Amazon-მა გამოაქვეყნა  ზედიზედ მეორე კვარტალური ზარალი, მაგრამ მისმა შემოსავალმა გადააჭარბა Wall Street-ის მოლოდინებს, რამაც კომპანიის აქციები მკვეთრად გაზარდა. ელექტრონული კომერციის გიგანტმა განმარტა, რომ პროგრესს აღწევს COVID-19 პანდემიის დროს მისი მასიური გაფართოებით წარმოქმნილი ჭარბი ხარჯების კონტროლში.

ამაზონმა დაკარგა 2,03 მილიარდი აშშ დოლარი, ანუ 20 ცენტი თითო აქციაზე, 30 ივნისს დასრულებული სამთვიან პერიოდში. მან დააფიქსირა 3,84 მილიარდი აშშ დოლარის ზარალი წლევანდელ პირველ კვარტალში, მისი პირველი კვარტალური ზარალი 2015 წლის შემდეგ. 

რაც შეეხება შემოსავლებს, აღნიშნულმა 121.2 მილიარდი დოლარი შეადგინა, რაც 119 მილიარდი აშშ დოლარის პროგნოზირებულ მაჩვენებელს აღემატება. აღნიშნული შედეგი დადგა მას შემდეგ რაც ამაზონი ცდილობს შეამციროს დანახარჯები, საწყობების სიჭარბე, რომელიც COVID-19 პანდემიის დროს წარმოექმნა.

ცნობისთვის, 2019-დან 2021 წლამდე Amazon-მა თითქმის გააორმაგა იმ საწყობებისა რაოდენობა, რომლებსაც იჯარით იღებდა და ფლობდა, რათა შეენარჩუნებინა მზარდი მომხმარებელთა მოთხოვნა. მაგრამ როდესაც მომხმარებლებმა შეცვალეს თავიანთი ჩვევები, Amazon აღმოჩნდა ძალიან ბევრი მუშაკით და ძალიან ბევრი ადგილით, რამაც მილიარდობით დამატებითი ხარჯები დაამატა. 

წყარო: THE ECONOMIC TIMES