დღეს, კვირას, 31 ოქტომბერს, American Airlines-მა გააუქმა 634 ფრენა, თითქმის ყოველი მეოთხე ფრენა დღის განმავლობაში. ავიაკომპანიამ პარასკევის შემდეგ ჯამში 1500-ზე მეტი ფრენა გააუქმა. მიზეზად გაუარესებული ამინდი, ძლიერი ქარი და პერსონალის დეფიციტია, რომელიც გასულ კვირას დაიწყო.

ფრენების თვალთვალის ვებსაიტის FlightAware-ის მიხედვით, ავიაკომპანიამ შაბათს, 30 ოქტომბერს,  გააუქმა 543 ფრენა, რაც მისი ოპერაციების დაახლოებით 20%-ია. შაბათს 4967 ფრენა იყო დაგეგმილი.

პარასკევს, 29 ოქტომბერს, FlightAware-მა აჩვენა 738 ფრენა, რაც ამერიკული ოპერაციების თითქმის მეოთხედი იყო, გადაიდო და ჯამში 342 ფრენა გაუქმდა

2020 წლის დასაწყისში, როვა ავიაფრენები ნულს გაუტოლდა, ავიასექტორიდან კადრების გადინება დაიწყო.  ავიაკომპანიებმა შესთავაზეს თანამშრომლებს შესყიდვები და ვადამდელი საპენსიო პაკეტები, რათა შეემცირებინათ ხარჯები, თუმცა ამან მხოლოდ ნაწილობრივ შეძლო თანამშრომლების ადგილზე დამაგრება. სტაფის ნაწილი შვებულებაშია და ჯამში კომპანიას შემცირებული თანამშრომლებით უწევს ოპერირება. კომპანია აცხადებს, რომ 1,800 ბორტგამცილებელი ორშაბათიდან დაბრუნდება შვებულებიდან. კიდევ უფრო მეტი სამსახურში დაბრუნდება 1 დეკემბრისთვის. ავიაკომპანიამ ისიც განაცხადა, რომ გაზრდის თანამშრომელთა დაქირავებას მეოთხე კვარტალში.

ცნობისთვის, საჰაერო მგზავრობაზე მოთხოვნის მატების პარალელურად, American Airlines-ის მსგავსად, სხვა ავიაკომპანიებსაც გაუჭირდათ სრულფასოვანი  ოპერირების განახლება. 

ავტორი: ბელა გელაშვილი