2021 წელს 9 უმსხვილესი ამერიკული მაღალტექნოლოგიური კომპანია ვალდებული იქნება ჩააბაროს აშშ-ს ფედერალურ სავაჭრო კომისიას ანგარიში მათ მიერ პერსონალური მონაცემების შეგროვების და გადამუშავების თაობაზე.
რეგულატორის ყურადღების ცენტრში 9 კომპანიაა - Amazon, Facebook, Twitter, ByteDance (TikTok-ს მფლობელი), მესენჯერი Discord, ახალი ამბების სოციალური ქსელი Reddit, მესენჯერები Snap და WhatsApp და YouTube.
უწყების შეკითხვებზე პასუხების გასაცემად კომპანიებს 45 დღე ექნებათ.
შეკითხვები კი შემდეგია - როგორ აგროვებენ და ამუშავებენ ინფორმაციას კომპანიები? როგორც ადგენენ რომელი რეკლამა რომელ აუდიტორიას უნდა აჩვენონ, იყენებენ თუ არა ისინი სპეციალურ ალგორიტმებს პირადი ინფორმაციის გადასამუშავებლად? როგო მოქმედებს მათი საქმიანობა ბავშვებზე და მოზარდებზე?
IT-კომპანიები ახალ შეტევას ძირითადად მშვიდად შეხვდნენ - Twitter-ში განაცხადეს, რომ შეეცდებიან აუხსნან სახელმწიფოს მათი სერვისი როგორ მუშაობს, Reddit და Discord-მა კი ფედერალურ სამსახურთან თანამშრომლობის მზადყოფნა გამოხატეს.
დანარჩენი კომპანიები ან ეტაპზე ფედერალური სავაჭრო კომისიის მოთხოვნაზე კომენტარებისგან თავს იკავებენ.
რა აწუხებს რეგულატორს?
სოციალური ქსელები თანამედროვე მსოფლიოში ყოველდღიურ ნორმად იქცნენ, თუმცა, მათი გადაწყვეტილებები და ტექნოლოგიები დღემდე უცნობი რჩება საზოგადოებისთვის.
კრიტიკული კითხვები ბიზნეს-მოდელებზე, მუშაობის ალგორიტმებზე, მონაცემების გამოყენებაზე - დღემდე უპასუხოდ რჩება.
„ჩვენ ძალიან ცოტა ვიცით იმ კომპანიებზე, რომლებმაც ჩვენზე ყველაფერი იციან, და ეს სერიოზული პრობლემაა“ - ნათქვამია კომისიის მიმართვაში.
კომპანიები, რომლებიც სოციალურ ქსელებს და სტიმინგ-ვიდეო-პლათფორმებს ფლობენ და მართავენ, მომხმარებლებს მუდმივად უთვალთვალებენ, და მათ შესახებ ყველაფერი იციან.
ფედერალური სავაჭრო კომისიის ინიციატივა არის მათი საქმიანობის სამართლებრივ და რეგულირებად ჩარჩოებში მოქცევის მცდელობა.
რითი ემუქრება ეს IT-გიგანტებს?
ინიციატივა დაუყოვნებლივ დაჯარიმებას არ გულისხმობს, თუმცა, მიღებული ინფორმაცია შესაძლოა ფედერალური სამსახურისთვის შემდგომი პრეტენზიების საფუძველი გახდეს - კომისიას კომპანიებისგან ნებისმიერი ინფორმაციის მიღების და ბიზნესის წარმოების უსამართლო მეთოდების გამო სანქციების დაკისრების უფლება აქვს.
მიღებული ინფორმაცია შესაძლოა ახალი საჩივრის საფუძველი გახდეს, და მაშინ მრავალმილიარდიანი ჯარიმები გარდაუვალი იქნება.
ეს სახელმწიფოს მხრიდან ინტერნეტ-გიგანტებზე შეტევის პირველი შემთხვევა არა - სულ რამდენიმე დღის წინ 46 შტატის გენერალურმა პროკურორმა ფედერალურ სავაჭრო კომისიასთან ერთად სასამართლოში Facebook-ის წინაამღდეგ საჩივრები შეიტანეს - ისინი სოციალური ქსელისგან Instagram -ის და WhatsApp-ს გაყიდვას მოითხოვენ.
გარდა ამისა 16 დეკემბერს 10 შტატის გენერალურმა პროკურორმა Google-ის და Facebook-ის წინაამღდეგ კოლექტიური საჩივრები შეიტანეს. ისინი IT-გიგანტებს სარეკლამო ბაზარზე მოგების მიღების მიზნით სისტემატურ გარიგებებში ადანაშაულებენ.
ეს მრავალრიცხოვანი პრეტენზიების და საჩივრების მხოლოდ მცირე ნაწილია. ბოლო წლებში სხვადასხვა ინსტანციების გადაწყვეტილებებით, როგორც შტატებში, ასევე ევროპაში, IT-გიგანტებს ათობით მილიარდი დოლარის ჯარიმების გადახდა მოუწიათ.
forbes.ru
მოამზადა თენგიზ აბლოთიამ
აშშ
