ნავთობის ბაზრზე ფასების უპრეცედენტოდ დაცემამ, ბარელზე – 40 დოლარი, მთელ მსოფლიოში ბევრი ქვეყნის ეკონომიკა გადარჩენის ზღვარამდე მიიყვანა და ამასთან, ბაზარზე მოვაჭრე ათასობით სპეკულიანტი გააკოტრა. თუმცა, ეს პროცესი Goldman Sachs-ის ტრეიდერებისთვის “ოქროს მაღარო” აღმოჩნდა. მათ ფიუჩერსული კონტრაქტების ვაჭრობის ბაზარზე მოახერხეს ბოლო პერიოდში ერთ-ერთი საუკეთესო შედეგის ჩვენება ბოლო 10 წლის განმავლობაში.
„ბლუმბერგის“ ინფორმაციით, იანვარ-მაისში ბანკის სასაქონლო აქტივების განყოფილებამ 1 მილიარდი დოლარი გამოიმუშავა, რომელთა უმრავლესობა ნავთობის ბაზარზე ფასების ვარდნის დროს ვაჭრობას უკავშირდება.
Goldmen Sachs-ის წარმატება უკავშირდება სინგაპურსა და ლონდონში სასაქონლო ვაჭრობას. აზიაში, წლის დასაწყისში, როდესაც კორონავირუსული მდგომარეობა მძვინვარებდა, ბანკის ტრეიდერებმა ნავთობის ბაზარზე მოწინავე პოზიციები დაიჭირეს. ლონდონში, კომპანიის წარმომადგენელმა, ფსონები ამერიკული, WTI ტიპის ნავთობის ფასების კლებაზე გააკეთა, შევსებული მარაგების და ნავთობზე მოთხოვნის შემცირების გათვალისწინებით.
გაზეთი „ბანკები და ფინანსები“