აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს

access_time2021-10-20 19:00:27

ბოლო 2-3 წელია, აფხაზეთის დე-ფაქტო მთავრობა კრიპტოვალუტის მაინინგს ებრძვის და რამდენიმე ათასი ერთეულის ამოღება ოფიციალურადაც დაადასტურა. თუმცა ქართველი ენერგეტიკოსები ამ პროცესის მიმართ უნდობლობას აშკარად ამჟღავნებენ. ენერგეტიკოს გია არაბიძეს აღსრულების მექანიზმი სუსტი ეჩვენება. თუმცა ოკუპირებულ რეგიონში მაინინგის ამოღების ფაქტების საფუძველზე ასკვნის, რომ აფხაზეთს შესაძლებლობა აქვს ენერგომოხმარება 5-7%-ის ფარგლებში შეამციროს.



,,მაინინგს აფხაზეთი ებრძვის კანონმდებლობის საფუძველზე, მაგრამ რეალურად არაფერი გამოდის. რამდენიმე ერთეულს თუ ამოიღებენ, პარალელურად ჩანაცვლებაც ხდება, ძალიან უმართავი პროცესია. ამიტომ ეს ბრძოლაც, მოჩვენებითი თუ არა, ნაკლებად რეალურია. მიუხედავად ამისა, გარკვეული პროტესტი შინიშნება მაინინგის მიმართ აფხაზურ საზოგადოებაში, ამას ვერ უარვყოფ, ვინაიდან ელექტროენერგიის დიდი პრობლემაა, ამას იქ ყველა აცნობიერებს. რამდენადაც ჩემთვის აფხაზური წყაროს მხრიდან არის ცნობილი, ბოლო პერიოდში ჯამში 1300 ერთეული მაინერი არის ამოღებული. ენერგეტიკაში თუ გადავიყვანთ, ეს არის დაახლოებით 300 კვტ/სთ დადგმული სიმძლავრე ანუ აფხაზეთის საერთო მოხმარების 5-7%, რაც პრობლემას რეალურად ვერ მოაგვარებს“, - აცხადებს გია არაბიძე ,,კომერსანტთან“.



ენერგეტიკოსის შეფასებით, აფხაზეთში ენერგომოხმარების შესამცირებლად მნიშვნელოვანია გადახდისა და აღრიცხვის სისტემის მოწესრიგება, რა მხრივაც დიდი პრობლემაა.



,,როგორც არ უნდა ებრძოლონ მაინინგს, ამ ბიზნესს აფხაზეთში იმხელა ლობი ჰყავს, რომ ხელის ერთი მოსმით ვერაფერს გახდებიან. პრობლემა კი სულ იქნება, სანამ გადახდის და აღრიცხვის საკითხს არ მოაგვარებენ. მაინინგთან დაკავშირებით კანონიც მიიღეს, ინტერნეტის მომსახურებაზე შეზღუდვები დააწესეს, აქტიურად მიდის მუშაობა, მაგრამ შედეგი ჯერ არ ჩანს.  მეეჭვება აქედან რამე გამოვიდეს, დრო გადის და უფრო და უფრო იზრდება ქართულ ენერგეტიკაზე დამოკიდებულება, რაც რეგიონში ენერგომომარაგების მხრივ ვითარებას აუარესებს“, - აცხადებს ენერგეტიკოსი.




შეგახსენებთ, რომ წლების განმავლობაში ოკუპირებულ აფხაზეთში კრიპტოვალუტის მოპოვებაზე არავითარი რეგულაციები არ ვრცელდებოდა. 2018  დე-ფაქტო ხელისუფლებამ კრიპტოვალუტის მომპოვებლებს, მაინერებს, საქმიანობა აუკრძალა.



გავრცელებული ინფორმაციით,  კრიპტოვალუტას ძირითადად მმართველი ელიტა მოიპოვებს. ლაპარაკობენ ასევე რუსი ბიზნესმენების ჩართულობაზე, მაგრამ ბრალდებების მთავარი სამიზნე აფხაზეთის დე ფაქტო პრეზიდენტი ასლან ბჟანია და მისი გარემოცვაა.



ცნობისთვის, აფხაზეთის დე ფაქტო მთავრობის განკარგულების შემდეგ, რომელიც კრიპტოვალუტის მაინინგ აპარატურის იმპორტს კრძალავს, კრიპტო მაინინგის მოწყობილობების დაახლოებით 40% იქნა ამოღებული. ამის შესახებ დე ფაქტო საბაჟო კომიტეტის თავმჯდომარის მოადგილემ ალიას ლაბახუამ განაცხადა.

 


მისვე ინფორმაციით,  2016 წლიდან დღემდე აფხაზეთში 66 857 მაინერი შევიდა, ხოლო 27 124 ერთეული, დაახლოებით 40% გავიდა.



თავის მხრივ, დე ფაქტო საბაჟო კომიტეტის თავმჯდომარემ ოთარ ხეციამ აღნიშნა, რომ მიმდინარე წლის 30 მარტიდან  საბაჟო სამსახურის თანამშრომლებმა რუსეთ-აფხაზეთის საზღვარზე, მდინარე ფსოუს გასწვრივ, კრიპტოვალუტის მოპოვების 63 ერთეული ტექნიკა ამოიღეს.


მარი ჩიტაია




სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!

სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!
access_time2021-12-07 09:55:26
სილქფესტი 7 დეკემბერს ულიმიტო პირობებს...

„დიდგორელის“ მონაწილეთა პირველი კონფერენცია

„დიდგორელის“  მონაწილეთა პირველი კონფერენცია
access_time2021-12-06 17:50:47
საქართველოს პარლამენტის ეროვნულ ბიბლიოთეკაში, საგანმანათლებლო პროექტ  „დიდგორელის“ ორგანიზებითა და  არემჯის მხარდაჭერით,  ოკუპირებულ აფხაზეთში არსებული კულტურული მემკვიდრეობის ძეგლების შესახებ მოსწავლეთა კონფერენცია გაიმართა. მოსწავლეთა კონფერენციაში მონაწილეობა თბილისის, ზუგდიდის, მესტიის, მარნეულის ახალციხის, გარდაბნის და თეთრიწყაროს სკოლების ოცამდე მოსწავლემ მიიღო. მოსწავლეებმა, პროექტ ,,დიდგორელის’’ ავტორებთან და...

ლარის კურსი ყველა ძირითად ვალუტებთან მიმართებით გამყარდა

ლარის კურსი ყველა ძირითად ვალუტებთან მიმართებით გამყარდა
access_time2021-12-06 18:00:16
6 დეკემბრის ვაჭრობის შედეგად ლარი აშშ დოლართან მიმართებაში 2.43 თეთრით 3.0967-მდე გამყარდა. Bloomberg-ის პლატფორმაზე დღის ბოლოს კურსმა 3.0900 შეადგინა. საერთაშორისო ვალუტებიდან ლარი ევროსთან 3.09 თეთრით 3.4993-მდე, ბრიტანულ ფუნტთან 4.10 თეთრით 4.1037-მდე, აზერბაიჯანულ მანათთან 1.60 თეთრით 1.8215-მდე, ლარი თურქულ ლირასთან 0.44 თეთრით 0.2247-მდე, 1000 სომხურ დრამთან 5.06 თეთრით 6.2921-მდე, ხოლო 100 რუსულ რუბლთან 4.26 თეთრით...

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება
access_time2021-12-06 18:30:16
ინფექციური კლინიკა ახალ შენობაში, დიდი ალბათობით, არც წელს გადავა. ამის შესახებ jandacva.ge-ს  „ავერსში“ განუცხადეს, რომელსაც ის ტერიტორია ეკუთვნის, სადაც ინფექციური საავადმყოფოა განთავსებული. „ავერსი ფარმას“ დირექტორის ირაკლი ფურცელაძის განცხადებით,  ახალ შენობაში, რომელიც ინფექციურ საავადმყოფოს სახელმწიფომ 2020 წლის მაისში შეუძინა და რომელიც თეთრი კარკასის მდგომარეობაშია, „კარიც კი არავის შეუღია“ და იქ ამ ხნის განმავლობაში არანაირი...

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში
access_time2021-12-07 10:00:58
„ინფლაცია არ არის მხოლოდ საქართველოს გამოწვევა, ეს არის მსოფლიოს უმრავლესი ქვეყნების გამოწვევა. აშშ-ში 6.2% ინფლაცია, გერმანიაშიც ბოლო 30 წლის განმავლობაში ძალიან მაღალი ინფლაციაა და ნუ წარმოვაჩენთ ამას როგორც მხოლოდ საქართველოს პრობლემას, ეს არის გლობალური პრობლემა, რომელიც პანდემიამ და მასთან დაკავშირებულმა მოვლენებმა მოიტანა“, - ამის შესახებ საქართველოს ეროვნული ბანკის (სებ) პრეზიდენტმა კობა გვენეტაძემ განაცხადა. საქართველოს კანონმდებლობით ინფლაციაზე...


მსგავსი სიახლეები

up