შობის ბრწყინვალე დღესასწაულთან დაკავშირებით, ამერიკის მეგობართა კლუბმა, სასტუმრო “ბილტმორში“ განხორციელა საქველმოქმედო ღონისძიება “გვახსოვდეს ჩვენი გმირები“, რომლის ფარგლებშიც ჯარისკაცების ოჯახის წევრებს საშობაო საჩუქრები გადაეცათ.

წვეულებაზე მოწვეული იყვნენ 2008 წელს - რუსეთის ფედერაციასთან საომარი მოქმედების დროს, საქართველოს ტერიტორიული მთლიანობის დაცვისთვისთვის დაღპული სამხედრო მოსამსახურეების მეუღლეები და შვილები. ასევე, საშობაო ღონისძიებას ესწრებოდნენ საერთაშორისო მისიებში დაღუპული სამხედრო მოსამსახურეების ოჯახის წევრები.

პროექტი “გვახსოვდეს ჩვენი გმირები“ მეთერთმეტე წელია ხორციელდება და მისი მიზანია დავძლიოთ ომის შედეგად მიღებული აუნაზღაურებელი დანაკლისი. მოუშუშებელი ტკივილის მიუხედავად პატივი მივაგოთ საქართველოს შეიარაღებული ძალების ჯარისკაცების ხსოვნას და მოკრძალებული წვლილი შევიტანოთ ჩვენი თავდადებული მეომრების სახელების უკვდავსაყოფად. მადლობა გადაუხადოთ გმირი ჯარისკაცების ოჯახის წევრებს და დავარწმუნოთ ისინი, რომ ქართული სახელმწიფო საერთაშორისო საზოგადოებასთან ერთად მადლიერია მათი.

კიდევ ერთხელ მთელ საქართველოს მივულოცავ ამ ძვირფას დღესასწაულს, რომელიც ბრწყინვალე განწყობით ავღნიშნეთ ყველამ ერთად - განაცხადა ამერიკის მეგობართა კლუბის პრეზიდენტმა ილია ზუკაკივილმა.

ამერიკის მეგობართა კლუბი, მადლობას უხდის პარტნიორ კომპანიებს ღონისძიების სპონსორობისთვის; ამერიკული კომპანია KVG, კომპანია PSP PHARMA, სასტუმრო ბილტმორი, ლიბერთი ბანკი, თბილისის საკრებულო, კომპანია ენერჯი, კომპანია პიერ ნატურალსი და McDonald's Georgia.