Amazon-ის ბრენდის ტელევიზორები აშშ-ს ბაზარზე ოქტომბრიდან გამოჩნდება

Amazon-ის ბრენდის ტელევიზორები აშშ-ს ბაზარზე ოქტომბრიდან გამოჩნდება

access_time2021-09-03 23:30:00

Business Insider-ის ექსკლუზივით, კომპანია Amazon საკუთარი ტელევიზორის გამოშვებას აპირებს, რომელიც აშშ-ს ბაზარზე ოქტომბერში გამოჩნდება. ეს კომპანიის შიგნით მეტად დაცული კომერციული საიდუმლოებაა, რომელზეც ორი წელია, Amazon Devices-ისა და Lab126-ის გუნდი მუშაობს.



გასული წლის ბოლოსთვის კომპანიამ ინდოეთში AmazonBasics TV უკვე ჩაუშვა. თუმცა ეს ტელევიზორები მწარმოებლის ბრენდის, მაგალითად, Toshiba-ს სახელს ატარებენ. იმ პერიოდში Amazon სხვა მწარმოებლებთან გაერთიანდა, რათა Fire TV-ის პროგრამული უზრუნველყოფის ტელევიზორები ექსკლუზიურიად გაეყიდა.



ამჯერად უკვე Amazon-ის ბრენდით გამოშვებული ტელევიზორები ონლაინ კომერციის გიგანტს პირდაპირ კონკურენტად ხდის ელექტრონიკის ისეთი მწარმოებლებისთვის, როგორიცაა Samsung, LG და Sony. მითუმეტეს, ისინი თავის პროდუქციას ხშირ შემთხვევაში Amazon-ის ონლაინ-ბაზარზე ყიდიან. ტელევიზორებს, რომლებიც Alexa-ს ხმოვანი ასისტენტით იმუშავებენ, ამ ეტაპზე მესამე მხარე შეიმუშავებს და აწარმებს, რომლის ერთ-ერთი მონაწილე სწრაფად მზარდი ჩინური კომპანია TCL-ია. მას ტელევიზორები კომპანია Alcatel-ისა და Samsung-ისთვისაც აქვს გაკეთებული.



მოელიან, რომ Amazon-ის ბრენდის ტელევიზორები 55-დან 75 ინჩამდე, დიდი ეკრანის მოდელები იქნება. მათი გამოშვება ოქტომბერის დასაწყისშია დაგეგმილი, თუმცა ამ მხრივ კომპანია ლოგისტიკის პრობლემას წააწყდა. Business Insider-ის წყაროს ცნობით, Amazon, ასევე, მუშაობს ტელევიზორზე, რომელსაც კომპანია მესამე მხარის გარეშე, დამოუკიდებლად აწარმოებს.




Amazon-ის ტელევიზორები, რომლებიც ინდოეთში იყიდება, კომპანიები Radiant Appliances და Electronics Pvt იქვე აწარმებენ. ისინი ოპერაციული სისტემა Fire TV-ითა და ხმოვან ასისტენტ Alexa-თი არიან აღჭურვილი. 55-ინჩიანი მოდელები დღეისთვის 588 დოლარად, 50-ინჩიანი კი - 506 დოლარად იყიდება. ბევრი მომხმარებელი უკმაყოფილოა, რომ AmazonBasics-ის ლოგო ეკრანზე 15 წუთის განმავლობაში ანათებს, ვიდრე პროგრამები ჩაირთვება. ასევე, ხმოვანი ასისტენტი Alexa ჩავარდნებით მუშაობს.



საყოფაცხოვრებო ტექნიკის ბაზარზე Amazon საკუთარი ბრენდის პროდუქტით პირველად არ გადის. 2018 წელს კომპანიამ Alexa-ზე მომუშავე მოწყობილობების სერია გამოუშვა, მათ შორის, მიკროტალღური ღუმელი, ხმის გამაძლიერებელი და საბვუფერი. Amazon-ის მიზანია, ხმოვანი ასისტენტი Alexa მაქსიმალურად საყოველთაო და ადვილად ხელმისაწვდომი გახადოს სახლებში, სადაც ადამიანები ყველაზე მეტ დროს ატარებენ.



Business Insider-ის ცნობით, საკუთარი ბრენდის ტელევიზორები შეაძლოა, კომპანია Apple-მაც გამოუშვას, რომელიც ვიდეო-სტრიმინგში, ასევე, მილიონობით დოლარს ხარჯავს.



„ჯერ კიდევ 2011 წელს კომპანიის თანადამფუძნებელ სტივ ჯობსმა თავის ბიოგრაფ უოლტერ აიზეკსონს განუცხადა, რომ მოფიქრებული აქვს, თუ როგორი უნდა იყოს საუკეთესო ტვ-ინტერფეისი. თუმცა ჯობსი მალევე გარდაიცვალა და Apple-ს ათი წლის შემდეგ ბაზარზე გასვლა Amazon-მა დაასწრო,“ - წერს Business Insider.



bpn.ge



თეგები:
Amazon



სამეზობლოში ეკონომიკის ზრდის ტემპით საქართველო ლიდერია

სამეზობლოში ეკონომიკის ზრდის ტემპით საქართველო ლიდერია
access_time2021-10-24 12:00:04
მიმდინარე წელს საქართველო ეკონომიკის ზრდის ტემპით ახალ-ახალ რეკორდებს ამყარებს. ოფიციალური სტატისტიკის მიხედვით, 2021 წლის პირველ 6 თვეში საქართველოს ეკონომიკა საშუალოდ 12.7%-ით გაიზარდა. აღსანიშნავია ისიც, რომ პირველ კვარტალში უშუალოდ ჩვენი ეკონომიკა 4.5%-ით შემცირდა, თუმცა უკვე მეორე კვარტალში საკმაოდ მაღალი 29.8%-იანი ზრდა...

რუსეთიდან მეცნიერები გარბიან

რუსეთიდან მეცნიერები გარბიან
access_time2021-10-24 20:00:45
რუსეთის მთავრობამ მორიგი ამბიციური გეგმის თაობაზე განაცხადა: 2030 წლისთვის ქვეყანაში 500 000 ემიგრანტი უნდა დააბრუნოს. დიდი ალბათობით, ეს გეგმა ევროპაში და ამერიკაში გადახვეწილ რუსებს უკან დაბრუნების აუცილებლობაში ვერ დაარწმუნებს, სამაგიეროდ, უკიდურესად კორუმპირებული ელიტისთვი სსაბიუჯეტო თანხების მითვისების კიდევ ერთი და ძალიან სარფიანი შესაძლებლობა იქნება.   ზოგადად, ბევრი პროექტი, რომელიც, ერთი შეხედვით, ქვეყნის საკეთილდღეოდ ხორციელდება, საბოლოოდ, გრანდიოზულ კორუფციულ...

სად არის "შავი ოქროს" ყველაზე დიდი მარაგი

სად არის
access_time2021-10-24 18:00:28
საუდის არაბეთი მეორე ქვეყანაა მსოფლიოში ნავთობის დადასტურებული მარაგებიით. მის ტერიტორიაზეა 267,1 მლრდ. ბარელი, რაც მსოფლიო მარაგების 17, 2%- ს შეადგენს.   ამ დროისთვის მსოფლიოში ნავთობის დადასტურებული მარაგი 1,5 ტრლნ.ბარელს შეადგენს.   საუდის არაბეთის ენერგეტიკის სამინისტროს მონაცემებით, ქვეყნის ტერიტორიაზე ნავთობის მოპოვების პოტენციალი 2020 წელს 0, 003%, ანუ, 9 მლნ. ბარელით გაიზარდა. მთელი ამ ნავთობის მხოლოდ ნაწილია დღეს აქტიური მოპოვების...

ავტოსადგურების სერტიფიცირება ამ დრომდე ვერ ხერხდება

ავტოსადგურების სერტიფიცირება ამ დრომდე ვერ ხერხდება
access_time2021-10-24 16:00:46
ქვეყანაში უკანონო ავტოსადგურების არსებობაზე დიდი ხანია საუბრობენ ტრანსპორტისა და ლოგისტიკის ექსპერტები, თუმცა პრობლემა ამ დრომდე...

თბილისისთვის საბაგირო გზების განვითარება გამოწვევად რჩება

თბილისისთვის საბაგირო გზების განვითარება გამოწვევად რჩება
access_time2021-10-23 19:00:43
ბოლო სამი წელის თბილისის მერიამ გააქტიურა მუშაობა დედაქალაქის საბაგირო გზების მიმართულებით, თუმცა თბილისისთვის საბაგირო გზების განვითარება ჯერ კიდევ გამოწვევად რჩება.  2019 წელს დედაქალაქის მერმა კ. კალაძემ დაანონსა - თბილისში სამი მიმართულებით სამგორი-ვაზისუბანი, ახმეტელი-თემქა და სამება-მახათის მთა საბაგირო ხაზების პროექტების განხორციელება. იმ დათქმით, რომ პროექტების განხორციელების პრიორიტეტულობას ტექნიკურ-ეკონომიკური კვლევის შედეგის შემდეგ გადაწყვეტდნენ; 2019 წელსვე  „თბილისის...


მსგავსი სიახლეები

up