კორონავირუსის ეპიდემიის ეპიცენტრად ქცეული ქალაქ უხანის ხელისუფლებამ გააუქმა 2 თვის მანძილზე მოქმედი კარანტინი, მაგრამ ადგილობრივი მოსახლეობა სკეპტიკურად უყურებს ვირუსით გარდაცვლილთა ოფიციალური სტატისტიკას.ჩინეთის მთავრობის მონაცემებით, ეპიდემიას უხანში 2500 ადამიანი ემსხვერპლა.
კვირის დასაწყისიდან ხელისუფლებამ დაიწყო გარდაცვლილი ადამიანების ფერფლის გადაცემა ნათესავებისთვის - საშუალოდ დღეში 500 ყუთი.თუმცა, არსებობს სერიოზული ეჭვები, რომ კორონავირუსგან გარდაიცვალა გაცილებით მეტი ადამიანი, ვიდრე ამას ოფიციალური პეკინი ამბობს.
„ეს შეუძლებელია. კრემატორიუმები მუშაობდა 24 საათი დღე-ღამეში. მაშინ როგორ გარდაიცვალა ასე ცოტა ადამიანი?“ - სვამს კითხვას უხანის მაცხოვრებელი სახელად ჩჟანი.
მიცვალებულთა ფერფლის დარიგება და რიტუალების შესრულება ორშაბათს დაიწყო. ამ საქმით დაკავებულია ქალაქის 7 უმსხვილესი დამკრძალავი ბიურო. სოციალურ ქსელებში გავრცელებული ინფორმაციით, ყოველდღიურად ისინი ნათესავებს არა 500-ს, არამდე 3500 ყუთს ურიგებენ.
ადგილობრივი ხელისუფლების განცხადებით, ეს პროცესი 5 აპრილს დასრულდება. თუ ყველაფერი ასეთი ტემპებით გაგრძელდა, ოჯახებს 42 000 დაღუპული ადამიანის ფერფლი გადაეცემა.
გარდაცვლილთა რაოდენობის შეფასება შესაძლებელია კრემატორიუმების ფუნქციონირების რეჟიმის მიხედვითაც. უხანში მოქმედებს 84 ღუმელი, 1 ადამიანის კრემაციას სჭირდება 1 საათი, ქალაქის ყველა ობიექტს შეუძლია დღე-ღამეში 1560 ადამიანის კრემეაცია მაოხდინოს.
იმის გათვალისწინებით რომ ყველა კრემატორიუმი მუშაობდა 24 საათი დღე-ღამეში, სავარაუდოდ, დაღუპულთა რეალური რაოდენობა 40 000-ს აღემატება.
ადგილობრივ ხელისუფლებასთან დაახლოებული წყარო ამტკიცებს, რომ უხანში ბევრი ადამიანი გარდაიცვალა სახლში და ამიტომ ოფიციალურ სტატისტიკაში ვერ მოხვდა. ამავე წყაროს ინფორმაციით, მხოლოდ 1 თვის მანძილზე უხანში მოხდა 28 000 კრემაცია, რაც ნიშნავს იმას, რომ სოციალურ ქსელებში გაჟღერებული ციფრი რეალობასთან ახლოსაა.
უხანში მცხოვრები ჩენ იაოჰუეის თქმით, ქალაქის ხელისუფლება ურიგებს დაღუპულთა ოჯახებს 400 დოლარს - ოფიციალურად დასაფლებასთან დაკავშირებულ ხარჯებზე, რეალურად კი - დუმილის სანაცვლოდ.
მისი თქმით, ქალაქში აშკარად ძალიან ბევრი ადამიანი ატარებს სამგლოვიარო ცერემონიებს, ეს ასევე ბადებს ეჭვებს გარდაცვლილთა რაოდენობის თაობაზე.
წყარო:golos-ameriki.ru
ჩინეთი
