმაც საქმის წარმოებაში...

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ
access_time2020-07-10 10:00:28
საერთაშორისო ფარმაცევტული კომპანიები საქართველოში წარმომადგენლობებს ხურავენ. ამის შესახებ „კომერსანტს“ ფარმაცევტული კომპანიების წარმომადგენელთა ასოციაციის აღმასრულებელმა დირექტორმა, ირაკლი მარგველაშვილმა განუცხადა. მისი თქმით, ბოლო პერიოდში საქართველოს ფარმაცევტული ბაზარზე პირდაპირი წარმომადგენლობა დახურა ისეთმა უმსხვილესმა საერთაშორისო კომპანიებმა როგორიცაა Glaxo, Sandoz, astellas pharma. ირაკლი მარგველაშვილი აცხადებს, რომ ფარმაცევტული...

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...

ყველაზე გაურკვეველ მდგომარეობაში ვართ - შემოსავლის გარეშე დარჩენილი ხელოვანები მთავრობისგან დახმარებას ითხოვენ

ყველაზე გაურკვეველ მდგომარეობაში ვართ - შემოსავლის გარეშე დარჩენილი ხელოვანები მთავრობისგან დახმარებას ითხოვენ
access_time2020-07-10 11:30:36
პანდემია თითქმის ყველა სფეროს წარმომადგენელებზე უარყოფითად აისახა, თუმცა, ერთ-ერთ ყველაზე მძიმე მდგომარეობაში ხელოვანები და კულტურის სფეროს წარმომადგენლები აღმოჩნდნენ. დისტანციურ რეჟიმში მუშაობა და რეკომენდაციების დაცვა ანსამბლების და სტუდიების უმრავლესობისთვის რთული აღმოჩნდა. ანსამბლ „თორდას“ ხელმძღვანელი თამუნა ალადაშვილი „კომერსანტთან“ საუბრისას აღნიშნავს, რომ ბავშვთა სტუდიებისთვის არსებული რეგულაციების დაცვა ძალიან რთულია, გარდა ამისა, ბიზნესის კუთხითაც...


მსგავსი სიახლეები

up