ამაზონის ტროპიკული ტყის შუაგულში მცხოვრები მურას ტომის წარმომადგენლები აცხადებენ, რომ თავიანთ მიწას არ დატოვებენ [ფოტო]

ამაზონის ტროპიკული ტყის შუაგულში მცხოვრები მურას ტომის წარმომადგენლები აცხადებენ, რომ თავიანთ მიწას არ დატოვებენ [ფოტო]

access_time2019-08-23 22:00:02

ამაზონის ტროპიკული ტყის შუაგულში მცხოვრები მურას ტომის წარმომადგენლები აცხადებენ, რომ თავიანთ მიწას არ დატოვებენ, თუნდაც ეს სიცოცხლის ფასად დაუჯდეთ. ამაზონის ტყის მკვიდრი ტომის წარმომადგენლის განცხადებას სააგენტო „როიტერი“ ავრცელებს.


მურას ტომს ამაზონის ტყის დასაცავად ბრძოლის მრავასაუკუნოვანი ისტორია აქვს. დღეს ბრაზილიაში მურას დაახლოებით 15 ათასი წარმომადგენელი ცხოვრობს. მკვიდრი ტომისთვის ამაზონის ტყეში სპეციალური ზონებია გამოყოფილი, სადაც მათ წინაპართა ტრადიციების შესაბამისად თევზჭერა და ტყის პროდუქტების მოპოვება შეუძლიათ. დღეს მურას ტომის ბევრი წარმომადგენელი შიშობს, რომ ამაზონის ტყის განადგურება მათ ტრადიციებს საფრთხეს უქმნის. მურას ტომის ლიდერი პირობას დებს, რომ ფერმერებისგან, გაჩეხვისგან და ხანძრებისგან ტყის დასაცავად ყველაფერს გააკეთებს.


„ეს განადგურებაა. ამ ტყისთვის მე მზად ვარ სისხლის ბოლო წვეთამდე ვიბრძოლო. ამ ხეების სიცოცხლე განადგურებულია. თქვენ ხედავთ ამ ზარალს, თეთრკანიანი ადამიანის მიზანი ამის დასრულებაა. ჩვენი მიზანი კი ამ მიწის, ბუნების, ხეებისა და ცხოველების დაცვაა. ის რაც აქ გაკეთდა ჩვენს წინააღმდეგ ჩადენილი სისასტიკეა. არავინ ელოდა, რომ ეს მოხდებოდა, თუმცა ეს მოხდა და ჩვენ ამას ვგრძნობთ. წლების განმავლობაში ჩვენ წინააღმდეგობის გაწევას ვცდილობთ. ყოველდღიურად ჩვენ ვხედავთ ტყის ჩეხვას, ინტერვენციას. ტყე კვდება, ჩვენ ვგრძნობთ კლიმატურ ცვლილებებს. მსოფლიოს სჭირდება ეს ტყე. ჩვენ და ჩვენს შვილებს სჭიდება ის“, – განაცხადა ტომის ლიდერმა რაიმუნდო მურამ.


ეკოლოგების ნაწილი ამაზონის ტყეში გაჩენილ ხანძრის კერების სიმრავლეს ბრაზილიის პრეზიდენტის ჟაირ ბოლსონარუს პოლიტიკას უკავშირებს. ეკოლოგიური ორგანიზაცია „გრინფისი“ მიიჩნევს, რომ მიმდინარე წელს ხანძრის კერების მკვეთრი ზრდა ტერიტორიის ტყისგან გაწმენდას ემსახურება, რათა აღნიშნულ რეგიონში მომპოვებელი საწარმოები განვითარდეს და ფერმები შეიქმნას. აღსანიშნავია, რომ ბოლსონარუ ფერემერებისთვის ეკოლოგიური ჯარიმების წინააღმდეგ გამოდის და ადგილობრივი ნაკრძალების განვითარებისთვის გახსნას ემხრობა.



ამჟამად „დედამიწის ფილტვებად“ წოდებული ამაზონის ტყეში ხანძრის ათასობით კერაა დაფიქსირებული. ამაზონის ტყეში გაჩენილი ხანძარი გლობალური ეკოლოგიური კატასტროფის საფრთხეა, რადგან ეს ტროპიკული ტყე პლანეტის ჟანგბადის 20 პროცენტს გამოიმუშავებს.






1ტვ


თეგები:
მურას ტომი



დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან

დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან
access_time2020-01-25 16:30:27
...

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია თიბისი...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

ანაკლია და საქართველოს ადგილი „ახალი აბრეშუმის სავაჭრო გზაზე“

ანაკლია და საქართველოს ადგილი „ახალი აბრეშუმის სავაჭრო გზაზე“
access_time2020-01-25 18:00:28
შუა საუკუნეებში საქართველოს საგარეო პოლიტიკური კურსი ძირითადად სამხრეთით - სომხეთისა და შირვანისკენ (თანამედროვე აზერბაიჯანი) იყო მიმართული. წერილობით წყაროებში შემორჩენილი მწირი ინფორმაციის თანახმად, შავი ზღვის მიმართულებას ნაკლები ყურადღება ეთმობოდა. მხოლოდ XVII საუკუნიდან მოგვეპოვება მრავალი ცნობა ხელსაყრელი საპორტო ადგილის შესახებ, რომელიც უკვე “ანაკლიად” მოიხსენიება.   აღსანიშნავია, რომ ანაკლიის საპორტო აქტივობა დაემთხვა დასავლეთ საქართველოში საქალაქო ცხოვრების ზოგად...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...


მსგავსი სიახლეები

up