ამირან გამყრელიძე - მივმართავ მოსახლეობას, ძალიან დიდი პასუხისმგებლობით მოვეკიდოთ კარანტინისა და თვითიზოლაციის სწორად დაცვას

ამირან გამყრელიძე - მივმართავ მოსახლეობას, ძალიან დიდი პასუხისმგებლობით მოვეკიდოთ კარანტინისა და თვითიზოლაციის სწორად დაცვას

access_time2020-03-25 22:15:47

მივმართავ მოსახლეობას, ძალიან დიდი პასუხისმგებლობით მოვეკიდოთ კარანტინისა  და თვითიზოლაციის  სწორად დაცვას, – ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ საქართველოს პირველი არხის საინფორმაციო გამოშვებაშიმოამბეგანაცხადა.


გაჩნდება თუ არა პირველივე სიმპტომები, აუცილებლად მივმართოთ კარანტინის სამედიცინო ზედამხედველობას, რომ სწრაფად მოხდეს ტესტირება და დადებითი პასუხის შემთხვევაში საავადმყოფოში გადაყვანა. ვინც თვითიზოლაციაშია , ვთხოვ, ნუ დაარღვევენ თვითიზოლაციის  წესს. ეს დარღვევები მაინც არის. თუმცა, ბევრად ნაკლები, ვიდრე იყო. განსაკუთრებით, საგანგებო მდგომარეობის შემოღების შემდეგ მოსახლეობა მეტად ემორჩილება კანონს, განაცხადა გამყრელიძემ.


როგორც დაავადებათა კონტროლის ცენტრის ხელმძღვანელმა აღნიშნა, კარანტინის თუ თვითიზოლაციის  პირობებში 14 დღის დაცვის შემთხვევაში, ინფექციის გავრცელების ალბათობა მინიმუმამდეა დასული, მაგრამ მედიცინაში არაფერია ასპროცენტიანი და უკვე აღწერილია თითო-ოროლა შემთხვევები, როცა ვირუსი ინკუბაციური პერიოდის გასვლის შემდეგაც შეიძლება, იყოს.



ამიტომ, ეს ყველაფერი ძალიან მკაცრად კონტროლდება და პირველ რიგში, უნდა იყოს თვითკონტროლი“, – განაცხადა გამყრელიძემ.

ამირან გამყრელიძემ ასევე განაცხადა, რომ შემთხვევათა ზრდა პირველ რიგში, იმპორტირებულ შემთხვევებზე იქნება.


ანუ, მაინც ჩვენი თანამემამულეებისგან, რომლებიც ქვეყანაში ბრუნდებიან. ამ 73 დადასტურებული შემთხვევიდან უცხოეთის მოქალაქე ორი თუ სამია, დანარჩენი კი ყველა ჩვენი თანამემამულეა. ყველას ისტორია დაკავშირებულია სხვადასხვა ქვეყნებიდან შემოსვლასთან ირანთან, იტალიასთან, საფრანგეთთან, ინგლისთან, აშშ-თან და .. რა თქმა უნდა, ჩვენი თანამემამულეები, ვისაც საქართველოში დაბრუნება უნდა, უნდა დაბრუნდნენ. ყველა ქვეყანა ასე აკეთებს და საქართველოც ასეა. ამიტომ, შემოტანილი შემთხვევები გვექნება. ამიტომ არის ეს მკაცრი კარანტინი და თვითიზოლაცია  აუცილებელი, რომელიც ყველამ უნდა დაიცვას, რომ შემდგომში, შიგნით გავრცელებას მაქსიმალურად ავარიდოთ თავი, განაცხადა ამირან გამყრელიძემ.


1.tv.ge





საქართველოში კორონავირუსი კიდევ 4426 ადამიანს დაუდასტურდა

საქართველოში კორონავირუსი კიდევ 4426 ადამიანს დაუდასტურდა
access_time2020-11-29 11:00:07
საქართველოში კორონავირუსი კიდევ 4426 ადამიანს დაუდასტურდა, 3721 კი გამოჯანმრთელდა. ამის შესახებ ინფორმაცია მთავრობის ადმინისტრაციამ გაავრცელა. ბოლო 24 საათის განმავლობაში საქართველოში 35 კოვიდინფიცირებული...

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია
access_time2020-11-28 23:51:10
ევრობასკეტის საკვალიფიკაციო ეტაპზე ერთმანეთს საქართველოსა და ფინეთის ნაკრებები დაუპირისპირდნენ. ვინაიდან მომდევნო წელს ევრობასკეტს საქართველო მასპინძლობს, ჩვენი ნაკრები ამ ტურნირზე ავტომატურად მოხვდა. მატჩი თანაბარ ბრძოლაში მიდიოდა. პირველი ტაიმი საქართველოს ნაკრებმა მინიმალური ანგარიშით მოიგო. მესამე მეოთხედში ფინეთმა მოგვიგო და ბოლო მეოთხედის წინ სიტუაცია დაძაბა.თუმცა საქართველოს ნაკრებმა ბოლო მეოთხედში ძალები მოიკრიბა, დალაგებულად ითამაშა და საბოლოოდ, 91:85...

27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...


მსგავსი სიახლეები

up