„მე ვიქნები თქვენი მართალი და ხმამაღალი ხმა პარლამენტში,“ - განცხადა დიდუბე-ჩუღურეთის დამოუკიდებელი მაჟორიტარი დეპუტატობის კანდიდატმა ანა დოლიძემ, რომელმაც მხარდამჭერებთან ერთად მოტომსვლელობა გამართა და დიდუბე-ჩუღურეთში საარჩევნო კამპანია დაასრულა. ინფორმაციას ანა დოლიძის პრესსამსახური ავრცელებს.
,,დღეს არის ჩვენი შემაჯამებელი მსვლელობა, იცით, რომ ჩემი კამპანია სწორედ მსვლელობით დავიწყე და ახლაც მსვლელობით დავასრულებთ. ეს იქნება მოტომსვლელობა სადაც, ჩვენ გავამხნევებთ ჩვენს მოსახლეობას, რომ ყველა მოემზადოს საკუთარი არჩევანის გასაკეთებლად და განეწყოს იმისთვის, რომ პირველი ნოემბრიდან ერთად უნდა დავიწყოთ ამ სანაპიროს გამოცოცხლება“, - განაცხადა ანა დოლიძემ.
დეპუტატობის კანდიდატმა კიდევ ერთხელ მიმართა ამომრჩეველს, მივიდნენ არჩევნებზე და გააკეთონ არჩევანი ქვეყნის რეალური ცვლილებებისთვის.
,,ის 10 ნაბიჯი, რომელიც მე წარმოვადგინე კონკრეტულად ამ ნაპირისთვის, მარცხენა სანაპიროს აქცევს თბილისის კულტურულ და ეკონომიკურ ეპიცენტრად. ჩვენ ვიყავით ყველგან, დაწყებული დიღმის მასივიდან დასრულებული ივერთუბანით, რომელიც საერთოდ მივიწყებულია ხელისუფლებისგან. დღეს ჩვენ საბოლოოდ ჩამოვართმევთ ხელს ჩვენს მოსახლეობას იმისთვის, რომ გავამხნევოთ ისინი, უკლებლივ ყველანი მოვიდნენ არჩევნებზე და ერთად დავიწყოთ ახალი საქართველოს მშენებლობა პირველი ნოემბრიდან“, - აღნიშნა ანა დოლიძემ.