ნიგოზის კრეფის სეზონი საქართველოში ოქტომბრის შუა რიცხვებში დაიწყება. ამ დროისთვის ქვეყანაში არსებული პლანტაციების დიდი ნაწილი შედარებით ახალია, რადგანაც მათი უმეტესობა სახელმწიფო პროგრამა „დანერგე მომავალი“-ს ფარგლებში, 2014 წლის შემდეგ გაშენდა.
ნიგოზის პლანტაციების მთლიანი ფართობი 2 808 ჰექტარს შეადგენს და თეორიულად ეს ნიშნავს, რომ მოსავალი 12 500 ტონა უნდა იყოს.
ქართველი მეთხილეები უპირატესობას ამერიკულ ჯიშ „ჩანდლერს“ ანიჭებენ, რომელიც მაღალი მოსავლიანობით გამოირჩევა. მნიშვნელოვან როლს ასევე თურქეთთან თანამშრომლობა ასრულებს, საიდანაც სათესლე მასალის იმპორტი ხდება.
რადგანაც ნიგოზს მომწიფებისთვის 5 წელი სჭირდება, ბევრი მეთხილე ამ წელს მოსავალს ჯერ არ ელოდება.
ზოგადად კი 2020 წელს ცუდი მოსავალია ნავარაუდევი. პირველ რიგში ეს კლიმატურ პირობებზეა დამოკიდებული. 2019 წლის ნოემბერში ამინდის მკვეთრი ცვალებადობა დაფიქსირდა. დღისით +18-დან ღამე -3-მამდე, რამაც რამდენიმე მსხვილ მწარმოებელს მოსავლის ნაწილი დააკარგინა. ზოგიერთ მეურნეობაში კი ნარგავების 90% განადგურდა.
მეორე ფაქტორი, რომელიც ამერიკული ნიგოზის მოსავალს საქართველოში ამცირებს, არის ცოდნის დეფიციტი. მეთხილეები თვლიან, რომ 2020-2021 წლებში მოსავალი უარესი იქნება, ვიდრე მოსალოდნელი იყო და ამის ერთ-ერთი მიზეზი ნიგოზის მოყვანის ტექნოლოგიის ცოდნის უკმარისობაა.
ზოგიერთმა მეთხილემ დაბალი ფასის გამო უხარისხო სათესლე მასალა იყიდა და საერთოდ ვერანაირი სარგებელი ვერ მიიღო, ვინც ფული არ დაზოგა - მიხვდა, რომ „ჩადნლერის“ რომლის მოვლაც ადვილი არაა ამიტომ მსხვილი მეურნეობები კონსულტაციებს ესპანელ, იტალიელ და თურქ აგრონომებთან გადიან.
სირთულეების მიუხედავად, რამდენიმე წლის შემდეგ საქართველო ნიგოზის შიდა მოთხოვნის დაკმაყოფილებას შეძლებს, მითუმეტეს მაშინ, როდესაც ქვეყანაში ამ პროდუქტის მოხმარება ერთ სულ მოსახლეზე ერთ-ერთი ყველაზე დიდია მსოფლიოში. შიდა მოთხოვნის დაკმაყოფილების შემდეგ ფერმერები ექსპორტზე დაფიქრებასაც გეგმავენ.
პანდემიამ ნიგოზის წარმოებაზე დიდი გავლენა არ მოახდინა თუმცა, მოთხოვნის შემცირების საფრთხე ნამდვილად არსებობს - საქართველოში ამ პროდუქტის მთავარი მომხმარებელია სასტუმრო და სარესტორნო ბიზნესი, რომელიც პანდემიის გამო დღეს უმძიმეს მდგომარეობაშია.
სავარაუდოდ, 2020 წელს შესასყიდი ფასი 1 კილო გარჩეულ ნიგოზზე 24-26, ხოლო ქერქიანზე - 8-9 ლარი იქნება.
არსებული პრობლემების მიუხედავად, პლანტაციების მფლობელები თვლიან, რომ ახლო მომავალში ნიგოზის მოყვანა მომგებიანი ბიზნესი გახდება, რადგანაც საქართველოში ამ პროდუქტის კულტივირებისთვის იდეალური კლიმატური პირობებია, ხოლო მოთხოვნა საერთაშორისო ბაზარზე ყოველწლიურად იზრდება.
east-fruit.com
მოამზადა თენგიზ აბლოთიამ