„ამერიკული ნავთობის ფასის დაცემა ჩვენზე შემოსავლების კუთხით უარყოფითად მოქმედებს“

„ამერიკული ნავთობის ფასის დაცემა ჩვენზე შემოსავლების კუთხით უარყოფითად მოქმედებს“

access_time2020-04-22 19:30:15

ისტორიაში პირველად, ამერიკული ნავთობის ფასი ორშაბათის მონაცემებით, 0-ს ჩამოსცდა და უარყოფით ნიშნულზე იყო. რაც იმას ნიშნავს, რომ ნავთობის გამყიდველები პირიქით იმ მყიდველებს უხდიან, რომლებიც პროდუქციის შენახვას საკუთარ თავზე აიღებენ. საუბარია მაისის ბოლო დღეების ფიუჩერსებზე (კონტრაქტებზე), რადგან გუშინ შეძენილ პროდუქციას მყიდველები სწორედ ამ თარიღებში მიიღებენ.


„თიბისი ჯგუფის“ მთავარი ეკონომისტი ოთარ ნადარაია ამბობს, რომ ამერიკული ნავთობის ფასის დაცემა ლარის კურსზე განსაკუთრებულ გავლენას ვერ მოახდენს, თუმცა შემოსავლების კუთხით ეს უარყოფითად მოქმედებს საქართველოზე, ჩვენი ნავთობზე დამოკიდებული ეკონომიკურ პარტნიორებზე უარყოფითი ზეგავლენის გამო.


„ამერიკული ნავთობის ფასის დაცემა და მისი უარყოფითი მაჩვენებელი დროებითია, რადგანაც შემდეგი პერიოდის ფიუჩერსები არ არის ასე შემცირებული. თუმცა, რა თქმა უნდა შემოსავლების კუთხით ეს უარყოფითად მოქმედებს ჩვენზე, ჩვენი ნავთობზე დამოკიდებულ ეკონომიკური პარტნიორებზე უარყოფითი ზეგავლენის გამო, რაც ამ ეტაპზე უფრო მეტია ვიდრე დაბალი ნავთობის ფასიდან გამომდინარე ნაკლები იმპორტიდან მიღებული დადებითი ეფექტი. საბაზო სცენარით, 2020 წლის ბოლოსათვის ბრენტის ტიპის ნავთობზე ფასის დაახლოებით 40 დოლარამდე ზრდა გვაქვს გათვალისწინებული. ეს ფასი მნიშვნელოვნად ნაკლებია COVID-19-ის კრიზისამდე არსებულ, დაახლოებით 65 დოლარის ნიშნულზე, თუმცა ის ჩვენი ნავთობზე დამოკიდებული ეკონომიკური პარტნიორებისთვის მაინც მნიშვნელოვანი დამაბალანსებელი ფაქტორი იქნება“, - განმარტავს ოთარ ნადარაია.



ოთარ ნადარაია ლარის კურსის გაუფასურების მოლოდინზეც საუბრობს და ამბობს, რომ ლარი დოლართან მიმართებაში შესაძლოა დაახლოებით 3.3-მდეც გაუფასურდეს, თუმცა წლის ბოლოსთვის 3.1-ს მიაღწევს.


„ამ პერიოდში ლარი შესაძლოა მცირედით გაუფასურდეს. თიბისი კაპიტალის მოდელის მიხედვით დაახლოებით 3.3-მდე აშშ დოლართან მიმართებაში. თუმცა, წლის ბოლოსთვის 3.1-ს ვფიქრობთ, ისევ და ისევ იმის გათვალისწინებით, რომ სხვა ვალუტების გავლენა რა იქნება, რა იქნება ვალუტის შემოდინება-გადინების ბალანსი და ეროვნული ბანკის მიდგომა. მე ვფიქრობ, რომ ჩვენს რეალობაში, ვალუტის მიწოდების შემცირებას აუცილებლად თან ახლავს ლარის მიწოდების შედარებით ნაკლები ოდენობა. სხვაგვარად მაკროეკონომიკური სტაბილურობის შენარჩუნება პრობლემურია. ზემოაღნიშნული სცენარით, 2020 წელს ინფლაცია დაახლოებით 5-6%-მდე იქნება და ლარის კიდევ უფრო მკვეთრი გაუფასურება თავისთავად ფასების ზრდაზე კიდევ უფრო მეტ ზეწოლას განაპირობებს. ასევე, ჩემი აზრით, მინიმუმ არაა გამორიცხული რომ საქართველოს რეალობაში გაუფასურება ეკონომიკის ზრდას არათუ არ ზრდის, არამედ ამცირებს კიდეც. ვალუტის მიწოდების კუთხით, გარდა უკვე პრაქტიკულად მობილიზებული საგარეო დახმარებებისა, ვფიქრობ რომ უკვე გაჟღერებული ე.წ. სავალუტო ჰეჯირების სქემა ძალზედ ეფექტიანი იქნება“, - ამბობს ოთარ ნადარაია.


ნინო თამაზაშვილი





ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up