ამირან გამყრელიძე - გარწმუნებთ, კორონავირუსის შემთხვევათა მატება არის მართვადი და არ არის ის რიცხვი, რომელსაც ჩვენ ვერ მოვერევით

ამირან გამყრელიძე - გარწმუნებთ, კორონავირუსის შემთხვევათა მატება არის მართვადი და არ არის ის რიცხვი, რომელსაც ჩვენ ვერ მოვერევით

access_time2020-05-30 14:43:56

გარწმუნებთ, კორონავირუსის შემთხვევათა მატება არის მართვადი და არ არის ის რიცხვი, რომელსაც ჩვენ ვერ მოვერევით, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ჟურნალისტებთან საუბრისას განაცხადა.

ამირან გამყრელიძის თქმით, წინა დღეებში გამოვლინდა კორონავირუსის ახალი სამი, შემდეგ რვა და დღეს კი, 11 შემთხვევა, რაც არ არის დიდი რიცხვი.

„ეს არ არის ის რიცხვი, რომელსაც ჩვენ ვერ მოვერევით და ვერ ვმართავთ, ამიტომ აქ არ არის ერთი მხრივ საშიშროება და მეორე მხრივ, გვმართებს მეტი სიფრთხილე, რამეთუ შეზღუდვების შემსუბუქების შემდეგ მოსალოდნელიც იყო და არის, რომ შემთხვევათა რაოდენობამ იმატოს. მაგრამ ეს მატება ყოველთვის არის მართვადი და იქნება მართვადი, გარწმუნებთ“, – განაცხადა ამირან გამყრელიძემ.

ამასთან, ამირან გამყრელიძემ ჟურნალისტებს განუცხადა, რომ გუშინ ბოლნისში მნიშვნელოვანი კვლევა ჩატარდა.


„გუშინ ჩატარდა ძალიან მნიშვნელოვანი ღონისძიება – ყველაზე ცხელი წერტილი იცით, რომ გვაქვს ბოლნისის მუნიციპალიტეტში, სოფელ მუშევანში, სადაც ყველაზე მეტი შემთხვევა, 55 იყო მანამდე დაფიქსირებული პოზიტიური. ეს არის მოზრდილი სოფელი, სადღაც 700-მდე მცხოვრებით. აქედან, 55 ადამიანი ჩვენ გადაყვანილი გვყავდა სამკურნალოდ, დაახლოებით 60-მდე ადამიანი იყო გადაყვანილი კარანტინში. გუშინ მოეწყო ასეთი მასობრივი ტესტირების აქცია სოფელ მუშევანში, რომელიც ძალიან კარგად დააორგანიზა ადგილობრივმა ხელისუფლებამ და ბოლნისის მუნიციპალიტეტმა. ჩვენგან იყო რვა ბრიგადა ეპიდემიოლოგების, ასევე ერთი ბრიგადა იყო ადგილობრივი და მეც გახლდით იქ. ადგილზე ვნახეთ ყველაფერი. ხალხი იყო ძალიან ორგანიზებული, სოფლის ცხრა წერტილში ხდებოდა ბიოლოგიური ნიმუშების აღება და გუშინ შევძელით 574 პირის ბიოლოგიური ნიმუშის აღება.

მათ შორის, ნახევარზე მეტი უკვე ღამით იყო გამოკვლეული, ორი არის დადასტურებული შემთხვევა და დანარჩენების კვლევა დღეს კიდევ მიმდინარეობს და მოგვიანებით მოგახსენებთ“, – განაცხადა ამირან გამყრელიძემ.


1tv




ამერიკამ საქართველოს ხელისუფლებას ყვითელი შუქი აუნთო - გია ხუხაშვილი

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი
access_time2020-07-07 12:30:56
„ამერიკის შეერთებული შტატები საქართველოს სტიმულირების პოლიტიკიდან იძულების პოლიტიკაზე გადადის“, - ასე აფასებს პოლიტოლოგი გია ხუხაშვილი აშშ-ის კონგრესის წარმომადგენელთა პალატის საბიუჯეტო კომიტეტის მიერ დარეგისტრირებულ კანონპროექტს, რომელიც 2021 წელს საქართველოსთვის დახმარების სახით მისაღები თანხის 15 პროცენტის გაყინვას გულისხმობს. დოკუმენტის მიხედვით, შესაძლოა დაახლოებით 20 მლნ დოლარის გაცემა შეჩერდეს იქამდე, სანამ სახელმწიფო დეპარტამენტი არ დაადგენს, რომ საქართველოში...

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები
access_time2020-07-07 11:35:54
აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი. დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა აღნიშნულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-06 21:30:53
დღის Top-10 საინტერესო ამბავი 1.იპოთეკური სესხების სუბსიდირებით მთავრობა ბანკებს ბიუჯეტიდან 70 მლნ ლარს ჩუქნის საქართველოს მთავრობა ყველას ვინც 2020 წლის პირველი ივნისიდან 2021 წლის პირველ იანვრამდე აიღებს იპოთეკურ სესხს ლარში, 5 წლის ვადით სესხის 4%-ს...

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს
access_time2020-07-06 18:00:49
8 ივნისიდან სასტუმროებს საშუალება მიეცათ, რომ საცურაო აუზები გაეხსნათ, თუმცა ღია ტიპის აუზებს გახსნის ნებართვა მხოლოდ ხვალიდან, ისიც შემოწმების შემდეგ ექნებათ. მანამდე კი აუზებზე გაზრდილი მოთხოვნის დაკმაყოფილებას საქართველოს სასტუმროები შესაბამისი შეთავაზებებით ცდილობენ. რეგულაციების გათვალისწინებით, სასტუმროების აუზებით სარგებლობა სტუმრებს მხოლოდ ნომრის აღების შემთხვევაში შეუძლიათ. თუმცა, ქართულ სასტუმროებს მომხმარებლებისთვის დღის შეთავაზება აქვთ, რომელიც...

The Economist: ვინ მართავს მსოფლიოს?

The Economist: ვინ მართავს მსოფლიოს?
access_time2020-07-06 20:00:10
2008-2009 წლების კრიზისის შედეგად გლობალური ძალაუფლება დიდმა ოცეულმა გადაიბარა, რადგანაც ნათელი გახდა - დიდი შვიდეულის ფორმატი რეალობას უკვე არ შეესაბამებოდა.კორონავირუსის პანდემიამ კიდევ ერთი სიახლე გამოავლინა - გლობალური ლიდერის არარსებობა. ამჯერად დიდმა ოცეულმა საოცარი უსუსურობა გამოავლინა და თავი მხოლოდ ღარიბი ქვეყნებისთვის ვალების გასტუმრების გადავადებაზე რიტორიკით...


მსგავსი სიახლეები

up