აშშ-ის კონგრესის წარმომადგენელთა პალატამ ქვეყნის ყოველწლიური თავდაცვითი ბიუჯეტი დაამტკიცა. დოკუმენტში შეტანილია 3 პუნქტი, რომელიც რუსეთის წინააღმდეგ დამატებითი სანქციების დაწესებას გეგმავს.
კერძოდ, კონგრესმენმა ბრედ შერმანმა კოლეგებს შესწორება შესთავაზა, რომელიც რუსული სახელმწიფო ობლიგაციების შესყიდვაზე შეზღუდვებს აფართოებს. ჯო ბაიდენმა აპრილში შემოიღო ამ კუთხით შეზღუდვები, თუმცა მხოლოდ ნაწილობრივი - ამერიკულ საფინანსო კომპანიებს რუსული სახელმწიფო ვალის პირველად ბაზარზე მუშაობა აეკრძალათ, თუმცა, მეორადზე შეუნარჩუნდათ.
შერმანის შესწორების მიღების შემთხვევაში ამერიკელ ინვესტორებს რუსული ობლიგაციების ყიდვა-გაყიდვა სრულად 2 თვეში, თავდაცვის ბიუჯეტის ძალაში შესვლის შემდეგ აეკრძალებათ.
დემოკრატი ტომ მალინოვსკის მიერ შეთავაზებული პუნქტი ე.წ. „ნავალნის სიის“ შედგენას გულისხმობს, რომელიც შესაძლებელს გახდის მათ წინააღმდეგ პერსონალური სანქციების შემოღებას - ისე, როგორს ეს „მაგნიმსკის სიის“ შემთხვევაში იყო.
სავარაუდოდ, ჩამონათვალში პრემიერ-მინისტრი მიხაილ მიშუსტინი, კრემლის პრეს-მდივანი დმიტრი პესკოვი, ცენტრალური საარჩევნო კომისიის თავმჯდომარე ელა პამფილოვა, მოსკოვის მერი სერგეი სობიანინი, ბიზნესმენები რომან აბრამოვიჩი და ალიშერ უსმანოვი, ტელეწამყვანი ვლადიმერ სოლოვიოვი, ტელეკომპანია RT-ს მთავარი რედაქტორი მაგრარიტა სიმონიანი და სხვები შევლენ.
მესამე შესწორება, რომელიც წარადგინა რესპუბლიკელმა მაიკლ მაკკოლმა, „ჩრდილოეთის ნაკადი-2“-ის დაგეგმარებასთან, მშენებლობასთან, და ექსპლუატაციასთან დაკავშირებული კომპანიების წინააღმდეგ სანქციების შემოღებას გულისხმობს.
რუსი ექსპერტების აზრით, არც ერთი შეთავაზებული ზომა რუსეთისთვის კრიტიკული არაა.
მაგალითად, „ნავალნის სია“ სანქციების შემოღებას როგორც ასეთს არ ითვალისწინებს, ის მხოლოდ განსაზღვრავს პირთა იმ წრეს, რომლის წინააღმდეგ შესაძლებელი იქნება პერსონალური შეზღუდვების შემოღება. ასეთი ტიპის არაერთი სია არსებობს, თუმცა, მათი ფიგურანტების მიმართ ხშირ შემთხვევაში არანაირი ზომები მიღებული აქ იქნა.
რაც შეეხება გაზსადენს, მის და მასთან დაკავშირებული კომპანიების წინააღმდეგ სანქციების მიღება პროექტისთვის მძიმე დარტყმა იქნებოდა, მაგრამ ეს ეწინააღმდეგება ბაიდენის პოლიტიკას ამ საკითხში, რომელიც გაზსადენის ამუშავებისთვის ხელის შეშლას არ ითვალისწინებს.
სწორედ ჯო ბაიდენის და ანგელა მერკელის ერთობლივმა დეკლარაციამ ახალი გაზსადენის მშენებლობის დასრულებას ფაქტობრივად მწვანე აუნთო.
სავარაუდოდ კრიტიკული არც ობლიგაციების წინააღმდეგ მიღებული სანქციები იქნება - Fitch Ratings-ის მონაცემებით, უკვე დღეს არსებული პირველადი ბაზრის მიმართ აკრძალვა დიდი ეფექტურობით არ გამოირჩევა - ამერიკელი ინვესტორების წილი შემცირდა, ხოლო მათი ადგილი ნაწილობრივ რუსულმა ბანკებმა დაიკავეს.
ამ დროისთვის რუსული სახელმწიფო ფასიანი ქაღალდების ბაზაზე უცხოელი ინვესტორების წილი 21%ს-ს შეადგენს, მაშინ, როდესაც 2019 წელს, სანქციების შემოღებამდე 30% იყო - სხვაობა არის, თუმცა არა კრიტიკული.
rbc.ru