ჩვენთან მომუშავე ჯგუფმა უკვე შეიმუშავა კრიტერიუმები, პირველ რიგში, რომელი ჯგუფები უნდა აიცრან; შემდეგ მიწოდების სერვისების კრიტერიუმები და ასევე, ქვეყანაში ხელმეორედ შეფასდა ცივი ჯაჭვის სისტემა - რა გვაქვს. ჩვენ თავისულად შეგვიძლია ვთქვათ, რომ გვაქვს კარგად გამართული 2-დან 8 გრადუსამდე ცივი ჯაჭვის სისტემა, - ამის შესახებ დაავადებათა კონტროლისა და საზოგადოებრივი ჯანდაცვის ცენტრის ხელმძღვანელმა ამირან გამყრელიძემ კორონავირუსის ვაქცინაციის საკითზე საუბრისას განაცხადა.
მისი თქმით, მსოფლიოში უკვე სამმა ქვეყნამ: დიდმა ბრიტანეთმა, აშშ-მა და კანადამ რამდენიმე დღის წინ ვაქცინაციის პროცესი უკვე დაიწყეს. ასევე, ეს პროცესი შესაძლოა მალე გერმანიამ და ევროპის სხვა ქვეყნებმაც დაიწყოს, რომლებიც ამ ვაქცინებს აწარმოებენ.
„ვაქცინაცია ასევე დაწყებულია რუსული წარმოების ვაქცინით რუსეთში და ჩინური წარმოების ვაქცინით ჩინეთში. „ფაიზერის“ მიერ წარმოებული ვაქცინით ვაქცინაცია დაწყებული აღნიშნულ სამ ქვეყანაში, რომელსაც სჭირდება ცივი ჯაჭვი მინუს სამოცდაათი-ოთხმოცგრადუსიანი. ჩვენს ცენტრში უკვე ჩამოყალიბებულია ჯგუფი, ასევე საკოორდინაციო საბჭოსთან მუშაობს ინტერსექტორალური კომისია. ჩვენთან მომუშავე ჯგუფმა უკვე შეიმუშავა კრიტერიუმები, კერძოდ, პირველ რიგში, რომელი ჯგუფები უნდა აიცრან; შემდეგ მიწოდების სერვისების კრიტერიუმები და ასევე, ქვეყანაში ხელმეორედ შეფასდა ცივი ჯაჭვის სისტემა - რა გვაქვს. ჩვენ თავისულად შეგვიძლია ვთქვათ, რომ გვაქვს კარგად გამართული 2-დან 8 გრადუსამდე ცივი ჯაჭვის სისტემა და იქ არაფრის დამატება საჭირო არ არის. თავისუფლად შეგვიძლია „ასტრა/ზენეკას“ ან სხვა ტიპის ვაქციენები, რომლებიც დაბალ ტემპერატურას საჭიროებენ, ქვეყანაში სწრაფად დავნერგოთ. ამისთვის შესაბამისი თანამშრომლები მომზადებულია.
რაც შეეხება „მოდერნას“ ვაქცინას, რომელიც -20 გრადუსზეა, ასევე შეგვიძლია. მუნიციპალიტეტებში ჩვენ გვაქვს სამაცივრე დანადგარები -20-გრადუსიანი, სადაც შეგვიძლია „მოდერნას“ ვაქცინის დანერგვა.
რაც შეეხება ცივ ჯაჭვს „ფაიზერთან“ დაკავშირებით, სადაც მინუს სამოცდაათი-მინუს ოთხმოცი გრადუსი გვჭირდება, ასეთი ქვეყანაში 40-მდე მაცივარი გვაქვს, რომლებიც სხვადასხვა ტესტ-სისტემითაა დაკავებული. გაკეთდა შეფასება, რამდენის გამოთავისუფლება შეგვიძლია. ასევე შესყიდვის პროცესშია რამდენიმე ასეთი მაცივარი და თუ „ფაიზერის“ ვაქცინა გვექნება, ამ სისტემის გამართვა დიდ ქალაებში შეგვიძლია. ამდენად, ამ ვაქცინის იმპლემენტაციაც შესაძლებელი იქნება“, - განაცხადა ამირან გამყრელიძემ.
მისივე თქმით, კორონავირუსის ვაქცინაციის დანერგვის გეგმის პრეზენტაცია წლის ბოლოს გაიმართება.
imedinews.ge