ანა დოლიძე: საბოლოოდ, მივალთ იქამდე, რომ ნელ-ნელა მოხდება საქართველოს უზბეკიზაცია

ანა დოლიძე: საბოლოოდ, მივალთ იქამდე, რომ ნელ-ნელა მოხდება საქართველოს უზბეკიზაცია

access_time2019-03-20 19:30:00


„ხელისუფლებას საერთოდ არ აინტერესებდა, რა მოუვიდა სასამართლო ხელისუფლებას, სანამ ეს არ გახდა პოლიტიკურად მოგებიანი, მაგრამ სასამართლო სისტემასთან ბრძოლას ბოლომდე მივიყვანთ. გამორიცხულია, არ გავჩერდებით და ეს არ იქნება ხავერდოვანი პროცესი. პროტესტის ყველა ფორმას მივმართავთ, რათა სასამართლოში არ დაინიშნონ კლანის წევრები“,  აცხადებს იუსტიციის უმაღლესი საბჭოს არამოსამართლე წევრი ანა დოლიძე კომერსანტთან საუბარში და დარწმუნებულია, რომ ამ ბრძოლაში  ხელისუფლება აუცილებლად დამარცხდება.


დოლიძე ასევე დარწმუნებულია იმაში, რომ საქართველოს უზენაესი  სასამართლოსა და საქართველოს იუსტიციის უმაღლესი საბჭოს თავმჯდომარე ნინო გვენეტაძეც სწორედ სისტემას შეეწირა, გახდა ძალადობის მსხვერპლი და საბოლოოდ ყველა პოლიტიკურმა ძალამ მიატოვა.


„სამი შემთხვევა იყო, როცა გვენეტაძე უვადოდ დანიშვნას არ აწერდა ხელს და ოთახიდან არ გამოდიოდა; მერე გააკეთა კიდეც განცხადება, რომ ძალადობის მსხვერპლია. არავინ იმ ხალხიდან, არც ბესელია, არც ზარდიაშვილი, არ გამოხმაურებია ამ განცხადებას. საჯაროდაც არ დასმულა შეკითხვა, ასეთი უმაღლესი თანამდებობის პირი რატომ აკეთებს მსგავს განცხადებებს... ფაქტია, ეს ქალი მიატოვა პოლიტიკურმა ძალებმა და ამ სისტემასთან დარჩა მარტო. ბუნებრივია, ბრძოლაში წააგო“,- აღნიშნავს ანა დოლიძე.



სასამართლო სისტემა, რომ ქვეყნის ერთ-ერთ მთავარ გამოწვევად რჩება, ამას ამერიკის სახელმწიფო დეპარტამენტის მსოფლიოს ადამიანების უფლებების შესახებ ყოველწლიური ანგარიშიც ადასტურებს. როგორც იცით, დოკუმენტში 47 გვერდი საქართველოს ეთმობა და მათ შორის ერთ-ერთი სწორედ სასამართლო სისტემაში არსებულ დაბრკოლებებს უკავშირდება. ანა დოლიძე აღნიშნულს აშშ-ს მხრიდან გამაფრთხილებელ გზავნილად აფასებს.


„ეს არის ყვითელი ბარათი. არადა, ამ ანგარიშზეა დამოკიდებული დახმარების მთელი პროგრამები, რასაც ჩვენი ხელისუფლება იღებს ამერიკიდან. საბოლოოდ, მივალთ იქამდე, რომ ეს პროგრამების შეწყდება და ნელ-ნელა მოხდება საქართველოს უზბეკიზაცია.


ხელისუფლებისთვის და ივანიშვილისთვის ეს არის ნიშანი იმისა, რომ ჩვენთან თანამშრომლობის ზღვარი გადის მურუსიძე-ჩინჩალაძეზე. ამას ემატება ინვესტორების ფაქტორიც. ნებისმიერი უცხოელი ინვესტორი, როდესაც ქვეყანაში შემოდის, პირველ რიგში, ინტერესდება თუ შეძლებს, პირობითად, საკუთარი 100 ლარის დაცვას სასამართლოში. ეს არ ეხება ქვეყნებს, სადაც გარიგებები კორუფციით ხდება. საუბარი მაქვს ევროკავშირზე, ამერიკაზე და მათთან საქმიანი ურთიერთობის გაწყვეტა პირდაპირ შეამცირებს ინვესტიციებსა და სამუშაო ადგილებს“,- აცხადებს ანა დოლიძე.




სალომე ლემოჯავა 





სამი პუტინი: მემკვიდრე, ოფიცერი, იმპერატორი

სამი პუტინი: მემკვიდრე, ოფიცერი, იმპერატორი
access_time2019-08-17 16:00:29
„ძალაუფლება რყვნის, ხოლო აბსოლუტური ძალაუფლება რყვნის აბსოლუტურად“.                                                                                        ...

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას..."

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას...
access_time2019-08-17 14:00:48
“როგორც არ უნდა ვისაუბროთ სხვადასხვა ფაქოტრებზე და შეცდომებზე, ერთი მნიშვნელოვანი ფაქტორი, რაც ლარის კურსის ვარდნას იწვევს არის ის, რომ ჩვენი ეკონომიკა არ იზრდება იმ დოზით, რა დოზითაც ლარს სჭირდება გასამყარებლად. ამის მაგალითად შეიძლება მოვიყვანოთ 2004-2012 წლები, როცა ლარი მყარდებოდა“, - ამბობს გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი, რომელიც არც წინა ხელისუფლების შეცდომებზე საუბრისგან იკავებს თავს, თუმცა, თვლის, რომ მაშინდელი ეკონომიკური ზრდის ტემპი...

საქართველოში სასტუმროების ფასი 10%-ით დაეცა

საქართველოში სასტუმროების ფასი 10%-ით დაეცა
access_time2019-08-17 12:00:09
მიუხედავად მოლოდინებისა, რომ წელს, ზაფხულის სეზონზე ტურისტების შემოდინება შემცირდებოდა, რაც საქართველოს ეკონომიკაზე უარყოფითად აისახებოდა, ოფიციალური მონაცემებით, 2019 წლის მე-2 კვარტალში საერთაშორისო არარეზიდენტი მოგზაურების 2.2 მილიონი შემოსვლა დაფიქსირდა, რაც წინა წლის ანალოგიურ მაჩვენებლთან...

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში
access_time2019-08-16 20:30:06
მოგესლამებით. მინდა გაუწყოთ რომ 17 ივლისს JDinvesment ის პორტფელს დაემატა კიდევ ერთი, ჩვენი აზრით, პერსპექტიული კომპანია. ეს კომპანია არის ტექნოლოგიური კომპანია და ქმნის პროდუქტს რომელიც, დღევანდელ ინტერნეტ სივრცეში დიდ საჭიროებას წარმოადგენს. ამაში ადვილად დავრწმუნდებით ცოტა ხანში, როდესაც ამ კომპანიის ფუნდამენტალური ანალიზით დავკავდებით. შევეცდები მაქსიმალურად იოლად ავხსნა კომპანიის ბიზნესმოდელი და მისი ფინანსური მაჩვენებლები. ასე დაგანახოთ საინვესტიციო უპირატესობები. გვეწვიეთ საიტზე...

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა
access_time2019-08-16 19:30:37
სახელმწიფო აუდიტის სამსახური აფხაზეთის ავტონომიური რესპუბლიკის მთავრობისა და მასთან არსებული ორგანიზაციების მიერ სამსახურებრივი სარგებლობის ავტომანქანების ექსპლუატაციის პროცესში საბიუჯეტო სახსრების არამიზნობრივი ხარჯვისა და ავტომანქანების არაეფექტიანად გამოყენების რისკებზე მიუთითებს. კერძოდ, აფხაზეთის ავტონომიური რესპუბლიკის მთავრობისა და მასთან არსებული ორგანიზაციების ფინანსური აუდიტის ანგარიშში აღნიშნულია, რომ გასულ წელს სამსახურებრივი სარგებლობის სამორიგეო...


მსგავსი სიახლეები

up