პრემიერ მინისტრმა პარლამენტში დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას მიერ დასაქმების პრობლემაზე დასმულ შეკითხვას უპასუხა და განაცხადა, რომ ანტიკრიზისული ღონისძიებები მიმართულია იქით, რომ მაქსიმალურად შეინარჩუნონ სამუშაო ადგილები და მათი გუნდის ნომერ პირველი ამოცანაა, რომ  ადამიანები უმუშევრები არ დარჩნენ. 

„ჩვენი ანტიკრიზისული ღონისძიებები მიმართულია,  იქით, რომ სამუშაო ადგილები ვეცადოთ მაქსიმალურად  შევინარჩუნოთ, შესაბამისად,  ნომერ პირველი ამოცანაა ის, რომ  ადამიანები უმუშევრად არ დარჩნენ. თუმცა, ეს გამორიცხული არ არის. ეკონომიკური  კრიზისიდან გამომდინარე ასეთი ბევრი შემთხვევა გვექნება, ამიტომ სოციალური დახმარების მიზნობრივობის და  კრიტერიუმების დამუშავების გადახედვის პროცესი, საერთოდ  ამ  სისტემის  რეფორმის პროცესი დაწყებულია. ეს  არ  არის მოკლევადიანი, ამიტომ დახმარების ნაწილში  ჩვენ 65 000 ქულიდან  100 000 ქულამდე გავზარდეთ, ეს  არის ის  შუალედური გარდამავალი მომენტი, რომელიც ეხლა დააზღვევს იმ ადამიანებს, რომლებმაც  დაკარგეს  სამსახური და იძულებულები არიან სოციალური დახმარებისთვის  სახელმწიფოს მიმართონ.თუმცა, ეს  არის  დროებითი, სოციალური დახმარების სისტემა, როგორც  ქულების  ასევე  მიზნობრიობის და აღრიცხვის ნაწილში გეთანხმებით რომ არის  გადასახედი და ჯანდაცვის  სამინისტრო ამზადებს ამ რეფორმას“-აღნიშნა გახარიამ.